សុខភាព
តើការញ៉ាំស្ករច្រើន ធ្វើឲ្យកើតជំងឺទឹកនោមផ្អែម ពិតអត់?
ជំងឺទឹកនោមផ្អែមត្រូវគេកំណត់លើការឡើងកម្រិតជាតិស្ករក្នុងឈាម តែអាចមានមនុស្សយើងមួយចំនួនឆ្ងល់ដែរថា តើការញ៉ាំស្ករធ្វើឲ្យកើតជំងឺទឹកនោមផ្អែមមែនឬ?
ជាការពិតការញ៉ាំស្ករច្រើនអាចបង្កើនហានិភ័យកើតជំងឺទឹកនោមផ្អែម តែថាការញ៉ាំស្ករគ្រាន់ជាផ្នែកមួយនៃការកើតមានជំងឺនេះប៉ុណ្ណោះ។ មានកត្តាជាច្រើនទៀតរូមទាំងរបបអាហារ របៀបរបបរស់នៅ និងហ្សែន ជាដើម សុទ្ធតែអាចជាហានិភ័យនាំឲ្យកើតមានជំងឺទឹកនោមផ្អែមនេះដែរ។
១. អ្វីជាជំងឺទឹកនោមផ្អែម?
ជំងឺទឹកនោមផ្អែមកើតឡើងនៅពេលរាងកាយរបស់យើងលែងអាចគ្រប់គ្រងកម្រិតជាតិស្ករក្នុងឈាមប្រកបដោយប្រសិទ្ធភាព។ បញ្ហានេះ អាចកើតឡើងបាននៅពេលដែលលំពែងឈប់ផលិតអាំងស៊ុតលីនឲ្យបានគ្រប់គ្រាន់ ដោយសារតែកោសិកាយើងស៊ាំនឹងអាំងស៊ុយលីន។
អាំងស៊ុយលីន គឺជាអ័រម៉ូនជួយកម្ចាត់ស្ករចេញពីក្នុងចរន្តឈាម និងបញ្ចូលទៅក្នុងកោសិកា។ ដំណើរការទាំងពីរនេះ ជួយកាត់បន្ថយកម្រិតជាតិស្ករក្នុងឈាម។
ការមានកម្រិតជាតិស្ករក្នុងឈាមខ្ពស់ក្នុងរយៈពេលយូរ នឹងនាំឲ្យកើតមានផលវិបាកផ្សេងៗ ដូចជាកើតមានហានិភ័យជំងឺបេះដូង ក៏ដូចជាខូចខាតដល់ប្រព័ន្ធប្រសាទ និងតម្រងនោម។ ដូចនេះហើយ វាមានសារសំខាន់ណាស់ ដែលអ្នកជំងឺទឹកនោមផ្អែមត្រូវគ្រប់គ្រងកម្រិតជាតិស្ករឲ្យបានល្អ។
ជំងឺទឹកនោមផ្អែមប្រភេទ១៖ កើតឡើងនៅពេលប្រព័ន្ធភាពស៊ាំវាយប្រហារទៅលើលំពែង និងបំផ្លាញលទ្ធភាពផលិតអាំងស៊ុយលីន។
ជំងឺទឹកនោមផ្អែមប្រភេទ២៖ កើតឡើងពេលលំពែងឈប់ផលិតអាំងស៊ុយលីនឲ្យបានគ្រប់គ្រាន់ នៅពេលដែលកោសិការាងកាយយើងលែងឆ្លើយតបទៅនឹងអាំងស៊ុយលីនដែលលំពែងផលិត។
២. តើស្ករធ្វើមេតាប៉ូលិសបែបណា?
ពេលនិយាយទៅលើស្ករ គឺសម្ដៅលើsucrose ជាស្ករដែលផលិតចេញពីស្ករអំពៅជាដើម។ Sucrose ផ្សំឡើងដោយមូលេគុលគ្លុយកូស និងមួយមូលេគុលហ្វ្រាក់តូស (fructose) ចងជាប់គ្នា។
ពេលយើងញ៉ាំស្ករ មូលេគុលគ្លុយកូស និងហ្វ្រាក់តូស ត្រូវបំបែកចេញពីគ្នាដោយអង់ហ្ស៊ីមនៅក្នុងពោះវៀនតូច មុនស្រូបចូលក្នុងចរន្តឈាម។
ការណ៍នេះ ធ្វើឲ្យកើនឡើងកម្រិតជាតិស្ករក្នុងឈាម និងជាសញ្ញាឲ្យលំពែងបញ្ចេញអាំងស៊ុយលីន។ អាំងស៊ុយលីននឹងនាំគ្លុយកូសចេញពីក្នុងចរន្តឈាម ហើយចូលទៅក្នុងកោសិកា ដែលវានឹងធ្វើមេតាប៉ូលិសឲ្យក្លាយជាថាមពល។
ដូចគ្នាដែរ ចំនួនតិចតួចនៃហ្វ្រាក់តូស អាចត្រូវនាំទៅកាន់កោសិកា និងប្រើសម្រាប់ជាថាមពល និងមួយផ្នែកធំត្រូវនាំទៅកាន់ថ្លើម ជាកន្លែងបំប្លែងទៅជាគ្លុយកូសសម្រាប់ថាមពល ឬក៏ជាខ្លាញ់ស្តុក ទុក។
ប្រសិនជាយើងញ៉ាំស្ករច្រើនជាងតម្រូវការរបស់រាងកាយសម្រាប់បង្កើតថាមពល ស្ករដែលលើសនឹងត្រូវបំប្លែងទៅជាអាស៊ីដខ្លាញ់ និងស្តុកទុកក្នុងរាងកាយ។
ដោយសារតែហ្វ្រាក់តូស អាចបំប្លែងជាខ្លាញ់ បើយើងញ៉ាំច្រើននឹងធ្វើឲ្យយើងកើនឡើងកម្រិតខ្លាញ់ទ្រីគ្លីសេរីត ដែលអាចនាំឲ្យយើងប្រឈមនឹងជំងឺបេះដូង និងខ្លាញ់រុំថ្លើម។
៣. ស្ករធ្វើឲ្យកើតជំងឺទឹកនោមផ្អែម?
ការសិក្សាជាច្រើនបានរកឃើញថាការផឹកភេសជ្ជៈផ្អែមជាទៀងទាត់អាចមានឱកាសកើតជំងឺទឹកនោមផ្អែមប្រភេទ២ ដល់ទៅ២៥ភាគរយ។ ជាក់ស្តែងផឹកភេសជ្ជៈផ្អែមមួយកំប៉ុងរាល់ថ្ងៃមានហានិភ័យកើតជំងឺទឹកនោមផ្អែម១៣ភាគរយ ដោយមិនទាន់គិតដល់ការឡើងគីឡូនៅឡើង។
ដូចគ្នាដែរ ការសិក្សារកឃើញថាប្រទេសដែលសម្បូរប្រជាជនចូលចិត្តញ៉ាំស្ករច្រើន ក៏សម្បូរអ្នកកើតជំងឺទឹកនោមផ្អែមជាងប្រទេសដែលមានពលរដ្ឋមិនសូវញ៉ាំស្ករដូចគ្នា។
ស្ករចម្រាញ់ ពិសេសស្ករមាននៅក្នុងភេសជ្ជៈផ្អែម គឺមានទំនាក់ទំនងខ្លាំងនាំឲ្យវិវត្តទៅជាជំងឺទឹកនោមផ្អែមប្រភេទ២។ ការណ៍នេះទំនងដោយសារស្ករមានផលប៉ះពាល់ដោយផ្ទាល់លើថ្លើម និងដោយប្រយោលលើការឡើងទម្ងន់។
៤. ចុះស្ករធម្មជាតិ?
ខណៈដែលការញ៉ាំស្ករកែច្នៃច្រើនមានទំនាក់ទំនងទៅនឹងជំងឺទឹកនោមផ្អែម តែការញ៉ាំស្ករធម្មជាតិមិនដូចគ្នាទេ។ ស្ករធម្មជាតិ សម្ដៅលើស្ករដែលមាននៅក្នុងផ្លែឈើ និងបន្លែដែលយើងញ៉ាំ ដោយមិនបានឆ្លងកាត់ការចម្រាញ់។
ស្ករធម្មជាតិនៅក្នុងបន្លែ និងផ្លែឈើ មានលាយឡំជាមួយនឹងជាតិសរសៃ ទឹក សារធាតុប្រឆាំងអុកស៊ីតកម្ម និងសារធាតុចិញ្ចឹមផ្សេងៗទៀត។ អ្វីទាំងអស់នេះ នឹងត្រូវរំលាយ និងស្រួបយឺតៗ និងមិនងាយធ្វើឲ្យឡើងកម្រិតជាតិស្ករក្នុងឈាមនោះទេ។
យ៉ាងណា ចំពោះទឹកផ្លែឈើស្រស់វិញ ការសិក្សាមួយចំនួនបានរកឃើញពីទំនាក់ទំនងវិវត្តទៅនឹងជំងឺទឹកនោមផ្អែម ដោយសារថាក្នុងទឹកផ្លែឈើមានជាតិស្ករខ្ពស់ និងមានជាតិសរសៃទាប។ ប៉ុន្តែ ការលើកឡើងនេះនៅមានលទ្ធផលមិនទាន់គ្រប់គ្រាន់ ដែលទាមទារឲ្យមានការសិក្សាបន្ថែមទៀត៕
អត្ថបទផ្ដល់សិទ្ធិដោយ៖ Hellokrupet
សូមចុចអាន៖ ស្ងួត របក ឬប្រេះបបូរមាត់ កុំព្យាយាមបកចេញ ប្រយ័ត្នគ្រោះថ្នាក់ធំ
ជនជាតិឥណ្ឌា២០០០នាក់កំពុងធ្វើការជាបុគ្គលិកឆបោកតាមអ៊ីនធឺណិតនៅមីយ៉ាន់ម៉ា
គណៈប្រតិភូគណៈកម្មការទី ៨ នៃរដ្ឋសភា ចុះស្វែងយល់ពីវឌ្ឍនភាព និងបញ្ហាប្រឈមនានា នៅក្នុងវិស័យការងារ
មន្ត្រីយោធាកំពូលពីររូបរបស់អាមេរិក ត្រូវបណ្តេញចេញពីតំណែង
បណ្ដាក្រុមហ៊ុនកូរ៉េខាងត្បូង គ្រោងបង្កើនការវិនិយោគនៅវៀតណាម
បច្ចេកវិទ្យាទំនើបៗចុងក្រោយរបស់ពិភពលោក នឹងយកទៅប្រើប្រាស់នៅអាកាសយានដ្ឋានអន្តរជាតិតេជោ
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ករណីមានវិវាទជាមួយ ប.ស.ស.មិនអាចដោះស្រាយបាន ពលរដ្ឋអាចដាក់ពាក្យប្តឹងទៅកាន់និយ័តករសន្តិសុខសង្គម
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ចិន ចេញមុខនិយាយអំពីដំណោះស្រាយ អាមេរិក-រុស្ស៊ី ចំពោះសង្គ្រាមនៅអ៊ុយក្រែន
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៧ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម២ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ