សុខភាព

តើភេសជ្ជៈប៉ូវកម្លាំង ពិតជាមានហានិភ័យនៃការគាំងបេះដូងមែនទេ?

បានផុស

៨ ខែ មុន

នៅ

ថ្ងៃពុធ ១៩ មិថុនា ២០២៤

ដោយ

ភេសជ្ជៈប៉ូវកម្លាំង ជាតិកាហ្វេអ៊ីន និងជាតិស្ករខ្ពស់ សារធាតុផ្សំផ្សេងទៀតរួមមាន ហ្គារ៉ាណា តូរីន កានីទីន និងយិនស៊ិន ដែលសុទ្ធតែជាសារធាតុរំញោច។ ការកើនឡើងហានិភ័យនៃជំងឺបេះដូង ប្រសិនបើអ្នកផឹកយូរឬផឹកច្រើនជាទម្លាប់។

ភេសជ្ជៈប៉ូវកម្លាំងប្រភេទ Energy drink ជាភឹកពិសាដែលមនុស្សជាច្រើនត្រូវការថាមពល ប៉ុន្តែថ្មីៗនេះ វាកំពុងតែពេញនិយមយ៉ាងខ្លាំងក្នុងចំណោមយុវវ័យអាមេរិក។ ការស្ទង់មតិបង្ហាញថា ក្មេងជំទង់រហូតដល់ ៣០% ផឹកជាប្រចាំ។

ថ្វីដ្បិតតែភេសជ្ជៈទាំងនេះត្រូវបានផ្សព្វផ្សាយជាញឹកញយថា ជួយពង្រឹងសមត្ថភាពរាងកាយ និងផ្លូវចិត្តក៏ដោយ ប៉ុន្តែការផឹកច្រើនពេក ក៏អាចផ្តល់ផលអវិជ្ជមានដល់សុខភាពសរសៃឈាមបេះដូងដែរ ដូចជាជំងឺលើសសម្ពាធឈាម ជំងឺបេះដូង និងគាំងបេះដូងជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់ស្ងាត់ៗនៅក្នុងភេសជ្ជៈប៉ូវកម្លាំងដែលមនុស្សគ្រប់គ្នាកម្របានដឹង

ភេសជ្ជៈប៉ូវកម្លាំង មិនត្រឹមតែមានជាតិកាហ្វេអ៊ីន និងជាតិស្ករប៉ុណ្ណោះទេ។ ប៉ុន្តែមានសារធាតុផ្សំជាច្រើនទៀតដូចជា ហ្គារ៉ាណា តូរីន កានីទីន និងយិនស៊ិន ដែលសុទ្ធតែជាសារធាតុរំញោច។ នៅពេលផ្សំជាមួយជាតិកាហ្វេអ៊ីន វាបង្កើនហានិភ័យនៃបញ្ហាសុខភាពបេះដូងច្រើនដង។

ផលប៉ះពាល់ធ្ងន់ធ្ងរលើបេះដូង

១ Arrhythmia ផឹកភេសជ្ជៈប៉ូវកម្លាំងច្រើនពេក អាចបណ្តាលឲ្យចង្វាក់បេះដូងមិនទៀងទាត់។ ត្រូវបានគេស្គាល់ផងដែរថាជា ជំងឺបេះដូង atrial Fibrillation គឺជាស្ថានភាពមួយដែលបន្ទប់ខាងលើនៃបេះដូងលោតញាប់និងមិនទៀងទាត់។ រោគសញ្ញាទូទៅបំផុតគឺញ័រទ្រូង ដកដង្ហើមខ្លី និងអាចនាំឲ្យមានជំងឺខ្សោយបេះដូង ឬខ្វិន។

២ ជំងឺលើសឈាម ជាតិកាហ្វេអ៊ីន និងសារធាតុរំញោចផ្សេងៗទៀត នៅក្នុងភេសជ្ជៈប៉ូវកម្លាំង វាអាចបង្កើនសម្ពាធឈាមបានយ៉ាងឆាប់រហ័ស។ ដែលជាកត្តាហានិភ័យសំខាន់នៃជំងឺបេះដូង ជំងឺដាច់សរសៃឈាមខួរក្បាលនិងតម្រងនោម

៣ ជំងឺខ្សោយបេះដូង មានរបាយការណ៍ថា អ្នកជំងឺខ្សោយបេះដូងមកពីការផឹកភេសជ្ជៈប៉ូវកម្លាំងជាប្រចាំ។ នេះបណ្តាលមកពីបេះដូងធ្វើការខ្លាំងពេក និងមិនអាចបូមឈាមបានគ្រប់គ្រាន់ដល់រាងកាយ។

៤ Hyperglycemia ភេសជ្ជៈប៉ូវកម្លាំងភាគច្រើនមានជាតិស្ករខ្ពស់ នេះអាចបង្កើនហានិភ័យនៃជាតិស្ករក្នុងឈាមខ្ពស់ ធាត់ និងជំងឺទឹកនោមផ្អែម។

សញ្ញាព្រមានដែលមិនគួរមើលរំលង

ប្រសិនបើអ្នកមានការឈឺទ្រូង ញ័រទ្រូង ចង្វាក់បេះដូងមិនទៀងទាត់ ដង្ហើមខ្លី វិលមុខ ចង្អោរ ក្អួត ឬអស់កម្លាំងមិនធម្មតា បន្ទាប់ពីផឹកភេសជ្ជៈប៉ូវកម្លាំង អ្នកគួរតែទៅជួបគ្រូពេទ្យជាបន្ទាន់។ សម្រាប់ការធ្វើរោគវិនិច្ឆ័យ និងការព្យាបាលទាន់ពេលវេលា.

របៀបផឹកភេសជ្ជៈប៉ូវកម្លាំងដោយសុវត្ថិភាព

ផឹកក្នុងបរិមាណត្រឹមត្រូវ។ អ្នកមិនគួរផឹកភេសជ្ជៈប៉ូវកម្លាំងលើសពី ១ កំប៉ុងក្នុងមួយថ្ងៃ ហើយគួរចៀសវាងការផឹកវារួមជាមួយនឹងភេសជ្ជៈមានជាតិអាល់កុល ឬសារធាតុរំញោចផ្សេងទៀត។

ប្រសិនបើអ្នកត្រូវការផឹក អ្នកគួរតែជ្រើសរើសភេសជ្ជៈប៉ូវកម្លាំងដែលមិនមានជាតិស្ករ ឬមានជាតិស្ករទាប រួមជាមួយការធ្វើលំហាត់ប្រាណជាប្រចាំ លំហាត់ប្រាណទៀងទាត់នឹងជួយឲ្យរាងកាយរបស់អ្នកមានសុខភាពល្អ កាត់បន្ថយហានិភ័យនៃជំងឺបេះដូង។

អ្នកគួរញ៉ាំអាហារទាំង៥ក្រុម ហើយចៀសវាងអាហារដែលសម្បូរជាតិខ្លាញ់ ស្ករ និងសូដ្យូមខ្ពស់។ គេងឲ្យបានគ្រប់គ្រាន់។ វានឹងជួយឲ្យរាងកាយងើបឡើងវិញ កាត់បន្ថយភាពតានតឹង ដែលជាកត្តាហានិភ័យនៃជំងឺបេះដូង។ សុខភាពគឺសំខាន់ កុំឲ្យភេសជ្ជៈប៉ូវកម្លាំងបំផ្លាញសុខភាពបេះដូង។ ប្រសិនបើអ្នកមានសំណួរអំពីសុខភាពរបស់អ្នក។ អ្នកគួរតែទៅពិគ្រោះជាមួយគ្រូពេទ្យរបស់អ្នក ដើម្បីទទួលដំបូន្មាន៕