សុខភាព

ខែធ្នូ ឆ្នាំ ២០២៣ មន្ទីរពេទ្យគន្ធបុប្ផា ពិនិត្យព្យាបាលជំងឺកុមារ ជិត ៨ ម៉ឺននាក់

បានផុស

១ year មុន

នៅ

ថ្ងៃអង្គារ ២ មករា ២០២៤

ដោយ

នៅក្នុងខែធ្នូ ឆ្នាំ ២០២៣ មន្ទីរពេទ្យគន្ធបុប្ផា បានពិនិត្យព្យាបាលជំងឺដល់កុមារចំនួន ៧៨ ៤១៨ នាក់ និងកុមារមានជំងឺធ្ងន់ធ្ងរ ១៥ ១៧២ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមព័ត៌មានពិត នៃតួលេខ ក្នុងខែធ្នូ ឆ្នាំ ២០២៣ នៅមន្ទីរពេទ្យគន្ធបុប្ផា ដែលបានចុះផ្សាយ នាថ្ងៃទី ០២ ខែមករា ឆ្នាំ ២០២៤ នេះ បានឲ្យដឹងថា កុមារឈឺចំនួន ៧៨ ៤១៨ នាក់ ត្រូវបានពិនិត្យព្យាបាលក្នុងផ្នែកពិគ្រោះជំងឺក្រៅ។ ចំណែកកុមារមានជំងឺធ្ងន់ៗ ១៥ ១៧២ នាក់ ដាក់ឲ្យសម្រាកព្យាបាលក្នុងមន្ទីរពេទ្យ។ ចំពោះកុមារមានជំងឺគ្រុនឈាម ចំនួន ១ ៦៣៣ នាក់ បានព្យាបាលក្នុងមន្ទីរពេទ្យ និងកុមារចំនួន ២ ៣៣៧ នាក់ ត្រូវបានទទួលការវះកាត់។ ក្នុងនោះ កុមារវះកាត់បេះដូងនិងភ្ជិតប្រហោងបេះដូងតាមសរសៃឈាម នៅមន្ទីរពេទ្យគន្ធបុប្ផាភ្នំពេញ និងសៀមរាប មានចំនួន ៨៨ នាក់។

ដោយឡែកនៅផ្នែកសម្ភព នៃមន្ទីរពេទ្យជ័យវរ្ម័នទី ៧ (គន្ធបុប្ផាទី ៣) ស្ត្រីមានផ្ទៃពោះចំនួន ៨ ៦៤៦ នាក់ បានមកពិនិត្យតាមដានផ្ទៃពោះ និងព្យាបាល នៅក្នុងផ្នែកពិគ្រោះជំងឺក្រៅ នៃមន្ទីរសម្ភព និងសម្រាលកូន បានចំនួន ១ ៨៥៨ នាក់។