សុខភាព

មន្ទីរពេទ្យគន្ធបុប្ផាភ្នំពេញ សង្គ្រោះក្មេងអាយុ ១០ ខែ ម្នាក់ កើតជំងឺរលាកទងសួត និងសួតទាំងសងខាងធ្ងន់ធ្ងរបំផុត ឲ្យរស់រានមានជីវិត

បានផុស

២ years មុន

នៅ

ថ្ងៃចន្ទ ១៤ សីហា ២០២៣

ដោយ

មន្ទីរពេទ្យគន្ធបុប្ផាភ្នំពេញ បានជួយសង្គ្រោះជីវិត ក្មេងស្រីតូចម្នាក់ អាយុ ១០ ខែ ដែលកើតជំងឺរលាកទងសួត និងសួតទាំងសងខាង យ៉ាងធ្ងន់ធ្ងរបំផុត ដោយមានអាការដង្ហក់ ហត់ ថប់ដង្ហើម បាត់បង់ស្មារតី ឲ្យជាសះស្បើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ១៤ ខែសីហា ឆ្នាំ ២០២៣ នេះ តាមរយៈផេកហ្វេសប៊ុក Dr.beat Richner បានបង្ហោះឲ្យដឹងថា ក្មេងស្រីតូចម្នាក់ អាយុ ១០ ខែ មកដល់មន្ទីរពេទ្យគន្ធបុប្ផា មានអាការ ដង្ហក់ ហត់ ថប់ដង្ហើម និងបាត់បង់ស្មារតីធ្ងន់ធ្ងរបំផុត។

ក្មេងតូចម្នាក់នេះ មានជំងឺរលាកទងសួត និងសួតទាំងសងខាងយ៉ាងធ្ងន់ធ្ងរបំផុត នាងត្រូវបានជួយសង្គ្រោះជីវិតនៅផ្នែកសង្គ្រោះបន្ទាន់គន្ធបុប្ផាភ្នំពេញ អស់រយៈពេល ១០ ថ្ងៃ ដោយម៉ាស៊ីនសប់ដង្ហើម ថ្ងៃនេះបានជាសះស្បើយហើយ។

ផេកដដែល បញ្ជាក់ថា «ជំងឺរលាកផ្លូវដង្ហើម» អាចវិវត្តទៅជាការរលាកទងសួត និងសួតធ្ងន់ធ្ងរបាន ពិសេសចំពោះកុមារតូចៗ អាយុក្រោម ២ ឆ្នាំ ដែលភាគច្រើនបណ្ដាលមកពីពួកវីរុស ដូចជា ៖ Adenovirus and RSV ជាដើម…។

ជាមួយគ្នានេះ មន្ទីរពេទ្យគន្ធបុប្ផាភ្នំពេញ ក៏បានអរគុណដល់មន្ទីរពេទ្យគន្ធបុប្ផា មូលនិធិគន្ធបុប្ផាស្វីស និងមូលនិធិគន្ធបុប្ផាកម្ពុជា ព្រមទាំងសប្បុរសជនគ្រប់ៗ រូប ដែលតែងតែគាំទ្រដំណើរការមន្ទីរពេទ្យគន្ធបុប្ផា ផងដែរ។