សុខភាព
កុំប្រហែស! ឧស្សាហ៍ឈឺក្បាល និងឈាមច្រមុះ គឺជារោគសញ្ញាមួយផ្នែកនៃជំងឺមហារីកច្រមុះ
ជំងឺមហារីកច្រមុះ ជាជំងឺកាចសាហាវមួយដែលមនុស្សគ្រប់រូបមិនអាចធ្វេសប្រហែសបានឡើយ ប្រសិនជាមានអាការៈឈឺក្បាលញឹកញាប់ ឬឈាមច្រមុះ ត្រូវទៅពិគ្រោះជាមួយគ្រូពេទ្យជាបន្ទាន់ ព្រោះនេះគឺជារោគសញ្ញាមួយចំនួននៃមហារីកច្រមុះហើយ។
![](https://www.kampucheathmey.com/wp-content/uploads/2024/08/image-1652-1024x614.png)
មន្ទីរពេទ្យកាល់ម៉ែត បានសរសេរលើបណ្តាញសង្គមហ្វេសប៊ុកថ្មីៗនេះថា ជំងឺមហារីកច្រមុះ ជាជំងឺមហារីកដែលកើតឡើងនៅផ្នែកខាងក្រោយច្រមុះ និងខាងលើបំពង់ក ហើយដំណាក់កាលដំបូង ជំងឺមហារីកច្រមុះ មិនស្ដែងសញ្ញាអ្វីដែលគួរឱ្យកត់សម្គាល់ទេ។ រោគសញ្ញាមួយចំនួនដែលច្រើនជួបប្រទះ តែភាគច្រើនហាក់ដូចជាយឺតពេលបន្តិច ហើយតម្រូវឱ្យអ្នកជំងឺទៅពិគ្រោះជាមួយគ្រូពេទ្យជំនាញ ជាបន្ទាន់ ប្រសិនមានរោគសញ្ញាដូចជា មានឡើងកូនកណ្តុរនៅក ឈាមច្រមុះ តឹងច្រមុះភាគច្រើនមួយចំហៀង ការស្តាប់មានការធ្លាក់ចុះនៅត្រចៀកម្ខាង ហឹងត្រចៀក និងឈឺក្បាល។
![](https://www.kampucheathmey.com/wp-content/uploads/2024/08/image-1653-1024x768.png)
ប្រភពដដែល បន្តឱ្យដឹងថា ចំពោះមូលហេតុដែលបង្កឱ្យកើតជំងឺមហារីកច្រមុះ នៅមិនទាន់ដឹងពិតប្រាកដនោះទេ ប៉ុន្តែ មានកត្តាមួយចំនួនដែលជំរុញឱ្យកើតមានជំងឺនេះ ដូចជា ទីតាំងភូមិសាស្រ្ត ដូចជាប្រទេសចិនភាគខាងត្បូង ឬអាស៊ីខាងកើត។ ការបរិភោគអាហារដែលសម្បូរជាតិ Nitrosamine៖អាហារដែលមានកម្រិតអំបិលខ្ពស់ ប្រលាក់ហាឱ្យស្ងួតរួចអាំង (សាច់ ឬត្រី), អ្នកប្រកបរបរដែលទាក់ទងជាមួយឈើ-ជាងឈើ, Epstein-Barr Virus និងប្រវត្តិក្រុមគ្រួសារដែលកើតជំងឺនេះ។
![](https://www.kampucheathmey.com/wp-content/uploads/2024/08/image-1654-1024x768.png)
ចំពោះការធ្វើរោគវិនិច្ឆ័យវិញ គឺការឆ្លុះដោយម៉ាស៊ីនអង់ដូស្គប់ ប្រើកាំមេរ៉ាឆ្លុះចូលក្នុងច្រមុះរហូតដល់ផ្នែកខាងក្រោយ Nasopharynx ។ ការច្រិបសាច់៖ ត្រូវច្រិបសាច់នៅផ្នែកខាងក្រោយច្រមុះ ដើម្បីធ្វើការពិសោធន៍កោសិកាមហារីក Pathology and Immmuno-histo-chemistry, ធ្វើ CT-Scan ឬ MRI, Panendoscopy។ រីឯ ការព្យាបាល គឺព្យាបាលដោយកាំរស្មី តាមវិធីសាស្ត្រទំនើប, ការចាក់ថ្នាំគីមី, ការវះកាត់ក្នុងករណីខ្លះ។
![](https://www.kampucheathmey.com/wp-content/uploads/2024/08/image-1655.png)
បន្ថែមពីនេះ វេជ្ជបណ្ឌិតជំនាញនៅកាល់ម៉ែត បញ្ជាក់ថា ជំងឺនេះមិនមានវិធានការសម្រាប់ការពារមិនឱ្យកើតជំងឺមហារីកច្រមុះទេ ប៉ុន្តែ អាចកាត់បន្ថយដោយកត្តាមួយចំនួន ដែលជំរុញឱ្យកើតជំងឺនេះ ដូចដែលបានរៀបរាប់ខាងលើ។ ដូចនេះ ក្នុងនាមជាគ្រួពេទ្យជំនាញ អំពាវនាវដល់ពលរដ្ឋទាំងអស់ ដែលមានប្រវត្តិឈាមច្រមុះ ឬតឹងច្រមុះជាប្រចាំ សូមទៅពិគ្រោះ ពិនិត្យ និងព្យាបាលឱ្យទាន់ពេលវេលា ជាមួយក្រុមវេជ្ជបណ្ឌិតជំនាញត្រចៀក ច្រមុះ បំពង់ក និងជំងឺមហារីកនៅមន្ទីរពេទ្យ៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?