សុខភាព

១០ ខែ ឆ្នាំនេះ មានកុមារច្រឡំផឹកទឹកក្បុង ១៩ ករណី

បានផុស

១ year មុន

នៅ

ថ្ងៃព្រហស្បតិ៍ ២ វិច្ឆិកា ២០២៣

ដោយ

នៅរយៈពេល ១០ ខែ ឆ្នាំ ២០២៣ នេះ មានកុមារច្រឡំផឹកទឹកក្បុងចំនួន ១៩ ករណី។ ក្នុងនោះ មន្ទីរពេទ្យគន្ធបុប្ផាទី ៣ ក៏បានឆ្លុះពង្រីកបំពង់អាហាររួមត្បៀត បន្ទាប់ពីកុមារច្រឡំផឹកទឹកក្បុង បានចំនួន ៣៧ ករណី ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ០២ ខែវិច្ឆិកា ឆ្នាំ ២០២៣ នេះ តាមរយៈផេកហ្វេសប៊ុកផ្លូវការDr. Beat Richner បានអះអាងថា រយៈពេល ១០ ខែ ក្នុងឆ្នាំ ២០២៣ នេះ មានកុមារច្រឡំផឹកទឹកក្បុងចំនួន ១៩ ករណី។ ក្នុងនោះ មន្ទីរពេទ្យគន្ធបុប្ផាទី ៣ ក៏បានឆ្លុះពង្រីកបំពង់អាហាររួមត្បៀត បន្ទាប់ពីកុមារច្រឡំផឹកទឹកក្បុងបានចំនួន ៣៧ ករណី ផងដែរ។

ផេកហ្វេសប៊ុក ដដែលបន្ថែមថា កាលពីថ្ងៃទី ៣១ ខែតុលា ឆ្នាំ ២០២៣ ផ្នែកឆ្លុះក្រពះ ពោះវៀន នៃមន្ទីរពេទ្យជ័យវរ្ម័នទី ៧ ខេត្តសៀមរាប (មន្ទីរពេទ្យគន្ធបុប្ផាទី ៣) បានធ្វើការឆ្លុះមើលបំពង់អាហារ និងក្រពះដល់ក្មេងប្រុសម្នាក់ មានអាយុ ៣ ឆ្នាំ ៤ ខែ មកពីស្រុកស្ទោង ខេត្តកំពង់ធំ ដែលច្រឡំផឹកទឹកក្បុង រយៈពេល ២៤ ម៉ោង មុនឆ្លុះក្រពះ ហើយរកឃើញថាមានការរលាកធ្ងន់ធ្ងរ រួមនឹងមានហូរឈាមទាំងនៅបំពង់អាហារ និង ក្រពះ ផងដែរ។

សូមបញ្ជាក់ថា «ការរលាកទៅលើបំពង់អាហារធ្ងន់ធ្ងរដោយសារផឹកទឹកក្បុង អាចវិវត្តន៍ទៅជាការរួមត្បៀត ឬ ស្ទះជិត នៃបំពង់អាហារ»៕

អត្ថបទ ៖ ពិសី