សម្គាល់ពីភាពខុសគ្នារវាងអាការៈជំងឺផ្ដាសាយនិងកូវីដ-១៩

យោងតាមប្រភពពី​ក្រសួងសុខាភិបាល​បាន​ឲ្យ​ដឹងថា​ រោគសញ្ញា​ជំងឺ​កូ​វីដ-​១៩ ​និង​ជំងឺ​ផ្តាសាយ​មាន​លក្ខណៈស្រដៀងគ្នាខ្លះៗដែលអាចធ្វើឱ្យអ្នកជំងឺយល់ច្រឡំ ប៉ុន្តែវាក៏អាចសម្គាល់បាននូវភាព​ខុសគ្នា​ដូចជា៖

រោគសញ្ញាផ្ដាសាយ

​-ឡើង​កម្ដៅ​ខ្ពស់ ​តែ​​ធូរស្រាល​វិញ​បន្តិច​ម្ដងៗ

​-ក្អក​កណ្ដាស់​បន្តិចបន្តួច​ រួចធូរស្រាល​វិញ​

-ពុំ​មាន​អាកា​រៈ​រាគ​រូស​​

-ហៀរ​សំបោរ តឹង​ច្រមុះ​នាំឱ្យពិបាក​ដកដង្ហើម​

-​អស់កម្លាំង ​និងឈឺ​ខ្លួនតិចតួច

រោគសញ្ញាកូវីដ-១៩

​​​-គ្រុនក្តៅ​លើសពី​ ៣៧.៥​ អង្សា​សេ

​ -ក្អក​និង​ឈឺ​ក​លើសពី​៤​ថ្ងៃ

-​អាចមាន​អាការ​រមួល​ពោះ ​ក្អួតចង្អោរ ​រាគ​រូស ​និង​ពិបាក​ដកដង្ហើម

​-ករណី​ធ្ងន់ធ្ងរ​អាចឈាន​ដល់​រលា​ក​ឬ​ហើម​សួត​

-​ឈឺ​តាម​ដងខ្លួន​និង​ទទួលទាន​អាហារមិនសូវ​បាន​

មួយវិញទៀត​ អ្នក​ដែល​សង្ស័យ​ថាអាច​ឆ្លង​ជំងឺ​កូ​វីដ​១៩​ ជាបុគ្គលដែល​មាន​ប្រវត្តិ​ធ្វើដំណើរ​ឆ្លងខេត្ត​ ​ឬ​ក្រៅប្រទេស​កម្ពុជា​កំឡុងពេល ​១៤ ​ថ្ងៃមុន​ចេញ​រោគសញ្ញា​។

បន្ថែមពីលើនោះ ជាបុគ្គលដែលធ្លាប់​ប៉ះពាល់​ជាមួយ​អ្នកជំងឺ​កូ​វីដ​-១៩ ​ឬ​ជា​អ្នក​ថែទាំ​សុខភាព​នៅគ្រឹះស្ថាន​សុខាភិបាល​៕

អត្ថបទ៖ សន្យា

ចុចអាន៖ ច្បាស់ៗអំពីរោគសញ្ញាជំងឺកូវីដ ១៩ គ្រប់គ្នាគួរដឹង

ចុចអាន៖ រកឃើញរោគសញ្ញាថ្មីបួនទៀត កើតឡើងចំពោះអ្នកឆ្លងកូវីដ