សុខភាព
ក្រសួងសុខាភិបាលប្រកាសថា មនុស្ស៣នាក់ស្លាប់ និង៣នាក់ទៀតកំពុងព្យាបាលនៅមន្ទីរពេទ្យព្រោះពុលស្រាថ្នាំ នៅខេត្តតាកែវ
ក្រសួងសុខាភិបាល បានចេញសេចក្តីប្រកាសនៅថ្ងៃទី២១ ខែសីហា ឆ្នាំ២០២៤ថា មានមនុស្ស៣នាក់ ស្លាប់ជាបន្តបន្ទាប់ និង៣នាក់ទៀតកំពុងសម្រាកព្យាបាលនៅមន្ទីរពេទ្យ ដោយសារពុលស្រាថ្នាំ នៅភូមិត្នោត ឃុំស្រង៉ែ ស្រុកទ្រាំង ខេត្តតាកែវ។

តាមសេចក្តីប្រកាសបានឱ្យដឹងថា នៅថ្ងៃទី១៦ ខែសីហា ឆ្នាំ២០២៤ ពួកគាត់បានពិសាស្រាថ្នាំ លុះដល់ថ្ងៃទី១៧ ខែសីហា មានមនុស្ស៣នាក់បានស្លាប់ និងមនុស្ស៣នាក់ទៀតកំពុងត្រូវបានសង្គ្រោះដោយគ្រូពេទ្យនៅមន្ទីរពេទ្យ។ បន្ទាប់ពីមានករណីនេះ សមត្ថកិច្ច និងភាគីពាក់ព័ន្ធបានចុះទៅពិនិត្យ និងស្រាវជ្រាវផ្ទាល់នៅកន្លែងកើតហេតុ បានរកឃើញលទ្ធផលតេស្ត និងវិភាគសំណាកស្រាថ្នាំថា ឃើញមានផ្ទុកសារធាតុមេតាណុលកម្រិត១៥% ដែលធ្វើឱ្យពុលស្លាប់បែបនេះ ទាំងដែលកម្រិតមិនពុលនោះគឺមិនត្រូវលើសពី០.១%នោះទេ។
ជុំវិញករណីនេះ ក្រុមឆ្លើយតបបន្ទាន់ និងអាជ្ញាធរពាក់ព័ន្ធ បានចុះអប់រំពលរដ្ឋនៅតាមភូមិ-ឃុំ កើតហេតុខាងលើ ឱ្យមានការប្រុងប្រយ័ត្នខ្ពស់ និងអនុវត្តអនាម័យចំណីអាហារឱ្យបានខ្ពស់ និងបញ្ឈប់ជាបន្ទាន់នូវការពិសាស្រាដែលផលិត ឬបិត មិនបានត្រឹមត្រូវតាមក្បួនខ្នាតបច្ចេកទេស និងបញ្ឈប់ការលក់ស្រា និងទីតាំងផលិតចែកចាយស្រាក្នុងតំបន់គោលដៅដែលកើតហេតុខាងលើ។
ក្រសួងសុខាភិបាលបានបញ្ជាក់ថា គិតពីឆ្នាំ២០២០ ដល់ឆ្នាំ២០២៤នេះ មានការពុលស្រាស ឬស្រាថ្នាំសរុបចំនួន ៥១៧នាក់ ក្នុងនោះស្លាប់៨៩នាក់។ ហេតុដូច្នេះ ក្រសួងអំពាវនាវដល់ប្រជាពលរដ្ឋគ្រប់រូប និងអ្នកពាក់ព័ន្ធទាំងអស់ អនុវត្តឱ្យបាននូវវិធានការការពារចំពោះស្រាដែលបិតមិនត្រឹមត្រូវតាមបច្ចេកទេស ឱ្យបានត្រឹមត្រូវតាមការណែនាំរបស់ក្រសួង៕


ដោយ៖ អុន ស្រីមាន

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល