សុខភាព

អាហារចៀន និងនំជាតិក្រែម ញ៉ាំច្រើន អាចនាំឲ្យកើតជំងឺភ្លេចភ្លាំងនៅវ័យជ្រេបន្តិច

បានផុស

៤ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

ឧស្សាហ៍ញ៉ាំអាហារបំពង ចៀន ឬនំមានជាតិក្រែម ច្រើននឹងនាំឲ្យកើតមាន ជំងឺភ្លេចភ្លាំង ឬវង្វេងវង្វាន់នៅពេល អាយុចាស់ឡើង ដោយសារអាហារទាំងនោះសំបូរដោយ អាស៊ីដខ្លាញ់មិនឆ្អែត (អាស៊ីដខ្លាញ់មិនល្អ) Trans Fat ច្រើន។

ការសិក្សាធ្វើឡើងដោយក្រុមស្រាវជ្រាវជនជាតិជប៉ុន បានពិនិត្យមើលឈាម របស់មនុស្សវ័យចំណាស់អាយុ៦០ឆ្នាំ ជាអ្នកស្ម័គ្រចិត្ត ប្រមាណជាង១ពាន់នាក់។ លទ្ធផលពិសោធន៍បានរកឃើញថា អ្នកដែលមានឈាម ផ្ទុកកម្រិតអាស៊ីដខ្លាញ់មិនឆ្អែត (Trans Fat) ខ្ពស់ ប្រមាណ៥២% បានកើតមានជំងឺភ្លេចភ្លាំង និងវង្វេងវង្វាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្រាវជ្រាវក៏បានបញ្ជាក់ដែរថា អាស៊ីដខ្លាញ់មិនឆ្អែត(Trans Fat) ច្រើនមាននៅក្នុង អាហារចម្អិនដោយការបំពងខ្លាញ់ ឬចៀន ហើយក៏ត្រូវបានប្រើក្នុងការធ្វើនំ ឬអាហារមានជាតិក្រែម ដូចជានំខេក ប៊័រ នំប្រអប់ប៊ីស្គី (Biscuit) ជាដើម។ អាហារទាំងនោះ នឹងបង្កើនជាតិប្រូតេអ៊ីនឈ្មោះ Amyloid ដែលនឹងបង្កជាទុក្ខទោស ធ្វើឲ្យរាងកាយ ងាយកើតជំងឺហើមរលាកផងដែរ។

ការស្រាវជ្រាវខាងលើ បានធ្វើឡើងដោយសាកលវិទ្យាល័យ Kyushu ប្រទេសជប៉ុន ដោយស្របតាមគោលការណ៍ របស់អង្គការសុខភាពពិភពលោក WHO បញ្ចប់បញ្ហាសុខភាពដោយ អាស៊ីដខ្លាញ់អាក្រក់ ត្រឹមឆ្នាំ២០២៣៕

អត្ថបទផ្ដល់សិទិ្ធដោយ៖ Hellokrupet

សូមចុចអាន៖ តើការញ៉ាំស្ករច្រើន ធ្វើឲ្យកើតជំងឺទឹកនោមផ្អែម ពិតអត់?

សូមចុចអាន៖ ស្ដ្រីមានហានិភ័យ ឆ្លងជំងឺកាមរោគ ច្រើនជាងបុរស