បើអ្នកស្ថិតក្នុងក្រុមប្រភេទនេះ អត្រាឆ្លងកូវីដ មានកម្រិតខ្ពស់

កូវីដ-១៩ ជាវីរុសដែលអាចចម្លងទៅកាន់មនុស្សគ្រប់រូប ប្រសិនមិនបានបង្ការ ក៏ដូចជាការពារឱ្យបានត្រឹមត្រូវតាមគោលការណ៍សុខាភិបាលទេនោះ។ យ៉ាងណាមិញ អត្រាឆ្លងពីមនុស្សម្នាក់ទៅមនុស្សម្នាក់ មិនដូចគ្នាឡើយ វាអាស្រ័យលើស្ថានភាពសុខភាពនៃបុគ្គលនោះផងដែរ។

យោងតាមការចេញផ្សាយរបស់ សេវាសុខភាពជាតិរបស់អង់គ្លេស (NHS) បានឱ្យដឹងថា អ្នកជំងឺដែលប្រឈមហានិភ័យឆ្លងខ្ពស់ ជាក្រុមមនុស្សដែលស្ថិតក្នុងលក្ខខណ្ឌដូចខាងក្រោម៖  

-ធ្លាប់វះកាត់ប្ដូរសរីរាង្គ

-អ្នកជំងឺមហារីកកំពុងព្យាបាលដោយប្រើថ្នាំឬជាតិគីមី

-អ្នកជំងឺមហារីកសួតកំពុងទទួលការព្យាបាលដោយការបាញ់វិទ្យុសកម្ម

-អ្នកជំងឺមហារីកគ្រាប់ឈាម មហារីកខួរឆ្អឹង ឬអ្នកមានជំងឺខួរឆ្អឹងខ្នង

-​មនុស្សដែលប្តូរខួរឆ្អឹងខ្នង ឬប្តូរកោសិកា ឬកំពុងប្រើថ្នាំប៉ះពាល់ការឆ្លើយតបភាពស៊ាំ (immunosuppressant)

-អ្នកមានជំងឺរ៉ាំរ៉ៃ

-ស្ត្រីពពោះដែលមានជំងឺបេះដូងធ្ងន់ធ្ងរ

-មនុស្សពេញវ័យដែលមានជំងឺខ្សោយបញ្ញាពីកំណើត

-មនុស្សពេញវ័យដែលកំពុងលាងឈាម ឬមានជំងឺតម្រងនោមដំណាក់កាលទី ៥៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ក្រុម​មនុស្ស​ឈាម​ប្រភេទ A ប្រឈម​ឆ្លង​កូវីដ​ខ្ពស់

ចុចអាន៖ ប្រភេទក្រុមឈាមដែលប្រឈមហានិភ័យឆ្លងកូវីដខ្ពស់