សុខភាព
ក្រសួងសុខាភិបាល រៀបចំមន្ទីរពេទ្យជាតិដើម្បីបំពេញតាមស្តង់ដាគុណភាពសេវាមន្ទីរពេទ្យ
សាស្ត្រាចារ្យវេជ្ជបណ្ឌិត កុយ វ៉ាន់នី រដ្ឋលេខាធិការ ក្រសួងសុខាភិបាល ទទួលបន្ទុកគុណភាពសេវាមន្ទីរពេទ្យ បានអញ្ជើញជាអធិបតីក្នុង ពិធីបើកសិក្ខាសាលារៀបចំមន្ទីរពេទ្យជាតិដើម្បីបំពេញតាមស្តង់ដាទទួលស្គាល់គុណភាពសេវាមន្ទីរពេទ្យ នៃព្រះរាជាណាចក្រកម្ពុជា (CHAS) នាថ្ងៃទី២ ខែឧសភា ឆ្នាំ២០២៤ នេះ។
ពិធីនេះ មានការចូលរួមពី សាស្ត្រាចារ្យ សុខ ជួរ អគ្គនាយករងបច្ចេកទេស នៃក្រសួងសុខាភិបាល វេជ្ជបណ្ឌិត សុខ ស្រ៊ុន ប្រធាននាយកដ្ឋានមន្ទីរពេទ្យ និងគ្រប់ថ្នាក់ដឹកនាំមន្ទីរពេទ្យជាតិ និងមជ្ឈមណ្ឌលជាតិចំនួន១២។
សិក្ខាសាលាក្នុងចំណោមសិក្ខាសាលាជាច្រើននេះ រៀបចំឡើងជាបន្តបន្ទាប់ ក្នុងគោលបំណង បន្តតម្រង់ទិស ឈ្វេងយល់ជារួមក្នុងការរៀបចំបំពេញស្តង់ដាទទួលស្គាល់គុណភាពសេវាមន្ទីរពេទ្យ (CHAS) កម្រិតនិយាមសាកល។
ស្តង់ដាទទួលស្គាល់គុណភាពសេវាមន្ទីរពេទ្យ រួមមាន ១១ ក្រុមស្តង់ដា មានស្តង់ដាសរុបចំនួន៣៦៥ ដែលផ្តោតជារួមលើការរៀបចំផែនការយុទ្ធសាស្រ្ត ផែនការថវិកា ផែនការបុគ្គលិក ឯកសារគោលនយោបាយ និងនិតិវិធីផ្សេងៗ ដែលនឹងជួយមន្ទីរពេទ្យក្នុងការបម្រើសេវាសុខាភិបាលដល់សាធារណៈជនប្រកបដោយគុណភាព និងសុវត្ថិភាពខ្ពស់។
គួរបញ្ជាក់ថា ក្នុងអង្គសិក្ខាសាលាបានរៀបចំ និងសម្របសម្រួលដោយការិយាល័យធានាគុណភាពសុខាភិបាល នៃនាយកដ្ឋានមន្ទីរពេទ្យ ដោយមានជំនួយបច្ចេកទេស និងថវិកាពី USAID EQHA II FHI360 ដែលមានវត្តមាន ប្រធាន អនុប្រធាន មន្រ្តី នៃនាយកដ្ឋានមន្ទីរពេទ្យ ក្រសួងសុខាភិបាល USAID EQHA II FHI360 មជ្ឈមណ្ឌលជាតិ និងមន្ទីរពេទ្យជាតិ សរុបចំនួន ៦០នាក់៕
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ