៥យ៉ាងដែលអ្នកគួរដឹងអំពីបញ្ហាឈឺឆ្អឹងខ្នង – Kampuchea Thmey Daily
Connect with us

សុខភាព

៥យ៉ាងដែលអ្នកគួរដឹងអំពីបញ្ហាឈឺឆ្អឹងខ្នង

Published

on

ជនជាតិអាមេរិកប្រមាណ ១០០ លាននាក់ទទួលរងនូវការឈឺចាប់សន្លាក់រ៉ាំរ៉ៃ បន្ទាប់មកគឺការឈឺជង្គង់ ។ ការព្យាយាមរកមូលហេតុដែលបណ្តាលឱ្យឈឺសន្លាក់ចាំបាច់ណាស់ដើម្បីយល់ថា វាជារោគសញ្ញាគ្រោះថ្នាក់ដែលត្រូវការការពិនិត្យ និងការព្យាបាលប្រកបដោយវិជ្ជាជីវៈរបស់គ្រូពេទ្យជំនាញ។

ខាងក្រោមនេះ ជារឿង៥យ៉ាងដែលអ្នកគួរស្វែងយល់ពីបញ្ហា ឈឺឆ្អឹងខ្នង និងការរលាកសន្លាក់៖

កាល់ស្យូមនិងវីតាមីន D​ ជួយបន្ថយការឈឺចាប់

ការសិក្សាមួយត្រូវបានបង្ហាញថា វីតាមីនD អាចជួយបំបាត់ការឈឺសន្លាក់បាន។ ដូចគ្នានេះផងដែរ ដែលត្រូវបានគេកត់សម្គាល់ថា សន្លាក់ចាប់ផ្តើមឈឺចាប់កាន់តែខ្លាំងនៅពេលកង្វះនូវការព្យាបាល។ វាមានសារៈសំខាន់ណាស់ ជាពិសេសក្នុងការទទួលទានវីតាមីន D ជាមួយកាល់ស្យូម។ វីតាមីន D និងកាល់ស្យូម នឹងមិនព្យាបាលជំងឺទេ ប៉ុន្តែនឹងជួយកាត់បន្ថយការរលាក និងធ្វើឱ្យឆ្អឹងរឹងមាំ។

របបអាហារដែលមានសារធាតុប្រឆាំងអុកស៊ីតកម្មអាចបន្ថយការរលាក

គ្រូពេទ្យបានណែនាំការទទួលទានរបបអាហារត្រឹមត្រូវ ដើម្បីជួយសម្រួលដល់ការឈឺសន្លាក់។ មានអាហារមួយចំនួន ដែលអាចជួយបញ្ហានេះបានដូចជា ត្រី ប្រេងអូលីវ ផ្លែឈើ បន្លែ និងតែផ្កាឈូក។ អាហារទាំងនេះត្រូវបានបង្កើតឡើង ដោយធាតុដែលប្រឆាំងនឹងការរលាក។ គួរបញ្ជាក់ផងដែរថា ផ្កាកុលាបសម្បូរទៅដោយសារធាតុប្រឆាំងអុកស៊ីតកម្ម ដែលអាចជួយប្រឆាំងនឹងការបំផ្លាញកោសិកា។

សកម្មភាពរាងកាយអាចជួយស្ថានភាពជំងឺរបស់អ្នក

ជាការពិតនៅពេលឈឺជង្គង់ អ្នកមិនអាចលោត និងរត់ដូចមនុស្សដែលមានសុខភាពល្អទេ ប៉ុន្តែមិនមានន័យថា អ្នកគួរតែចៀសវាងការហាត់ប្រាណនោះដែរ។ សូម្បីតែការដើរឲ្យបានយូរ ក៏គ្រប់គ្រាន់ដើម្បីជួយឱ្យសុខភាពឆ្អឹងល្អប្រសើរបានដែរ។ គ្រូពេទ្យណែនាំថា អ្នកអាចធ្វើលំហាត់ប្រាណមួយចំនួន ដែលមិនដាក់សម្ពាធបន្ថែមលើសន្លាក់របស់អ្នក។

សូមពិគ្រោះជាមួយវេជ្ជបណ្ឌិត អំពីលំហាត់ណាដែលល្អសម្រាប់អ្នក ហើយកុំហាត់ប្រាណនៅពេលរោគសញ្ញារលាកសន្លាក់មានសភាពកាន់តែធ្ងន់ធ្ងរ។

ប្រុងប្រយ័ត្ននៅពេលប្រើធាតុក្ដៅនិងត្រជាក់

សូមប្រយ័ត្នមុនពេលបង្កើនកម្ដៅរាងកាយទៅនឹងសន្លាក់។ លក្ខខណ្ឌមួយចំនួនដែលត្រូវបានហាមឃាត់មិនឱ្យឡើងកម្តៅរាងកាយរួមមាន ងូតទឹកក្តៅ ម៉ាស្សា និងសូណារួមបញ្ចូល។ល។ ការដាក់កន្សែងត្រជាក់ ឬដុំទឹកកកក៏មិនគួរធ្វើក្នុងពេលតែមួយដែរ។ ប្រសិនបើ រដូវរងារឬខ្យល់ខ្លាំង សូមកុំភ្លេចស្លៀកសម្លៀកបំពាក់និងស្រោមដៃជិតៗដើម្បីបានកក់ក្តៅ។

ប្រសិនបើអ្នកមានការឈឺចាប់ខ្លាំង សូមទៅជួបគ្រូពេទ្យ ហើយស្នើសុំការធ្វើតេស្តត្រឹមត្រូវ ដើម្បីចៀសវាងផលវិបាកដែលមានគ្រោះថ្នាក់ និងស្វែងយល់ឱ្យកាន់តែច្បាស់នូវអ្វីដែលអ្នកអាចឬមិនអាចធ្វើបាន។

ការឈឺចាប់ឆ្អឹងខ្នងទាំងអស់មិនមែនសុទ្ធតែរលាកសន្លាក់

ជួនកាល ការធ្វើរោគវិនិច្ឆ័យមនុស្សម្នាក់អាចនឹងពិបាក ដែលបណ្ដាលឲ្យមានការឈឺចាប់ បូករួមគ្នាក្នុងពេលតែមួយ ព្រោះថា រោគសញ្ញាជាច្រើននៃជំងឺ មានភាពស្រដៀងគ្នា។ ប្រសិនបើគ្រាន់តែឈឺសន្លាក់តែមួយ ដែលធ្វើឱ្យឈឺចាប់ អ្នកគួរតែទៅជួបគ្រូពេទ្យជំនាញខាងជំងឺសន្លាក់។ មានតែអ្នកជំនាញទេ ដែលអាចបែងចែកជំងឺរលាកសន្លាក់ពីទម្រង់ផ្សេងៗគ្នា៕

 ប្រែសម្រួល៖ សន្យា

ចុចអាន៖ អត្ថប្រយោជន៍ដ៏អស្ចារ្យ ៧យ៉ាងពីការហាត់ Yoga

ចុច Like Facebook កម្ពុជាថ្មី

ព័ត៌មានពេញនិយម