សុខភាព

ខ្លាចការចាក់ ឬលេបថ្នាំ ស្ដ្រីអាចប្រើប្រាស់កៅអៀកពន្យារកំណើតជំនួសបាន

បានផុស

៤ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

វិធីពន្យារកំណើតដោយប្រើកៅអៀក អាចថាមិនទាន់ទូលំទូលាយខ្លាំងប៉ុន្មានឡើយនៅប្រទេសកម្ពុជាយើង ព្រោះតែតម្លៃថ្លៃ និងមិនសូវយល់ពីរបៀបប្រើប្រាស់។ ថ្ងៃនេះ Helloគ្រូពេទ្យ បានស្វែងរកអ្នកធ្លាប់ប្រើប្រាស់ម្នាក់ដែលជាស្ត្រីខ្មែររស់នៅប្រទេសបារាំង មានកូន ៣ នាក់ ហើយទទួលបានបទពិសោធពីពេទ្យបារាំង ចូលខ្លួនមកណែនាំឲ្យស្រីៗគ្នាយើង ពីរបៀបបិទកៅអៀកពន្យារកំណើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

– កៅអៀកពន្យារកំណើតមួយប្រអប់មាន ៣ បន្ទះ សម្រាប់បិទ ៣ សប្ដាហ៍
– កៅអៀកបិទដំបូងនៅថ្ងៃមករដូវ ឬក្រោយអស់រដូវថ្ងៃទី១ ដល់សប្ដាហ៍ទី ៤ មិនបាច់បិទទេ
– ពេលបើកប្រអប់មកនឹងមានឃើញ ៣ បន្ទះក្នុងស្រោម ហើយមានអក្សរថា មួយណាបន្ទះទី១ ទី២ និងទី៣
– ពេលហែកសំបកភ្លាម នឹងឃើញកៅអៀកទំហំ ៣ ធ្នាប់ដៃ និងមានផ្លាស្ទិកថ្លាបិទកន្លែងស្អិត
– ការបិទកៅអៀកនេះទាមទារធ្វើឡើងទៀងពេល ឧទាហរណ៍៖ បិទបន្ទះដំបូង ថ្ងៃ ព្រហស្បតិ៍ ម៉ោង ១១ ព្រឹក ហើយបន្ទះទី២ និងទី៣ ក៏ត្រូវធ្វើឡើងបែបនេះដែរ
– មុនបិទត្រូវជូតស្បែកកន្លែងនោះឲ្យស្ងួត
– កៅអៀកពន្យារកំណើតអាចបិទនៅដើមដៃ ត្រគាក ភ្លៅ និងគ្រប់ទីកន្លែងដែលចង់
– អាចងូតទឹក និងដុសសាប៊ូបាន តែកុំខ្លាំងពេកខ្លាចរបក ហើយចៀសវាងលាបឡេ ព្រោះវាអាចនាំឲ្យបាត់បង់ជាតិស្អិត
– ផលប៉ះពាល់មានដូចជារមាស់ ឬរបកស្បែកកន្លែងបិទ៕

អត្ថបទផ្ដល់សិទ្ធិដោយ៖ Hellokrupet

ចុចអាន៖សុខាភិបាលក្រើនរំលឹក វិធីបង្ការការពុលស្រា អំឡុងចូលឆ្នាំ

ចុចអាន៖បើមិនចង់កើតជំងឺ៣មុខនេះ ត្រូវឈប់ផឹកទឹកសុទ្ធដបជ័រត្រូវកម្តៅថ្ងៃភ្លាម

Related Topics:ការថែទាំសុខភាព