សាឡាត់ក្នុងថង់ លាក់កំបាំងនៃមេរោគ ដែលអ្នកប្រហែលជាមិនដឹង

បន្លែសាឡាត់គឺជាអាហារដ៏ពេញនិយមបំផុតមួយសម្រាប់អ្នកដែលយកចិត្តទុកដាក់ចំពោះសុខភាព។ ប៉ុន្តែមនុស្សជាច្រើនមិនសូវធ្វើសាឡាត់សម្រាប់ខ្លួនឯងនោះទេ។ ដូច្នេះហើយ ត្រូវតែមានសាឡាដ​នៅក្នុងថង់ដែលត្រៀមរួចជាស្រេច ដែលងាយស្រួលរកបានគ្រប់ទីកន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែ​តើ​អ្នក​ដឹង​ទេ​ថា ​​សាឡាដ​ក្នុង​ថង់​ទាំងនេះ ​អាច​លាក់​ដោយ​គ្រោះថ្នាក់​? ដែលមនុស្សជាច្រើនតែងតែមើល​រំលង តើអ្វីទៅជាគ្រោះថ្នាក់នោះ?

សាឡាត់​ដែលត្រៀមរួចជាស្រេចមួយ ដែលយើងប្រហែលជាធ្លាប់ស្គាល់ជាងគេគឺសាឡាត់នៅក្នុងថង់ច្រក់ស្រាប់ៗ តែងតែមានលក់គ្រប់ទីកន្លែង នៅតាមហាងនានាក្នុងផ្សារ និងផ្សារទំនើប។ ទោះបីជាវាមើលទៅមានពណ៌និងស្រស់ស្អាត មើល​ទៅ​គួរឲ្យចង់ហូប​ ប៉ុន្តែ​វា​ច្រើន​តែ​មក​ជាមួយ​នឹង​គ្រោះថ្នាក់​ដល់​សុខភាព​ផង​ដែរ​។

ដោយសារតែសាឡាដនៅក្នុងថង់ទាំងនេះ អាចត្រូវបានបំពុលដោយ​វត្ថុគ្រោះថ្នាក់ដូចជា​សំណល់ពុលពីថ្នាំ​សម្លាប់សត្វល្អិត ឬមេរោគ និងបាក់តេរី ដែលអាចបង្ក​ឲ្យ​មានជំងឺដល់មនុស្ស។

កាលពីដើមឆ្នាំនេះ មានរបាយការណ៍ពីការចម្លងរោគ Cyclospora cayetanensis ដែលជាប៉ារ៉ាស៊ីត​ដែលអាចបណ្តាល​ឲ្យ​រាគ​, malabsorption នៃសារធាតុចិញ្ចឹម និងការខះជាតិទឹក លាយ​ក្នុង​ម៉ាក​សាឡាដ​បន្លែ​ក្នុង​ថង់ លក់នៅសហរដ្ឋអាមេរិក ហើយជាលទ្ធផល មនុស្សរហូតដល់ ៦៩០ នាក់បានឆ្លងមេរោគ​ពីការបរិភោគសាឡាត់​ក្នុងថង់នោះ ហើយមនុស្ស ៣៧ នាក់ត្រូវបញ្ជូនទៅ​មន្ទីរពេទ្យ។ ជា​លទ្ធផល បន្លែ​​មួយ​ចំនួន​ធំ​ត្រូវ​ប្រមូល​យក​មក​វិញ​ដើម្បី​បំផ្លាញ។

ទន្ទឹមនឹងនេះ មានការស្រាវជ្រាវដែលត្រូវបានរកឃើញ សាឡាត់​នៅក្នុងថង់​គឺជាបរិយាកាស​ដ៏​អស្ចារ្យ។ វា​ស័ក្តិសម​សម្រាប់ការលូតលាស់នៃមេរោគផ្សេងៗ ដូចជាបាក់តេរី Salmonella (Salmonella) ឬ E.coli (Escherichia coli; E.coli) មេរោគពីរដែលបង្កជំងឺ​ក្នុងប្រព័ន្ធរំលាយអាហារ​ដូចជា រាគ ក្អួត ចង្អោរ និង​ពុលអាហារ។

ប្រភពទូទៅបំផុតនៃមេរោគទាំងនេះ ជាធម្មតានៅក្នុងផ្នែកទឹកបន្លែនៅផ្នែកខាងក្រោមនៃថង់។ សំណល់ពីការលាងបន្លែនិងមិនបង្ហូរទឹកទាំងអស់។ ដោយបាក់តេរីបំពុលសាឡាត់បន្លែ វាអាចមកពីការចម្លងរោគនៃទឹក ដី ឬពីការប៉ះពាល់របស់មនុស្សនៅពេលប្រមូលផល និងការវេចខ្ចប់។ នៅពេលដែលមេរោគទាំងនេះចូលមកក្នុងបរិយាកាសដែលពោរពេញដោយសំណើម។ វានឹងកើនឡើង និងពង្រីកក្នុងបរិមាណយ៉ាងឆាប់រហ័ស។ គ្រប់គ្រាន់ដើម្បីបង្កជំងឺដល់មនុស្ស។ បណ្តាលឲ្យអ្នកដែលញ៉ាំសាឡាត់បន្លែនៅក្នុងថង់ មានឱកាសឆ្លងមេរោគទាំងនេះផងដែរ។

លើស​ពី​នេះ ការ​ស្រាវជ្រាវ​ក៏​បាន​រក​ឃើញ​ផង​ដែរ​ បាក់តេរីបានបំពុលសាឡាដនៅក្នុងថង់នោះ។ ជាធម្មតាបិទយ៉ាងតឹង។ ហើយមិនអាចលាងសម្អាតបាន​ ដោយការលាងបន្លែដូចធម្មតាឡើយ។

បច្ចេកទេសទិញសាឡាត់បន្លែដោយសុវត្ថិភាព

-ជ្រើសរើសដោយប្រុងប្រយ័ត្នមុនពេលទិញ។

-អ្នកគួរតែទិញបន្លែសាឡាដ ដែលអ្នកអាចប្រាកដថាមានសុវត្ថិភាព និងស្អាត មិនមានស្នាមរហែកថង់។ កុំភ្លេចមើលកាលបរិច្ឆេទផុតកំណត់មុនពេលទិញផងដែរ។ ម្យ៉ាងទៀត កុំភ្លេចមើលថាតើមានចំហាយទឹក ឬសំណើមនៅក្នុងថង់សាឡាដដែរឬទេ? ដោយសារតែចំហាយទឹក និងសំណើមនឹងផ្តល់ឱកាសឲ្យមេរោគកើនឡើងច្រើនជាងធម្មតា។

បន្លែសាឡាដដែលបានទិញគួរតែត្រូវបានបរិភោគភ្លាមៗបន្ទាប់ពីទិញ។ កុំទុកយូរក្នុងទូរទឹកកក។ នេះអាចផ្តល់ពេលវេលាដល់មេរោគក្នុងការបង្កាត់ពូជកាន់តែរហ័ស៕

ប្រែសម្រួល៖ សាង ស្រីល័ក្ខ

ចុចអាន៖និយមទទួលទានគីមឈី ត្រូវប្រុងប្រយ័ត្ន ជាពិសេសអ្នកមានជំងឺប្រចាំកាយ