សុខភាព

ទឹកសណ្ដែកសៀង Yeo’s Immuniti បន្ថែមសារធាតុចិញ្ចឹម នាំមកនូវការបដិវត្តន៍សុខភាពនៅជុំវិញទីក្រុងភ្នំពេញ

បានផុស

៧ ខែ មុន

នៅ

ថ្ងៃចន្ទ ២៦ កុម្ភៈ ២០២៤

ដោយ

អតិថិជនជាង ៥០០០ នាក់ បានស្វែងយល់ និងទទួលបាននូវអត្ថប្រយោជន៍សុខភាព បន្ទាប់ពីភ្លក់នូវរសជាតិថ្មីរបស់ទឹកសណ្ដែកសៀង Yeo’s Immuniti តាមរយៈព្រឹត្តិការណ៍សប្បាយៗ ជាច្រើន ដែលបានធ្វើឡើងនៅទូទាំងរាជធានីនៃប្រទេសកម្ពុជា ដើម្បីបង្ហាញនូវរូបរាង និងរសជាតិថ្មីរបស់ទឹកសណ្តែកសៀងនេះ ដែលឥឡូវនេះត្រូវបានបន្ថែមនូវវីតាមីន B6 និងរ៉ែស័ង្កសី នៅក្នុងកំប៉ុងរូបរាងថ្មីនីមួយៗ។

ទឹកសណ្ដែកសៀង Yeo’s Immuniti កំប៉ុងរូបរាងថ្មី ដែលបន្ថែមនូវវីតាមីន B6 និងរ៉ែស័ង្កសី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាភេសជ្ជៈនាំមុខគេនៅអាស៊ី Yeo’s បានទាក់ទាញអ្នកហាត់ប្រាណ កីឡាករ និងកីឡាការិនី អ្នកហាត់យូហ្កា និងសាធារណជនទូទៅជាមួយនឹងព្រឹត្តិការណ៍ដ៏រំភើបជាបន្តបន្ទាប់ ដើម្បីបង្ហាញពី អត្ថប្រយោជន៍ នៃទឹកសណ្ដែកសៀងសុខភាពរបស់ខ្លួន។

អតិថិជនរីករាយនឹងរសជាតិរបស់ទឹកសណ្ដែកសៀង Yeo’s Immuniti កំប៉ុងរូបរាងថ្មី ដែលបន្ថែមនូវវីតាមីន B6 និងរ៉ែស័ង្កសី

ស្តង់នានាត្រូវបានរៀបចំឡើងនៅតាមទីសាធារណៈ កន្លែងហាត់ប្រាណ ក្លឹបកីឡា ស្ទូឌីយោយូហ្កា និងឱសថស្ថាននានាទូទាំងរាជធានីភ្នំពេញ។ អតិថិជនអាចភ្លក់នូវរសជាតិទឹកសណ្ដែកសៀង Yeo’s Immuniti ជាមួយនឹងកំប៉ុងរូបរាងថ្មី ក៏ដូចជាលេងនូវហ្គេមសប្បាយៗ ដើម្បីមានឱកាសឈ្នះរង្វាន់ និងវត្ថុអនុស្សាវរីយ៍ផ្សេងៗ ផងដែរ។ ក្នុងបេសកកម្មលើកកម្ពស់សុខភាពមួយនេះ ទឹកសណ្ដែកសៀង Yeo’s Immuniti ត្រូវបានផ្ដល់ដល់អតិថិជនជាង ៥០០០ នាក់។

លោក Ozgur Simsek នាយកគ្រប់គ្រង នៃក្រុមហ៊ុន Yeo’s Cambodia បានលើកឡើងថា៖ «ពួកយើងតែងតែគិតដល់អតិថិជនរបស់យើង ហើយក៏ដឹងថាសុខភាពរបស់ពួកគេគឺជាអាទិភាពផងដែរ។ ជាការឆ្លើយតប យើងបានបន្ថែមការលើកកម្ពស់សុខភាពទៅក្នុងកំប៉ុងនីមួយៗនៃទឹកសណ្ដែកសៀង Yeo’s Immuniti របស់យើង ដើម្បីធានាថាអតិថិជនអាចផ្តោតអារម្មណ៍បានកាន់តែប្រសើរនៅក្នុងសកម្មភាពប្រចាំថ្ងៃ មិនថានៅសាលារៀន កន្លែងធ្វើការ កន្លែងហាត់ប្រាណ ឬលេងកីឡាជាដើម»។

លោកបានបន្ថែមថា៖«យើងពិតជាមានសេចក្ដីសោមនស្សរីករាយដែលទទួលបានការឆ្លើយតបជាវិជ្ជមាន ពីអតិថិជនជាច្រើនដែលបានភ្លក់នូវរសជាតិទឹកសណ្ដែកសៀងជំនាន់ថ្មីមួយនេះ ហើយពួកគេបានប្រាប់ថា ពួកគេចូលចិត្តទាំងរសជាតិថ្មី និងរូបរាងកំប៉ុងថ្មីរបស់វា។ ពួកគេក៏បានលើកឡើងដែរថា វាបានផ្ដល់នូវអត្ថប្រយោជន៍ទ្វេដង។ នេះពិតជាអស្ចារ្យណាស់ដែលយើងបានឃើញមនុស្សជាច្រើន ចូលរួមលេងហ្គេមកម្សាន្តនានាយ៉ាងសកម្មដូចនេះ»។

ដើម្បីសម្រេចបាននូវការពង្រឹងអត្ថប្រយោជន៍សុខភាពកាន់តែប្រសើរ និងជំរុញប្រព័ន្ធស៊ាំក្រុមហ៊ុន Yeo’s Cambodia បានបន្ថែមនូវវីតាមីន B6 និងរ៉ែស័ង្កសីទៅក្នុងកំប៉ុងនីមួយៗនៃទឹកសណ្ដែកសៀង Yeo’s Immuniti របស់ខ្លួន។ វីតាមីន B6 ជួយពង្រឹងការចងចាំ លើកកម្ពស់សុខភាពខួរក្បាល និងជួយធ្វើឱ្យអារម្មណ៍ស្រស់ស្រាយ។ រីឯរ៉ែស័ង្កសី គឺជាសារធាតុចិញ្ចឹមជួយពង្រឹងប្រព័ន្ធភាពស៊ាំ និងមុខងារមេតាប៉ូលីស ដែលមានតម្រូវការខ្ពស់។

ដើម្បីអបអរសារចំពោះការផ្ដល់នូវអត្ថប្រយោជន៍សុខភាពទ្វេដង នៃទឹកសណ្ដែកសៀង Yeo’s Immuniti របស់ខ្លួន ក្រុមហ៊ុន Yeo’s Cambodia បាននាំមកនូវការវេចខ្ចប់ នៃកំប៉ុងរូបរាងថ្មី ប្រកបដោយភាពទាន់សម័យ និងការចាប់យកអត្ថប្រយោជន៍សុខភាព ដែលផ្តល់ឡើងតាមរយៈការទទួលទានទឹកសណ្ដែកសៀងនូវរាល់ក្រេបនីមួយៗ។

សូមកុំភ្លេចតាមដានបណ្ដាញសង្គមរបស់ ក្រុមហ៊ុន Yeo’s Cambodia ដើម្បីទទួលបានព័ត៌មានបន្ថែម និងដើម្បីកុំឱ្យខកខានទទួលបានដំណឹងពីកម្មវិធីបន្ដបន្ទាប់ទៀតនៅក្នុងប្រតិទិនរបស់ក្រុមហ៊ុន Yeo’s។

អតិថិជនចូលរួមលេងហ្គេមសប្បាយៗ ក្នុងការបង្ហាញកំប៉ុងរូបរាងថ្មីរបស់ទឹកសណ្ដែកសៀង Yeo’s Immuniti ដែលបន្ថែមនូវវីតាមីន B6 និងរ៉ែស័ង្កសី

អំពីក្រុមហ៊ុន Yeo’s Cambodia

ក្រុមហ៊ុន YHS (CAMBODIA) FOOD & BEVERAGE PTE LTD ឬ Yeo’s Cambodia គឺជាបុត្រសម្ព័ន្ធរបស់ ក្រុមហ៊ុន Yeo Hiap Seng ដែលមានអាយុកាលជាង ១២០ ឆ្នាំមកហើយ។ ក្រុមហ៊ុន Yeo’s Cambodia បានបើកដំណើរការនៅក្នុងឆ្នាំ២០១៣ ហើយបានរីកចម្រើនក្លាយជាម៉ាកយីហោភេសជ្ជៈអាស៊ី (Asian Soft Drink) ឈាន មុខគេនៅព្រះរាជាណាចក្រកម្ពុជា។ ក្រុមហ៊ុនបានឆ្លុះបញ្ចាំងពីភាពជោគជ័យរបស់ខ្លួន នៅពេល ដែលបានជាប់ជាជម្រើសទីមួយ ក្នុងចំណោមប្រភេទភេសជ្ជៈអាស៊ីនៅក្នុងប្រទេសកម្ពុជា ដោយផ្អែកលើ ទិន្ន័យរបស់ Kantar Research ក្នុងខែមីនា ឆ្នាំ២០២១។ Yeo’s ប្តេជ្ញាចិត្តក្នុងការផ្តល់ជូន ដល់អតិថិជននាពេលបច្ចុប្បន្ននូវផលិតផលដែលប្រកបដោយគុណភាពខ្ពស់ ផ្ដល់នូវសុខភាពល្អ និងប្រកបដោយភាពច្នៃប្រឌិតដ៏រស់រវើក៕