សុខភាព
៣ ខែ ឆ្នាំនេះ មជ្ឈមណ្ឌលជាតិផ្តល់ឈាម ទទួលបានអំណោយឈាមជិត ៣ ម៉ឺនប្លោក កើនឡើងជិត ៥ ពាន់ប្លោក
នៅក្នុងរយៈពេល ៣ ខែ ឆ្នាំ ២០២៤ នេះ មជ្ឈមណ្ឌលជាតិផ្តល់ឈាម ទទួលបានអំណោយឈាមពីអ្នកបរិច្ចាគឈាមប្រមាណជិត ៣ ម៉ឺនប្លោក កើនឡើងជិត ៥ ពាន់ប្លោក បើធៀបនឹងរយៈពេល ៣ ខែ ដូចគ្នា កាលពីឆ្នាំ ២០២៣ កន្លងទៅ។
លោកស្រីវេជ្ជបណ្ឌិត មើក សាមាន អនុប្រធានមជ្ឈមណ្ឌលជាតិផ្តល់ឈាម បានមានប្រសាសន៍នៅព្រឹកថ្ងៃទី ៨ មេសា នេះថា ចំនួនអ្នកបរិច្ចាគឈាមមានការកើនឡើងគួរឱ្យកត់សម្គាល់។ ជាក់ស្ដែងក្នុងរយៈពេល ៣ ខែ ដើមឆ្នាំ ២០២៤ នេះ មជ្ឈមណ្ឌលជាតិ ទទួលបានអំណោយឈាមចំនួន ២៨ ១៩៩ ប្លោក កើនឡើងចំនួន ៤ ៩០៦ ប្លោក បើប្រៀបធៀបទៅនឹង ៣ ខែ ដូចគ្នា ឆ្នាំ ២០២៣ កន្លងទៅ មានត្រឹមតែ ២៣ ២៩៣ ប្លោក ប៉ុណ្ណោះ។
លោកស្រីវេជ្ជបណ្ឌិត បានបន្តថា មជ្ឈមណ្ឌលជាតិផ្តល់ឈាម បានផ្សព្វផ្សាយកម្មវិធីផ្តល់ឈាមស្ម័គ្រចិត្តបានទូលំទូលាយដល់ប្រជាពលរដ្ឋនៅតាមរាជធានី-ខេត្តទូទាំងប្រទេស និងប្រជាពលរដ្ឋមានការយល់ដឹងពីគុណប្រយោជន៍ នៃការបរិច្ចាគឈាម ពិសេសលោករដ្ឋមន្ត្រីសុខាភិបាល ឈាង រ៉ា បានជំរុញឱ្យមន្ទីរពេទ្យរដ្ឋ ឯកជន គ្រឹះស្ថានសាធារណរដ្ឋ ឯកជន ចូលរួមផ្តល់ឈាមឱ្យបាន ២ ឬ ៣ ដង ក្នុងមួយឆ្នាំ។ ជាងនេះទៀត ក៏មានការចូលរួមយ៉ាងផុលផុសពីសហភាពសហព័ន្ធយុវជនកម្ពុជា(សសយក) ដែលបានដាក់បញ្ចូលកម្មវិធីផ្តល់ឈាមស្ម័គ្រចិត្តក្នុងផែនការសកម្មភាពរបស់សសយក និងស្ថាប័នពាក់ព័ន្ធ ព្រមទាំងវិស័យឯកជនជាច្រើនទៀត។
លោកស្រីវេជ្ជបណ្ឌិត បានបន្ថែមថា ប្លោកឈាមដែលទទួលបានមកពីការបរិច្ចាគឈាមទាំងនោះ ត្រូវបានយកទៅជួយសង្គ្រោះដល់ជនរងគ្រោះ និងអ្នកជំងឺដែលត្រូវការឈាមជាចាំបាច់ ដោយសារ ប្រទេសយើងធ្វើការវះកាត់ធំៗ តាមបច្ចេកទេសថ្មី ទំនើបច្រើនដូចជា ជំងឺមហារីក ជំងឺខ្សោយតម្រងនោម ជំងឺក្រពះ ពោះវៀន ថ្លើម សួត ខួរក្បាល បេះដូង ស្បូន ហូរឈាម គ្រោះថ្នាក់ចរាចរណ៍ ។ល។
លោកស្រីវេជ្ជបណ្ឌិត បានអំពាវនាវដល់ប្រជាពលរដ្ឋចូលរួមបរិច្ចាគឈាមឱ្យបានគ្រប់ៗ គ្នា ព្រោះថាការផ្តល់ឈាមពិតជាមានសារៈសំខាន់ណាស់ក្នុងការជួយសង្គ្រោះជនរងគ្រោះ និងអ្នកជំងឺដែលត្រូវការឈាម ដើម្បីព្យាបាលជំងឺ ហើយឈាមមានតែក្នុងខ្លួនមនុស្សតែប៉ុណ្ណោះ មិនមានរោងចក្រណាអាចផលិតបានទេ។ រីឯមជ្ឈមណ្ឌលជាតិផ្តល់ឈាម ជាកន្លែងផលិតផលឈាមបញ្ជូនឈាមទៅស្តុកដើម្បីសង្គ្រោះជីវិតអ្នកជំងឺ។
គួរបញ្ជាក់ថា ឆ្នាំ ២០២៣ ការផ្គត់ផ្គង់ឈាមទូទាំងប្រទេសបាន ១៤ ម៉ឺនប្លោក ក្នុងនោះមានអ្នកស្ម័គ្រចិត្ត ២០%៕
អត្ថបទ ៖ សំអឿន
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
អ្នករងរបួសដោយអគ្គិភ័យ ឆេះក្លិបកម្សាន្ដ មីតណាយព្រីមៀរ ៥នាក់ ទទួលបានថវិកាពីអភិបាលរាជធានីភ្នំពេញ
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ពលរដ្ឋកម្ពុជាថ្កោលទោស ស៊ន តារា ដែលកំពុងវង្វេងប្រវត្តិសាស្រ្តដោយលើកឡើងថា “អាមេរិកមិនដែលទម្លាក់គ្រាប់បែកសម្លាប់ខ្មែរ”
អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
កំណត់ត្រាពេទ្យ ថា សាន់ឆាយ បដិសេធមិនព្យាបាល២ដង ហើយញៀនថែសម្រស់លែងគិតសុខភាព
ត្រាំ ស៊ីញេ ដកអាមេរិក ចេញពីក្រុមប្រឹក្សាសិទ្ធិមនុស្ស UN
អ្នកនិយមស្ទីមសូណា! ឧកញ៉ា យឹម តាស្រង់ ឱ្យយោបល់ថា កុំសូណាម្នាក់ឯង ព្រោះបើគាំងបេះដូងគ្មានអ្នកដឹង
-
សន្តិសុខសង្គម១៩ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៩ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច