សុខភាព
ទិសដៅអនាគត ពីការធ្វើតេស្ត HPV ដើម្បីរកភាពមិនប្រក្រតីមុនមហារីកមាត់ស្បូន
សាស្ត្រាចារ្យ អ៉ឹម សិទ្ធិការ្យ រដ្ឋលេខាធិការក្រសួងសុខាភិបាល និងជាប្រធានក្រុមការងារជួយពង្រឹងគុណភាពជំងឺមហារីក បានដឹកនាំកិច្ចប្រជុំពិភាក្សាអំពី ទិសដៅនាពេលអនាគត ស្តីពី ការធ្វើតេស្ត HPV ដើម្បីរកភាពមិនប្រក្រតីមុនមហារីកមាត់ស្បូន។
![](https://www.kampucheathmey.com/wp-content/uploads/2024/08/455240473_913051164184981_7972706116647876820_n-1024x598.jpg)
គោលបំណងសំខាន់ៗ នៃកិច្ចប្រជុំមានចំនួន ៖ ១. គោលបំណង នៃកិច្ចប្រជុំ ២. ការចែករំលែកបទពិសោធន៍ នៃការធ្វើតេស្ត HPV៖ មន្ទីរពេទ្យមិត្តភាពខ្មែរសូវៀត មន្ទីរពេទ្យខេត្តសៀមរាប មន្ទីរពេទ្យខេត្តតាកែវ មជ្ឈមណ្ឌលសុខភាពមេត្តាករុណា និង៣. ពិភាក្សាអំពីទិសដៅអនុវត្តបន្តនាពេលអនាគត នៃការធ្វើតេស្ត HPV៖ តើការធ្វើតេស្តរកមេរោគ HPV មួយណាដែលសមស្របក្នុងប្រទេសកម្ពុជា? តើមានបញ្ហាប្រឈមអ្វីខ្លះនាពេលបច្ចុប្បន្នទាក់ទងនឹងការធ្វើតេស្តបន្ថែមដោយ VIA/ Colposcopy? តើការព្យាបាលវិធីសាស្រ្តណាខ្លះសមស្របសម្រាប់ការធ្វើតេស្តរកមេរោគHPV? ការធ្វើតេស្តបន្ថែមដោយ VIA/colposcopy និងការព្យាបាលមុនមហារីកនៅថ្នាក់ខេត្ត និងព្យាបាលមុនមហារីក ដោយ thermal ablation/LEEP និងការបញ្ជូនស្រ្តី។
![](https://www.kampucheathmey.com/wp-content/uploads/2024/08/455136770_913051260851638_8446726107357441864_n-1024x446.jpg)
ជាកិច្ចបញ្ចប់ សាស្ត្រាចារ្យរដ្ឋលេខាធិការ បានផ្តល់ការណែនាំ និងមតិផ្តាំផ្ញើ ដើម្បីលើកកម្ពស់តម្រូវការក្នុងពិនិត្យសុខភាព និងព្យាបាលជំងឺមហារីកមាត់ស្បូន។ សាស្ត្រាចារ្យ មានសង្ឃឹមយ៉ាងមុតមាំថា កម្មវិធីគួរតែពន្លឿន ឬជំរុញសកម្មភាពអប់រំសុខភាព ដើម្បីបង្កើនការយល់ដឹងអំពី ហានិភ័យ នៃជំងឺមហារីកមាត់ស្បូន និងអត្ថប្រយោជន៍ នៃការរកឃើញទាន់ពេល តាមរយៈការចូលរួមពិនិត្យរកជំងឺមហារីក និងព្យាបាលទាន់ពេល។ ការខិតខំប្រឹងប្រែង និងការយកចិត្តទុកដាក់របស់ថ្នាក់ដឹកនាំរបស់ក្រសួងសុខាភិបាល គឺដើម្បីកាត់បន្ថយនូវអត្រាកើត និងស្លាប់ដោយសារជំងឺមហារីកមាត់ស្បូននៅលើស្ត្រីកម្ពុជា នៅឆ្នាំ២០៣០ ខាងមុខ។
![](https://www.kampucheathmey.com/wp-content/uploads/2024/08/455150937_913051290851635_2271806904016858506_n-1024x619.jpg)
គួរបញ្ជាក់ថា កិច្ចប្រជុំ នាថ្ងៃទី១៣ ខែសីហា ឆ្នាំ២០២៤ នេះជាផ្នែកមួយ នៃអន្តរាគមន៍ ដើម្បីពង្រីកអត្រាគ្របដណ្តប់ នៃការពិនិត្យស្រាវជ្រាវបឋម ការធ្វើតេស្ត HPV ត្រូវបានគេដឹងថា ជាឧបករណ៍ពិនិត្យដ៏មានប្រសិទ្ធភាពបំផុត។ ដើម្បីឈ្វេងយល់បន្ថែមអំពីប្រសិទ្ធភាព និងលទ្ធភាព នៃការធ្វើតេស្ត HPV ក្រុមការងារបានរៀបចំកិច្ចប្រជុំដែលមានការអញ្ជើញចូលរួមពី សាស្ត្រាចារ្យ ទីប្រឹក្សា សហការី ក្រុមការងារពាក់ព័ន្ធ និងសុខាភិបាលទាំងអស់ ដែលបានចូលរួមដោយផ្ទាល់មានចំនួនសរុប ២៩ នាក់ និងចូលរួមតាមប្រព័ន្ធនិម្មិត (ZOOM) សម្រាប់ លោកគ្រូ អ្នកគ្រូដែលបម្រើការនៅមន្ទីរពេទ្យថ្នាក់ជាតិ មន្ត្រីគាំពាមាតា និងទារកបម្រើការ នៅមន្ទីរសុខាភិបាល ការិយាល័យសុខភិបាលសុ្រកប្រតិបត្តិ និងគ្រូពេទ្យផ្នែកពិនិត្យរោគស្ត្រីដែលនៅមន្ទីរពេទ្យខេត្ត មន្ទីរពេទ្យបង្អែកស្រុក និងអង្គការដៃគូអភិវឌ្ឍន៍សរុបចំនួនប្រមាណ ២១០ នាក់៕
![](https://www.kampucheathmey.com/wp-content/uploads/2024/08/455648668_913051277518303_8123362873290736922_n-1024x395.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៨ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៧ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?