សុខភាព
មន្ត្រីចុះបាញ់ថ្នាំមូស ដាក់អាបែត បង្ការពលរដ្ឋកើតជំងឺគ្រុនឈាម នៅដើមរដូវវស្សា
ក្រុមមន្ត្រីការិយាល័យស្រុកប្រតិបត្តិស្រែអំបិល ខេត្តកោះកុង បានចុះបាញ់ថ្នាំសំលាប់មូស និងដាក់ថ្នាំអាបែតនៅតាមខ្នងផ្ទះដែលមានករណីគ្រុនឈាម ស្ថិតក្នុងជ្រោយស្វាយ។
![](https://www.kampucheathmey.com/wp-content/uploads/2024/06/photo_2024-06-26_12-56-43-1024x768.jpg)
វេជ្ជបណ្ឌិត សៅ សូនី ប្រធានការិយាល័យសុខាភិបាលប្រតិបត្តិស្រែអំបិល ដឹកនាំក្រុមការងារជំនាញចុះទៅ ឃុំជ្រោយស្វាយ និងឃុំបឹងព្រាវ ដែលជាទីងាយប្រឈមនឹងជំងឺ ដោយបាញ់ថ្នាំមូស ដាក់អាបែត ដើម្បីបង្ការទប់ស្កាត់។
![](https://www.kampucheathmey.com/wp-content/uploads/2024/06/photo_2024-06-26_12-56-41-2.jpg)
វេជ្ជបណ្ឌិត សៅ សូនី បានឱ្យដឹងថា នៅដើមវស្សាឆ្នាំនេះ អត្រាកើតជំងឺគ្រុនឈាមនៅឃុំជ្រោយស្វាយ ស្រុកស្រែអំបិល មានតិចតួចប៉ុណ្ណោះ។ គិតមកទល់ម៉ោង សុខភាពប្រជាពលរដ្ឋមានភាពល្អប្រសើរ ហើយមិនមានអ្នកជំងឺនេះទៀត គ្រាមានការយកចិត្តទុកដាក់ចេញនូវវិធានការទាន់ពេលវេលា។ ក្រៅពីឃុំជ្រោយស្វាយ ឃុំបឹងព្រាវ ក៏មានការដាក់ថ្នាំអាបែតព្រមៗគ្នា។
![](https://www.kampucheathmey.com/wp-content/uploads/2024/06/photo_2024-06-26_12-56-45.jpg)
ចំណែក វេជ្ជបណ្ឌិត ផុន កុលបុត្រ អនុប្រធានមន្ទីរពេទ្យបង្អែកស្រុកស្រែអំបិល បានឱ្យដឹងនៅថ្ងៃទី២៥ ខែមិថុនា ឆ្នាំ២០២៤ ថា ដើមវស្សានេះ មានអ្នកជំងឺគ្រុនឈាមជាង ២០ ករណី ដោយក្នុងនោះមានកុមារ ២ នាក់មានអាការៈធ្ងន់ធ្ងរបញ្ចូនទៅមន្ទីរពេទ្យរាជធានីភ្នំពេញព្យាបាលបន្ត។
![](https://www.kampucheathmey.com/wp-content/uploads/2024/06/photo_2024-06-26_12-58-39-1024x768.jpg)
វេជ្ជបណ្ឌិត ផុន កុលបុត្រ បន្ថែមថា មិនចំពោះតែជំងឺគ្រុនឈាមនោះទេ ជំងឺក្តៅ ក្អក ផ្តាសាយ ក្រពះពោះវៀន និងសត្វពស់ចឹក ក៏កើតមានជាបន្តបន្ទាប់ដែរ។ ដូច្នេះទាមទារឱ្យពលរដ្ឋមានការយល់ដឹងពីវិធីបង្ការទប់ស្កាត់។ ករណីគ្រុនឈាម ត្រូវបោសសម្អាតស្មៅ សំបកឡានចាស់ និងទឹកថ្លុកឱ្យស្អាតល្អ ដើម្បីលុបបំបាត់ជម្រកសត្វមូសខ្លា។
![](https://www.kampucheathmey.com/wp-content/uploads/2024/06/photo_2024-06-26_12-56-41.jpg)
ក្រុមគ្រូពេទ្យ ក៏អំពាវនាវដល់ប្រជាពលរដ្ឋគ្រប់រូប ករណីមានជំងឺផ្សេងៗសូមកុំទុកយូរ សូមប្រញាប់មកកាន់មន្ទីរពេទ្យ ឬមណ្ឌលសុខភាពដែលនៅក្បែរផ្ទះ ដើម្បីផ្តល់លទ្ធភាពឱ្យគ្រូពេទ្យបានពិនិត្យព្យាបាលត្រឹមត្រូវទាន់ពេលវេលា ចៀសវាងបណ្តាលឱ្យជំងឺធ្ងន់ធ្ងរហើយទើបមកមន្ទីរពេទ្យ។
![](https://www.kampucheathmey.com/wp-content/uploads/2024/06/photo_2024-06-26_12-58-40-1024x768.jpg)
ក្រុមគ្រូពេទ្យនៅមន្ទីរពេទ្យបង្អែកស្រុកស្រែអំបិល តែងតែផ្តល់សារអប់រំអនាម័យពី វិធីបង្ការទប់ស្កាត់នានាខាងផ្នែកសុខភាពដល់ប្រជាពលរដ្ឋ ក្រោយពួកគាត់បានសម្រាកព្យាបាលជំងឺជាសះស្បើយវិលត្រឡប់ទៅផ្ទះវិញ៕
អត្តបទ៖ សិរីវឌ្ឍនៈ
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ