សុខភាព

ការហូបប៉េងប៉ោះឆ្អិន ឬឆៅ មួយណាល្អសម្រាប់សុខភាព ?

បានផុស

៦ ខែ មុន

នៅ

ថ្ងៃអង្គារ ៤ មិថុនា ២០២៤

ដោយ

មនុស្សជាច្រើនជឿថាការទទួលទានប៉េងប៉ោះឆៅ អាចជួយកែលម្អសម្រស់ស្បែក ខណៈពេលដែលការចម្អិនវាមានសុវត្ថិភាពជាង និងការពារការពុលចេញពីបន្លែមួយប្រភេទនេះ។ ដូច្នេះតើគេគួរបរិភោគឆ្អិន ឬឆៅ?

មែនទែនទៅ ប៉េងប៉ោះសម្បូរទៅដោយវីតាមីន A, C, និង B6 មានតម្លៃសមរម្យ និងងាយស្រួលរក។ គេអាចបរិភោគឆៅ ឬចម្អិនបានអាស្រ័យលើចំណូលចិត្ត។ ទោះជាយ៉ាងណាក៏ដោយ សារធាតុ Lycopene ដែលមាននៅក្នុងផ្លែប៉េងប៉ោះ ដែលជួយបង្កើនភាពស៊ាំ ត្រូវបានគេស្រូបយកបានល្អប្រសើរ នៅពេលដែលពួកគេចម្អិនជាជាងបរិភោគឆៅ។ ជាពិសេស ការចម្អិនវាឲ្យបានហ្មត់ចត់ ជួយការពារការពុលអាហារផងដែរ។

លើសពីនេះ ប៉េងប៉ោះឆៅមានហានិភ័យខ្ពស់នៃការចម្លងរោគគីមី ដែលអាចនាំឲ្យពុលដោយសារសារធាតុគីមីដែលនៅសេសសល់។ មនុស្សជាច្រើនជួបប្រទះការចាល់ជាតិអាស៊ីត ឬឈឺក្រពះ បន្ទាប់ពីបរិភោគផ្លែប៉េងប៉ោះឆៅ ដោយសារតែអាស៊ីតខ្លាំងរបស់វា។ គ្រាប់ប៉េងប៉ោះមិនផ្តល់តម្លៃអាហារូបត្ថម្ភទេ ហើយការទទួលទានវាឆៅ អាចបណ្តាលឲ្យមិនរំលាយអាហារ និងហើមពោះ ជាពិសេសប្រសិនបើប៉េងប៉ោះមានពណ៌បៃតង។

ក្នុងករណីប៉េងប៉ោះដែលដាំតាមផ្ទះ ឬសរីរាង្គ អ្នកអាចញ៉ាំវាឆៅដោយសុវត្ថិភាពតែឯង ឬក្នុងសាឡាត់ ឬធ្វើទឹកផ្លែឈើ។ ទោះជាយ៉ាងណាក៏ដោយ កុមារតូចៗ និងអ្នកដែលមានបញ្ហារំលាយអាហារគួរតែកំណត់ការទទួលទានប៉េងប៉ោះឆៅរបស់ពួកគេ ដើម្បីចៀសវាងការមិនស្រួលដែលអាចកើតមាន។

យ៉ាងណាមិញ ដើម្បីធានាសុវត្ថិភាព អ្នកគួរទិញប៉េងប៉ោះពីហាងធម្មជាតិឬហាងលក់បន្លែសិរីរាង្គ។ មួយវិញទៀត គួរលាងវាឲ្យបានស្អាត និងចម្អិនវាមុនពេលញ៉ាំ។ ស្បែករបស់ប៉េងប៉ោះមានផ្ទុកនូវសារធាតុប្រឆាំងអុកស៊ីតកម្មដ៏មានឥទ្ធិពលជាច្រើន ដូច្នេះអ្នកប្រាកដជាអាចបរិភោគស្បែកជំនួសឲ្យការចោលវា បន្ទាប់ពីសម្អាតបានត្រឹមត្រូវ។ ទោះជាយ៉ាងណាក៏ដោយ ប្រសិនបើអ្នកមានការរំលាយអាហារមិនល្អ វាត្រូវបានណែនាំឲ្យយកគ្រាប់ពូជចេញ៕