សុខភាព
ក្រសួងសុខាភិបាល ចុះពង្រឹងមណ្ឌលសុខភាព ក្នុងខេត្តបាត់ដំបង លើកទី៣
ដោយទទួលបានការអនុញ្ញាតពី សាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល វេជ្ជបណ្ឌិត ម៉ៅ តាន់អ៊ាង អនុរដ្ឋលេខាធិការក្រសួងសុខាភិបាល បានចុះពិនិត្យស្ថានភាពសុខាភិបាល និងពង្រឹងការងារ នៅមណ្ឌលសុខភាព ក្នុងខេត្តបាត់ដំបង លើកទី៣។ នេះបើតាមការផ្ដល់ព័ត៌មានពី ក្រសួងសុខាភិបាល នៅព្រឹកនេះ។
ការចុះបំពេញបេសកកម្មនេះ មានគោលបំណងសំខាន់ ដើម្បីជួយជំរុញការធ្វើឱ្យប្រសើរឡើងក្នុងការផ្តល់សេវាសុខាភិបាលគ្រប់ជ្រុងជ្រោយ ប្រកបដោយគុណភាព នៅនឹងមណ្ឌលសុខភាព និងនៅសហគមន៍ស្របតាម សេចក្តីណែនាំ ស្តីពីសំណុំសកម្មភាពអប្បបរមា សម្រាប់អភិវឌ្ឍន៍មណ្ឌលសុខភាព (MPA Guidelines)។
ការចុះពង្រឹងនេះ ចាប់ពីថ្ងៃទី១២ ដល់ថ្ងៃទី១៤ ខែ មិថុនា ២០២៤។ ឆ្លៀតឱកាសដ៏មានតម្លៃនេះ អនុរដ្ឋលេខាធិការ បានពាំនាំនូវការផ្តាំផ្ញើ និងសាកសួរសុខទុក្ខពីសំណាក់ សាស្ត្រាចារ្យរដ្ឋមន្ត្រីក្រសួងសុខាភិបាល ជូនចំពោះមន្ត្រី បុគ្គលិកទាំងអស់ ពិសេស មន្ត្រី និងបុគ្គលិករបស់មណ្ឌលសុខភាព។
បន្ទាប់ពីបញ្ចប់ការពិនិត្យមើលការងារ និងកិច្ចសន្ទនាជាមួយមន្ត្រីតំណាងមណ្ឌលសុខភាពនីមួយៗ អនុរដ្ឋលេខាធិការ ក៏បានផ្តល់ព័ត៌មានត្រឡប់ និងអនុសាសន៍ ជាក់ស្តែងជូនដល់មណ្ឌលសុខភាពទាំង៦ ជាអាទិ៍មានដូចជា ការបង្កើនការប្រើប្រាស់សេវាមណ្ឌលសុខភាពនៃជំងឺទូទៅ និងសេវាពិសេសមួយចំនួន រាប់ទាំងសេវាសុខភាពមាតា និងទារក ជំងឺមិនឆ្លង និងជំងឺឆ្លង ព្រមទាំងការធានាឱ្យមានសេវា ២៤ ម៉ោង លើ ២៤ ម៉ោងផងដែរ។
គួរបញ្ជាក់ថា ការចុះពង្រឹងការងារមណ្ឌលសុខភាពនៅខេត្តបាត់ដំបង លើកទី៣នេះ វេជ្ជបណ្ឌិត ម៉ៅ តាន់អ៊ាង បានចុះត្រួតពិនិត្យនូវមណ្ឌលសុខភាពចំនួន៦ ដែលមានដូចជា មណ្ឌលសុខភាពអូរតាគី មណ្ឌលសុខភាពអន្លង់រុន មណ្ឌលសុខភាពតាពូង មណ្ឌលសុខភាពគោគឃ្មុំ មណ្ឌលសុខភាពកំពង់ព្រះ និងមណ្ឌលសុខភាពឬស្សីក្រាំង៕
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២០ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ