សុខភាព
ការលើសអ័រម៉ូនទីរ៉ូអ៊ីត លើស្ត្រីមានផ្ទៃពោះ!
អ័រម៉ូនទីរ៉ូអ៊ីត ត្រូវបានបញ្ចេញពីក្រពេញទីរ៉ូអ៊ីត ដែលមានរាងដូចមេអំបៅ ស្ថិតនៅផ្នែកខាងមុខ នៃដើម.ក ដើម្បីទ្រទ្រង់ជីវិតមនុស្ស។
ការកើនឡើងលើសពីប្រក្រតី នៃអ័រម៉ូននេះ បង្កឲ្យមានវិបត្តិសុខភាពធ្ងន់ធ្ងរ។ ការកើនឡើងលើសប្រក្រតី នៃអ័រម៉ូនទីរ៉ូអ៊ីតលើស្ត្រីមានផ្ទៃពោះ មានអត្រារហូតដល់០,២% នៃស្ត្រីមានផ្ទៃពោះ ហើយវាអាចបង្កគ្រោះថ្នាក់ធ្ងន់ធ្ងរដល់ម្តាយ និងទារកក្នុងផ្ទៃ បើពុំបានទទួលការព្យាបាលឲ្យបានត្រឹមត្រូវ និងទាន់ពេលវេលាទេនោះ។
ក) រោគសញ្ញា ៖
– ការស្រកទម្ងន់ ឬមិនឡើងទម្ងន់ក្នុងកំឡុងពេលមានផ្ទៃពោះ ជាសញ្ញាមួយដែលធ្វើឲ្យយើងគិតដល់ជំងឺនេះ
– ការក្អួតខ្លាំង (ចាញ់កូនខ្លាំង)
– អស់កម្លាំង
– បេះដូងដើរញាប់
– ហត់
– ឆាប់ខឹង ឆាប់មួម៉ៅ
ខ) មូលហេតុ ៖
– ជំងឺ Basedow ជាមូលហេតុដែលជួបប្រទះញឹកញាប់ជាងគេ វាកើតឡើងដោយសារការបញ្ចេញអង់ទីករ ភ្ញោចទៅលើក្រពេញទីរ៉ូអ៊ីត (Anticorps Anti-Récepteur de la TSH)
– ការកើនឡើងអ័រម៉ូនទីរ៉ូអ៊ីតក្នុងរយៈពេលខ្លី កើតឡើងដោយការភ្ញោចអ័រម៉ូនរបស់គភ៌ (β-HCG) ទៅលើក្រពេញទីរ៉ូអ៊ីត ហើយវាត្រឡប់ទៅរកភាពប្រក្រតីវិញនៅទ្រីមាសទី២ និងទី៣
– ដុំពកកច្រើន (Goitre multinodulaire toxique)
– ដុំពកក (Adénome toxique)
– ការរលាកក្រពេញទីរ៉ូអ៊ីតផ្សេងៗទៀត (Thyroïdites)
គ) ផលវិបាក ៖
– ផលវិបាកលើម្តាយៈ
• រលូតកូន (Fausses couches spontanées)
• កូនកើតមិនគ្រប់ខែ (Prématurité)
• ការឡើងសំពាធឈាមពេលមានផ្ទៃពោះ (HTA gravidique)
• ក្រឡាភ្លើង (Pré-éclampsie)
• ខ្សោយបេះដូង (Insuffisance cardiaque)
– ផលវិបាកលើទារកក្នុងផ្ទៃៈ
• រូបរាងមិនប្រក្រតី (Malformation congénitale)
• ការលូតលាស់យឺតយ៉ាវ (Retard de Croissance)
• កូនស្លាប់ក្នុងផ្ទៃ (Mort in utéro)
• ការលើសអ័រម៉ូនទីរ៉ូអ៊ីតលើកូន (Hyperthyroïdie foetale)
ឃ) រោគវិនិច្ឆ័យ ៖
ការធ្វើរោគវិនិច្ឆ័យជំងឺនេះ គឺផ្អែកលើការពិនិត្យឈាមមើលកម្រិតអ័រម៉ូនក្នុងឈាម
– ការកើនឡើងនៃ T4 libre
– ការថយចុះ នៃ TSH
– ការស្វែងរកមូលហេតុតាមរយៈការធ្វើអេកូសាស្ត្រលើក្រពេញទីរ៉ូអ៊ីត និងការពិនិត្យឈាមរកអង់ទីករ ដែលភ្ញោចទៅលើក្រពេញទីរ៉ូអ៊ីត (TRAK)
ង) ការព្យាបាល ៖
ចំពោះការព្យាបាល ត្រូវបានធ្វើឡើងដោយប្រើថ្នាំ ដើម្បីបន្ថយអ័រម៉ូនទីរ៉ូអ៊ីត ទៅតាមកម្រិតរបស់វា។
ច) ដំបូន្មាន ៖
– ស្ត្រីមានផ្ទៃពោះគ្រប់រូបគួរតែតេស្តឈាមមើលកម្រិតអ័រម៉ូនទីរ៉ូអ៊ីតឲ្យបានឆាប់រហ័ស និងទាន់ពេលវេលា
– ស្ត្រីដែលត្រូវបានធ្វើរោគវិនិច្ឆ័យថា មានលើសអ័រម៉ូនទីរ៉ូអ៊ីត ត្រូវប្រញាប់មកពិគ្រោះ និងព្យាបាលជំងឺជាមួយគ្រូពេទ្យឯកទេសផ្នែកជំងឺក្រពេញឲ្យបានឆាប់ជាទីបំផុត និង គោរពតាមដំបូន្មានគ្រូពេទ្យជំនាញឲ្យបានខ្ជាប់ខ្ជួន ដើម្បីសុវត្ថិភាពម្តាយ និងកូន៕
អត្ថបទ ៖ រស្មី

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី