សុខភាព

តើហេតុអ្វីចាំបាច់ព្យាបាលដោយទាញចង្កេះ (Lumbar Traction)?

បានផុស

៥ years មុន

នៅ

ថ្ងៃអាទិត្យ ១ វិច្ឆិកា ២០២០

ដោយ

ការព្យាបាលដោយទាញចង្កេះ ជាវិធីព្យាបាលបំបាត់ការគាបសង្កត់លើឆ្អឹងខ្នង។ វាជាបច្ចេកទេសទាញពន្លាតសសរឆ្អឹងខ្នង ដែលប្រើប្រាស់ដោយតុម៉ាស៊ីនទាញបែបវិទ្យាសាស្ត្រទំនើប បន្ទាប់ពីការព្យាបាលដោយចលនាបន្ធូរសាច់ដុំសសរឆ្អឹងខ្នងចង្កេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក) ការប្រើបច្ចេកទេសនេះ សម្រាប់ព្យាបាលលើជំងឺមួយចំនួនដូចជា ៖

– ការលៀនទ្រនាប់ឌីសឆ្អឹងខ្នង (Herniation Disc)

– គាបសង្កត់ឈឺសរសៃស្យ៉ាទីគ (Sciatica)

– ទ្រនាប់ឌីសស្ងួតឡើងខ្មៅ (Degeneration Disc)

– គាបសង្កត់លើសរសៃប្រសាទជាយខាង (Nerves Root Compression)

– ជំងឺឈឺចង្កេះផ្សេងទៀត

ខ) ប្រសិទ្ធភាព ៖

– នៅពេលទាញបង្ហើបការគាបសង្កត់ទ្រនាប់ឌីស វាធ្វើឲ្យឌីសមានឱកាសបឺតស្រូបជាតិទឹក និងចំណីអាហារមកចិញ្ចឹម ក្នុងការពង្រីកខ្លួនមកសភាពដើមវិញ និងបង្កើនចលនាឈាមរត់នៅម្ដុំឈឺចាប់។

– ក្នុងគោលបំណងបំបាត់ការគាបសង្កត់ទ្រនាប់ឌីសឆ្អឹងខ្នង និងបំបាត់ការឈឺចាប់ចង្កេះ និងជើង។

ការព្យាបាលនេះ គេហៅថាជាបច្ចេកទេសបំបាត់ការគាបសង្កត់ដោយមិនវះកាត់ (Nonsurgical decompression therapy)។

បើបងប្អូនមានបញ្ហាដូចបានរៀបរាប់ខាងលើ សូមអញ្ជើញមកព្យាបាលដោយចលនាជាមួយអ្នកជំនាញ នៃមន្ទីរពេទ្យកាល់ម៉ែត ដើម្បីទទួលបានការព្យាបាលប្រកបដោយគុណភាព និងប្រសិទ្ធភាពខ្ពស់៕