ព័ត៌មានអន្ដរជាតិ
បង់ក្លាដែស ផ្ទុះជំងឺគ្រុនឈាមធ្ងន់ធ្ងរបំផុត ខណៈមនុស្សស្លាប់ បន្តកើនឡើង លើស ១០០០នាក់ហើយ
គិតត្រឹម១០ខែក្នុងឆ្នាំនេះ ប្រទេសបង់ក្លាដែស មានមនុស្សជាង១០០០នាក់ហើយ បានស្លាប់ដោយសារជំងឺគ្រុនឈាម ក្នុងអ្វីដែលអាជ្ញាធរនិយាយថា ជាការផ្ទុះឡើងធ្ងន់ធ្ងរបំផុតនៃជំងឺនេះ ដែលប្រទេសមិនធ្លាប់ជួបប្រទះសោះ។

តួលេខពីអគ្គនាយកដ្ឋានសេវាសុខភាពរបស់ប្រទេសបង់ក្លាដែស ដែលចេញផ្សាយកាលពីយប់ថ្ងៃអាទិត្យទី១ខែតុលា បានបង្ហាញថា មនុស្សចំនួន ១០០៦នាក់បានស្លាប់ ក្នុងចំណោមករណីឆ្លងដែលបានបញ្ជាក់ជាង ២០០០០០ករណី។
ខ្យល់មូសុងសើមខុសពីធម្មតា បានបង្កភាពងាយស្រួលដល់សត្វមូស ដែលចម្លងមេរោគគ្រុនឈាមនិង បង្កាត់ពូជ។ ស្របពេលជាមួយគ្នានោះ ក្រុមមន្ត្រីបានព្យាយាមទប់ស្កាត់ ការរីករាលដាលនៃជំងឺនេះ ហើយមន្ទីរពេទ្យនានា ក៏ពោរពេញទៅដោយអ្នកជំងឺផងដែរ។
យោងតាមអង្គការសុខភាពពិភពលោក, ការឆ្លងជំងឺគ្រុនឈាម ត្រូវបានរាយការណ៍នៅក្នុងស្រុកទាំង៦៤របស់ប្រទេសបង់ក្លាដែស។

អ្នកជំងឺគ្រុនឈាមរាប់រយនាក់ បាននាំគ្នាទៅមន្ទីរពេទ្យក្នុងរដ្ឋធានី ដាក្កា ដើម្បីស្វែងរកការព្យាបាល ប៉ុន្តែមន្ទីរពេទ្យខ្វះឧបករណ៍ ព្រោះអ្នកជំងឺមានចំនួនច្រើនពេក។
ចំណែកក្រុមវេជ្ជបណ្ឌិតបានសង្កត់ធ្ងន់ថា បច្ចុប្បន្ន ស្ថានភាពអ្នកជំងឺគ្រុនឈាមនៅបង់ក្លាដែស កាន់តែយ៉ាប់យ៉ឺនទៅៗ បើធៀបនឹងរយៈពេលប៉ុន្មានឆ្នាំចុងក្រោយនេះ។
តាមទិន្នន័យរបស់ទីក្រុងដាក្កា, មនុស្សរហូតដល់២០នាក់បានស្លាប់ ដោយសារជំងឺគ្រុនឈាមជារៀងរាល់ថ្ងៃ ក្នុងរយៈពេល២ខែចុងក្រោយ ហើយតួលេខអ្នកស្លាប់នៅឆ្នាំនេះ បានកើនលើសពីចំនួនសរុបក្នុងរយៈពេល២២ឆ្នាំចុងក្រោយទៅទៀត៕
ប្រែសម្រួល៖ Vann Vann
ប្រភព៖ BBC

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ