សុខភាព
មន្ទីរពេទ្យអង្គឌួង អប់រំអាព្យាបាលពីការស្តារនិតិសម្បទាបន្ទាប់ពី កូនការវះកាត់ គ-ថ្លង់
នៅព្រឹកថ្ងៃទី២៧ ខែមិថុនា ឆ្នាំ២០២៤ នេះ មន្ទីរពេទ្យព្រះអង្គឌួង បានបើកកម្មវិធី ធ្វើបទបង្ហាញ ស្តីពី ការអប់រំអាព្យាបាលពីសារៈសំខាន់ នៃការស្តារនិតិសម្បទាបន្ទាប់ពីទទួលការវះកាត់គ-ថ្លង់។
![](https://www.kampucheathmey.com/wp-content/uploads/2024/06/photo_2024-06-27_13-32-05-1024x768.jpg)
ថ្លែងបើកកម្មវិធីនាឱកាសនោះ លោកសាស្ត្រាចារ្យរង លូ លីឃាង នាយកមន្ទីរពេទ្យព្រះអង្គឌួង បានឱ្យដឹងថា ការបើកកម្មវិធីអប់រំនេះ មានគោលបំណងបណ្តុះបណ្តាលអាណាព្យាបាលអំពីសារៈសំខាន់ នៃការស្តារនីតិសម្បទា បន្ទាប់ពីការវះកាត់គ-ថ្លង់។ ការស្តារនិតិសម្បទាមានសារៈសំខាន់ខ្លាំងណាស់សម្រាប់កុមារ ដែលបានឆ្លងកាត់ការវះកាត់គ-ថ្លង់ ដើម្បីឱ្យពួកគេចាប់ផ្តើមរស់នៅមានដំណើរការធម្មតា និងមានជីវិតដូចកុមារដទៃទៀត។ យើងជឿជាក់ថា អាណាព្យាបាលមានតួនាទីដ៏សំខាន់បំផុតក្នុងការផ្តល់នូវការគាំទ្រ ការអប់រំ និងការថែទាំសម្រាប់កូនៗ។ អាណាព្យាបាល គឺជាអ្នកដែលជួយកូនៗឱ្យមានកម្លាំងក្នុងការចូលរួមការស្តារនីតិសម្បទា និងបង្កើនសុភមង្គលរបស់ពួកគេ។ សូមបងប្អូនអាណាព្យាបាលត្រូវយកចិត្តទុកដាក់ទាំងអស់គ្នា ហើយយើងនឹងបន្តឆ្ពោះទៅមុខជាមួយគ្នា ដើម្បីធានាថា កូនៗរបស់យើង នឹងមានអនាគតល្អបន្ទាប់ពីការវះកាត់គ-ថ្លង់ រួច។
![](https://www.kampucheathmey.com/wp-content/uploads/2024/06/photo_2024-06-27_13-35-02-1024x576.jpg)
លោកសាស្ត្រាចារ្យរង លូ លីឃាង បានបន្តថា គិតមកដល់ពេលនេះ មានវះកាត់គ-ថ្លង់បានចំនួន ៤៧នាក់ និងវះត្រចៀកចំនួន ៦១នាក់។ លោកសាស្ត្រាចារ្យរង សូមថ្លែងអំណរគុណយ៉ាងជ្រាលជ្រៅចំពោះភាគីសហការទាំងអស់ដែលបានចូលរួមជាមួយមន្ទីរពេទ្យព្រះអង្គឌួង ក្នុងការរៀបចំកម្មវិធីនេះឡើង និងសូមឱ្យចំណងសាមគ្គីភាព កិច្ចសហប្រតិបត្តិការនេះកាន់តែរីកចំរើនជារៀងរហូត និងសូមអាណាព្យាបាលបន្តប្រឹងប្រែងដើម្បីធានាការស្តារនីតិសម្បទាសម្រាប់កូនៗយើងទាំងអស់គ្នា។
![](https://www.kampucheathmey.com/wp-content/uploads/2024/06/photo_2024-06-27_13-35-03-1024x576.jpg)
កម្មវិធីនេះមានការចូលរួមពី អ្នកស្រី Donna Sperandio អ្នកជំនាញឯកទេសផ្នែកនិយាយ និងស្តារនិតិសម្បទា ជាឯកទេសមួយដែលព្យាបាលទៅលើកុមារគ-ថ្លង់ ក្រោយពីវះកាត់គ-ថ្លង់ ដើម្បីឱ្យកុមារអាចនិយាយបានឡើងវិញ ដែលធ្វើការលើជំនាញមួយអស់រយៈពេល ៣០ ឆ្នាំមកហើយ នៅប្រទេសអូស្រ្តាលី និងអ្នកស្រី THITIYA ASSAWA JIN DA WAT (ហៅកាត់ Beer) Managing Director នៃ hearLIFE hearing Care Centre ប្រចាំប្រទេសកម្ពុជា ថៃ មីយ៉ាន់ម៉ា និងឡាវ និងអាណាព្យាបាល រួមនិងកូនរបស់ពួកគេផងដែរ៕
អត្ថបទ៖ សំអឿន
![](https://www.kampucheathmey.com/wp-content/uploads/2024/06/photo_2024-06-27_13-35-07-1024x576.jpg)
![](https://www.kampucheathmey.com/wp-content/uploads/2024/06/photo_2024-06-27_13-35-06-1024x576.jpg)
![](https://www.kampucheathmey.com/wp-content/uploads/2024/06/photo_2024-06-27_13-35-05-1024x576.jpg)
![](https://www.kampucheathmey.com/wp-content/uploads/2024/06/photo_2024-06-27_13-32-03-1024x768.jpg)
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ