សុខភាព

កម្ពុជា ចូលរួមសន្និសីទ UN ស្តីពី ជំងឺមិនឆ្លងក្នុងវិស័យមនុស្សធម៌

បានផុស

១ year មុន

នៅ

ថ្ងៃព្រហស្បតិ៍ ២៩ កុម្ភៈ ២០២៤

ដោយ

ចាប់ពីថ្ងៃទី២៧ ដល់ថ្ងៃទី២៩ ខែកុម្ភៈ ឆ្នាំ២០២៤ នេះ ដោយទទួលបានការអនុញ្ញាតពី សាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាលនោះ វេជ្ជបណ្ឌិត សាន់ សាប់អី រដ្ឋលេខាធិការក្រសួងសុខាភិបាល និងជាប្រធានក្រុមកាងារបច្ចេកទេសសុខភាពជនទេសន្តរប្រវេសន៍ថ្នាក់ជាតិ រួមដំណើរដោយ វេជ្ជបណ្ឌិត មុយ ស៊ាងហ៊ន់ អនុប្រធាននាយកដ្ឋានការពារសុខភាព ទទួលបន្ទុកគ្រប់គ្រងជំងឺមិនឆ្លង បានអញ្ជើញចូលរួមក្នុងសន្និសីទ UN ស្តីពី Global High-Level Technical Meeting on NCDs in Humanitarian (កិច្ចប្រជុំបច្ចេកទេសកម្រិតខ្ពស់ជាសាកលស្តីពីជំងឺមិនឆ្លងក្នុងវិស័យមនុស្សធម៌) នៅទីក្រុង Copenhagen ប្រទេសដាណាម៉ាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សន្និសីទនេះ រៀបចំឡើងដោយអង្គការ WHO & UNHCR គាំទ្រដោយ ប្រទេសដាណឺម៉ាក ដែលមានការអញ្ជើញចូលរួមពី ប្រទេសជាសមាជិក WHO និងដៃគូពាក់ព័ន្ធប្រមាណជាង ៥០០ នាក់។

ក្នុងឱកាសនោះ ប្រធានអង្គការសុខភាពពិភពលោក (WHO) បានលើកឡើងដែរថា វិបត្តិដ៏ធ្ងន់ធ្ងរនៃជំងឺ COVID-19 ដែលប៉ះពាល់ដល់ប្រជាជនទូទាំងពិភពលោក បច្ចុប្បន្ននេះ ជំងឺមិនឆ្លង NCDs ក៏ជាវិបត្តិមួយរបស់ពិភពលោកដែលវាបាន និងកំពុង សម្លាប់មនុស្សជាច្រើនលាននាក់ក្នុងមួយឆ្នាំៗ។

ចំពោះជនភៀសខ្លួនដោយសង្រ្គាម នៅប្រទេសអ៊ុយក្រែន ប្រទេសហ្គាហ្សា និងជនទេសន្តរប្រវេសន៍ ដោយនយោបាយ សេដ្ឋកិច្ច និងគ្រោះធម្មជាតិនានា ក្រៅពីផ្តល់នូវការសង្គ្រោះបន្ទាន់រួចហើយនោះ ក៏ត្រូវយកចិត្តទុកដាក់ខ្ពស់ក្នុងការផ្តល់នូវសេវាសុខាភិបាលគ្រប់គ្រាន់ ក្នុងការពិនិត្យព្យាបាល ថែទាំ ជំងឺមិនឆ្លង (NCDs) ជូនដល់ជនដែលងាយរងគ្រោះទាំងអស់ផងដែរ៕