សុខភាព
អ្នកជំនាញ បង្ហាញសញ្ញាព្រមាន ៧ ចំណុច បញ្ជាក់ថា កុមារ អាចនឹងមាន អូទីស្សឹម
អ្នកជំនាញ បង្ហាញសញ្ញាព្រមានចំនួន ៧ ចំណុច បញ្ជាក់ថា កុមារ អាចនឹងមានអូទីស្សឹម ដែលចាំបាច់អាណាព្យាបាលមាតាបិតា ត្រូវនាំកូនៗ ទៅរកអ្នកជំនាញ ដើម្បីធ្វើការពិគ្រោះយោបល់ជាបន្ទាន់។
កាលពីថ្ងៃទី ០២ ខែមេសា ឆ្នាំ ២០២៤ ថ្លែងក្នុងទិវាអូទីស្សឹមពិភពលោក លោក ចាន់ សារិន នាយកវិទ្យាល័យអប់រំពិសេសក្រុងតាខ្មៅ បានមានប្រសាសន៍ថា តាមការសិក្សាមួយបានឱ្យដឹងថាសញ្ញាព្រមានចំនួន ៧ ចំណុច ដែលបង្ហាញកុមារអាចនឹងមានអូទីស្សឹម ក្នុងនោះ ៖ ១.កុមារមានរោគសញ្ញាមិននិយាយ ឬយឺតយ៉ាវក្នុងការនិយាយស្តី ក្នុងរយៈពេល ២៤-៣៦ ខែ ដែលជាដើមចម នៃការលូតលាស់ទូទៅផ្នែកភាសា និងទំនាក់ទំនងជាមួយសង្គមគ្រួសារ។ ២.កុមារមានបញ្ហាផ្នែកអារម្មណ៍ ហើយកម្របំផុតក្នុងការយល់ពីអារម្មណ៍អ្នកដទៃដែលនៅជុំវិញខ្លួន។ ៣.កុមារសម្តែងចេញមកនូវសកម្មភាពដដែលៗ ដូចជា យោលខ្លួនទៅមុខ ទៅក្រោយ បង្វិលខ្លួន បោកក្បាល គ្រលាស់ចុងដៃ ដើរចុងជើង ចាក់ទឹកពីកែវមួយ ទៅកែវមួយទៀត ជាដើម។ ៤.កុមារអូទីស្សឹមមួយចំនួនមិនពេញចិត្តទៅនឹងការឱប ឬប៉ះ ចាប់កាន់ពីអ្នកដទៃ ជាពិសេសមនុស្សដែលគាត់ទើបតែជួបជាលើកដំបូង លុះណាតែស្គាល់ជាមុនសិន ទើបអាចប៉ះពាល់គាត់បាន។ ៥.កុមារមានទំនាក់ទំនងភ្នែកបានតិចតួច ឬ ពេលខ្លះគ្មានសោះក៏មាន ហើយមិនសម្លឹងចំមុខនរណាម្នាក់នោះឡើយ។ ៦.កង្វះចំណាប់អារម្មណ៍លើទំនាក់ទំនងមិត្តភ័ក្ដិដែលនៅជុំវិញខ្លួន និងចូលចិត្តនៅម្នាក់ឯង ហើយជីវិតបានផ្តាច់
ចេញពីសង្គម និងគ្រួសារ ហាក់បីដូចជានៅលើកោះដែលផ្តាច់ចង្វាក់ទំនាក់ទំនងតែម្ដង និង ៧.យំស្រែក បោកប្រាស់ ប្រតិកម្មញាណចំពោះពន្លឺ សំឡេង ក្លិន រត់ចុះ រត់ឡើង នៅមិនស្ងៀម ដែលពេលខ្លះមានបញ្ហាខ្លាំងទៅនឹងដំណេក និងពេលញាំអាហារជាដើម ដែលបានធ្វើឱ្យឪពុកម្តាយមានការពិបាកខ្លាំង និងមានការព្រួយបារម្ភឱ្យតែដល់ពេលម៉ោងដែលត្រូវគាត់ធ្វើទុកម្តងៗ។
លោកបានបន្តថា មានអ្នកជំនាញបាននិយាយខុសៗ គ្នា តែពុំទាន់មានឡើយពីភាពប្រាកដប្រជា មូលហេតុអូទីស្សឹម ការសន្និដ្ឋានមួយចំនួនដែលត្រូវបានរកឃើញភាពខុសគ្នានៅក្នុងរចនាសម្ព័ន្ធខួរក្បាលរបស់អ្នកមានអូទីស្សឹមនេះ ដោយអ្នកវិទ្យាសាស្ត្រខ្លះបានផ្តោតលើកត្តាហ្សែនខ្លះ និងបរិស្ថានជាតួនាទីដ៏សំខាន់មួយ តែទោះជាយ៉ាងណាក៏ដោយ នេះគ្រាន់តែជាកាសន្និដ្ឋានមួយជ្រុងតូចប៉ុណ្ណោះ។
លោកបានបន្តទៀតថា លោក Leo Kanner ទោះបីជាគាត់រកឃើញអូទីស្សឹមជាលើកដំបូង នៅឆ្នាំ ១៩៤៣ ក៏ដោយ តែរយៈពេល ៨១ ឆ្នាំ មកនេះ ភាពច្បាស់លាស់ នៃមូលហេតុបណ្តាលឱ្យកុមារមានអូទីស្សឹម គឺស្ថិតក្នុងភាពអាថ៌កំបាំងដដែល អ្នកវិទ្យាសាស្ត្រមានក្តីរំពឹងថា បញ្ហានេះ នឹងត្រូវបានរកឃើញក្នុងឆ្នាំ ២០៣០។
លោកបានបន្ថែមថា បញ្ហាអូទីស្សឹម គឺជាប្រធានបទដ៏ក្តៅមួយដែលមានការបកស្រាយ និងវែកញែក ខុសៗ គ្នា នៅក្នុងបណ្តាញសង្គម និងបានក្លាយជាកង្វល់ដ៏ធំរបស់អ្នកជាអាណាព្យាបាល។ ពិតហើយថា បុគ្គលអូទីស្សឹមមានលក្ខណៈស្មុគស្មាញ នៃប្រព័ន្ធប្រាសាទ និងបញ្ហាជាច្រើនដែលគេចាត់ចំណាត់ថ្នាក់ជាបញ្ហា នៃការលូតលាស់ទូទៅដែលមិនជាក់លាក់ ហើយកុមារមាន អូទីស្សឹម នេះ ត្រូវបានគេកំណត់តាមរយៈការលំបាកជាប្រចាំក្នុងការប្រាស្រ័យទំនាក់ទំនងសង្គម បញ្ហាវិបត្តិភាសា និងបញ្ហាវិបត្តិ អាកប្បកិរិយាជាដើម ជាពិសេសជាមួយមនុស្សជុំវិញខ្លួន សហគមន៍ និងគ្រួសារ។
លោក ចាន់ សារិន បានបញ្ជាក់ថា សាលាកុមារអូទីស្សឹមកម្ពុជា ត្រូវបានបង្កើតឡើងក្នុងគោលបំណងបម្រើដល់កូនចៅរបស់ប្រជាពលរដ្ឋដែលមានកូនអូទីស្សឹម និងពិការភាពសតិបញ្ញាក្នុងរយៈពេលជិត ១១ ឆ្នាំ មកហើយ នៅក្នុងខេត្តកណ្តាល ជាពិសេសបានជួយគាំទ្រដល់ ក្រសួងអប់រំ យុវជន និងកីឡា ដើម្បីប្រមូលកុមារមានតម្រូវការពិសេស ឱ្យបានចូលរៀនស្របតាមច្បាប់អប់រំជាតិ ដែលការចាប់ផ្តើមក្រោមការឧបត្ថម្ភដ៏ខ្ពង់ខ្ពស់ពី សម្តេចតេជោ ហ៊ុន សែន អតីតនាយករដ្ឋមន្ត្រី និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានរៀបចំសាលាអប់រំ ពិសេសក្នុងខេត្តកណ្តាលចំនួន ៤ ទីតាំង ដើម្បីឆ្លើយតបទៅនឹងកង្វល់របស់ប្រជាពលរដ្ឋមានកូនពិការសតិបញ្ញា និងអូទីស្សឹម និងបានចូលរួមយ៉ាងសកម្មជាមួយគ្រួសារកុមារអូទីស្សឹមក្នុងការកាត់បន្ថយភាពក្រីក្រក្នុងសហគមន៍ ដែលសាលានេះបានផ្តោតលើការសិក្សាអប់រំពិសេសដល់សិស្សពិការពេញ ១ ថ្ងៃ។
លោកបានបន្ថែមទៀតថា បច្ចុប្បន្នសាលាមានសិស្សចំនួន ២៦០ នាក់ ស្រី ៦១ នាក់ លោកគ្រូ អ្នកគ្រូចំនួន ៧២ នាក់ ស្រី ៤០ នាក់ និងបានផ្តល់អាហារ ៣ ពេល ក្នុង ១ ថ្ងៃ ការថែទាំស្នាក់នៅពេលថ្ងៃ ដោយមានការយកចិត្តទុកដាក់បំផុតស្របតាមស្តង់ដារបច្ចេកទេសផ្នែកអប់រំពិសេស ហើយបានជួយដល់អ្នកអាណាព្យាបាលទៅបំពេញការងារពេញមួយថ្ងៃ ចាប់ពីម៉ោង ៧ ព្រឹក ដល់ម៉ោង ៥ ល្ងាច ដើម្បីបង្កើនជីវភាពគ្រួសារ៕
អត្ថបទ ៖ សំអឿន
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
ព្រឹកនេះ អនុព័ន្ធការងារប្រចាំប្រទេសថៃ កំពុងបន្តតាមដានដោយផ្ទាល់នៅទីតាំងរលំអគារ ក្នុងទីក្រុងបាងកក ត្រៀមអន្តរាគមន៍ឲ្យទាន់ពេលវេលាជូនពលករខ្មែរនៅថៃ
រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?