សុខភាព

មន្ទីរពេទ្យគន្ធបុប្ផាភ្នំពេញ សង្គ្រោះជីវិតក្មេងស្រីម្នាក់ រលាកសាច់បំពង់ក មិនអាចដកដង្ហើមបាន ប្រភេទកម្របំផុត ឲ្យជាសះស្បើយ

បានផុស

២ years មុន

នៅ

ថ្ងៃអង្គារ ៥ កញ្ញា ២០២៣

ដោយ

ក្មេងស្រី អាយុ ១៥ ឆ្នាំ ម្នាក់ កើតជំងឺរលាកសាច់បំពង់ក (Tonsils -Amygdales) ស្រួចស្រាវ ប្រភេទរលាកចេញភ្នាសខ្ទុះស្ទះបំពង់ខ្យល់ និងវិវត្តទៅជារលាកសួត ខ្សោយសាច់ដុំសន្ទះទ្រូង មិនអាចដកដង្ហើមបាន ដែលជាករណីដ៏កម្របំផុត ត្រូវបានជួយសង្គ្រោះជីវិតនៅផ្នែកសង្គ្រោះបន្ទាន់មន្ទីរពេទ្យគន្ធបុប្ផាភ្នំពេញ រហូតជាសះស្បើយត្រឡប់ទៅផ្ទះវិញដោយស្នាមញញឹមជាមួយឪពុកម្ដាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈផេកហ្វេសប៊ុកDr. Beat Richner បានឲ្យដឹងកាលពីថ្ងៃទី ០៤ ខែកញ្ញា ឆ្នាំ ២០២៣ នេះថា ក្មេងស្រី អាយុ ១៥ ឆ្នាំ ម្នាក់ មានជំងឺរលាកសាច់បំពង់ក (Tonsils -Amygdales) ស្រួចស្រាវ ប្រភេទរលាកចេញភ្នាសខ្ទុះស្ទះបំពង់ខ្យល់ និងវិវត្តទៅជារលាកសួត ខ្សោយសាច់ដុំសន្ទះទ្រូង មិនអាចដកដង្ហើមបាន ហើយជំងឺប្រភេទស្មុគស្មាញបែបនេះ គឺជាករណីដ៏កម្របំផុត។

ផេកហ្វេសប៊ុក ដដែល បន្តថា ក្មេងស្រីខាងលើ ត្រូវបានជួយសង្គ្រោះជីវិតនៅផ្នែកសង្គ្រោះបន្ទាន់មន្ទីរពេទ្យគន្ធបុប្ផាភ្នំពេញ អស់រយៈពេល ២១ ថ្ងៃ ដោយជំនួយម៉ាស៊ីនសប់ដង្ហើម ១៦ ថ្ងៃ ហើយពេលនេះបានជាសះស្បើយត្រឡប់ទៅផ្ទះវិញដោយស្នាមញញឹមជាមួយឪពុកម្ដាយនាង។

មន្ទីរពេទ្យគន្ធបុប្ផា បានអរគុណគ្រួសារក្មួយស្រី ដែលចូលរួមបរិច្ចាគថវិកាចំនួន ២ ៥០០ ដុល្លារ ដល់មន្ទីរពេទ្យគន្ធបុប្ផា។

ជាមួយគ្នានេះ មន្ទីរពេទ្យគន្ធបុប្ផា ក៏បានអរគុណចំពោះមូលនិធិគន្ធបុប្ផាស្វីស និងមូលនិធិគន្ធបុប្ផាកម្ពុជា រួមទាំងសប្បុរសជនគ្រប់ៗ រូប ដែលតែងតែគាំទ្រដល់ដំណើរការមន្ទីរពេទ្យគន្ធបុប្ផា។

គួរជម្រាបថា រាល់ការព្យាបាលជំងឺទាំងអស់ គឺ ឥតគិតថ្លៃ សម្រាប់គ្រប់ៗ គ្នា ដោយគ្មានការរើសអើងចំពោះបុគ្គលណាមួយឡើយ៕

អត្ថបទ ៖ ពិសី