សុខភាព
ក្រសួងសុខាភិបាល ធ្វើបច្ចុប្បន្នភាពការងារអប់រំសុខភាព និងកំណត់សារអប់រំសុខភាព
ដោយទទួលបានការអនុញ្ញាតពី សាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល បានដឹកនាំកិច្ចប្រជុំលើកទី៥ ស្ដីពី ការអប់រំសុខភាព និងលើកកម្ពស់សុខភាព ក្នុងគោលបំណងធ្វើបច្ចុប្បន្នភាពការងារអប់រំសុខភាព និងកំណត់សារអប់រំសុខភាព។
![](https://www.kampucheathmey.com/wp-content/uploads/2024/07/449529346_886336160189815_4756783821376946982_n-1024x683.jpg)
ក្រោមកិច្ចប្រជុំនេះ រដ្ឋលេខាធិការបានផ្ដល់អនុសាសន៍ជំរុញលើកទឹកចិត្តបន្តការងារអនុវត្តរួមមាន៖
– ការផលិតសារអប់រំសុខភាពតិចអំបិល តិចខ្លាញ់ តិចស្ករ រួមជាមួយការរំលេចសារអប់រំពីគ្រឿងញៀន ជាស្លាកបញ្ឈរតូចៗ និងការណែនាំឱ្យដាក់លើតុពិសាអាហារនៅតាមភោជនីយដ្ឋាននានា បើអាចធ្វើទៅបាន
– ការបន្តកិច្ចខិតខិតខំប្រឹងប្រែង ក្នុងការចាក់ផ្សាយសារអប់រំសុខភាពនៅលើផ្ទាំង LED តាមដងផ្លូវ ទីផ្សា សាលារៀន ទូទាំងរាជធានីខេត្ត
![](https://www.kampucheathmey.com/wp-content/uploads/2024/07/449495385_886336233523141_7597095115798634472_n-1024x683.jpg)
– ការរៀបចំដាក់អាល់កុលលាងដៃនៅគ្រប់បន្ទប់ពិគ្រោះ និងព្យាបាលជំងឺតាមមន្ទីរពេទ្យបង្អែក និងមណ្ឌលសុខភាពនានា
– ការបង្កើតកិច្ចសហការជាមួយ ក្រសួងអប់រំ យុវជន និងកីឡា និងកាកបាទក្រហមកម្ពុជា ដើម្បីចូលរួមចែករំលែក និងបង្កើនការផ្សព្វផ្សាយ សារអប់រំសុខភាព
– ការជំរុញពន្លឿនការរៀបចំឡើងវិញនូវក្រុមការងារបច្ចេកទេសផលិតសម្ភារអប់រំសុខភាពប្រឆាំងនឹងជំងឺរបេង នៅមជ្ឈមណ្ឌលជាតិកំចាត់រោគរបេង និងហង់សិន
![](https://www.kampucheathmey.com/wp-content/uploads/2024/07/449687699_886336286856469_7112619284231992896_n-1024x683.jpg)
– ការបង្កើតជា QR Code សម្រាប់ផ្ទុករាល់ឯកសារអប់រំសុខភាពផ្សេងៗ
– ការត្រៀមលក្ខណៈក្នុងការបើកយុទ្ធនាការអប់រំសុខភាព ប្រយុទ្ធប្រឆាំងនឹងជំងឺគ្រុនឈាម
– ការត្រៀមនូវប្រធានបទអប់រំសុខភាព និងលើកកម្ពស់សុខភាពសម្រាប់ ឆ្នាំ២០២៥
![](https://www.kampucheathmey.com/wp-content/uploads/2024/07/449724798_886336173523147_4225953430384662486_n-1024x744.jpg)
ក្នុងឱកាសនេះ រដ្ឋលេខាធិការ ក៏បានសម្ដែងនូវការកោតសរសើរដល់ក្រុមការងារទាំងអស់ដែលតែងតែរិះរកនូវគំនិតច្នៃប្រឌិតថ្មីៗ ក្នុងការរៀបចំនូវសារអប់រំសុខភាពឱ្យកាន់តែមានភាពទាក់ទាញ និងផ្ដល់នូវប្រសិទ្ធិភាពខ្ពស់។
![](https://www.kampucheathmey.com/wp-content/uploads/2024/07/449724593_886336313523133_8026679223842321886_n-1024x683.jpg)
គួរបញ្ជាក់ថា កិច្ចប្រជុំនេះបានធ្វើឡើងនៅមជ្ឈមណ្ឌលជាតិលើកកំពស់សុខភាព នាថ្ងៃទី១ ខែកក្កដា ឆ្នាំ២០២៤ នេះ ដោយបានទទួលការអញ្ជើញចូលរួមពីក្រុមការងារជាមន្ត្រីបង្គោលមកពីនាយកដ្ឋាន មជ្ឈមណ្ឌលជាតិ និងកម្មវិធីជាតិ ព្រមទាំងដៃគូរអភិវឌ្ឍវិស័យសុខាភិបាល៕
![](https://www.kampucheathmey.com/wp-content/uploads/2024/07/449677088_886336306856467_8450894021177621975_n-1024x683.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២១ ម៉ោង ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ១ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច២ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៥ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ២ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ សប្តាហ៍ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ៣ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
សន្តិសុខសង្គម២ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ