សុខភាព

មានជំងឺរ៉ាំរ៉ៃប្រចាំកាយ គួរផឹកថ្នាំសម្រកទម្ងន់ដែរឬទេ?

បានផុស

៥ ខែ មុន

នៅ

ថ្ងៃសៅរ៍ ២១ កញ្ញា ២០២៤

ដោយ

ថ្នាំសម្រកទម្ងន់គឺជាទីពេញនិយមនាសម័យបច្ចុប្បន្ននេះសម្រាប់មនុស្សដែលឡើងគីឡូខ្លាំង ឬច្រើនតែចង់សម្រកនៅទីកន្លែងណាមួយនៃរាងកាយ។ ប៉ុន្តែទោះជាវាមានប្រសទ្ធិភាពយ៉ាងណាក្ដី មុននឹងអ្នកសម្រេចចិត្តប្រើថ្នាំសម្រក គួរដឹងថាខ្លួនមានជំងឺរ៉ាំរ៉ៃប្រចាំកាយ កាលបើយើងប្រើថ្នាំវានឹងមានផលប៉ះពាល់ខ្លាំងដល់សុខភាព។

ដូច្នេះមុនពេលលោកអ្នកចាប់ផ្ដើមប្រើថ្នាំសម្រករាងត្រូវពិគ្រោះជាមួយអ្នកផ្តល់សេវាថែទាំសុខភាពរបស់អ្នក ឬជាមួយវេជ្ជបណ្ឌិតមុនពេលចាប់ផ្តើមអាហារបំប៉ន ឬថ្នាំសម្រកទម្ងន់ណាមួយ។ ពួកគេអាចជួយអ្នកឲ្យយល់ពីអត្ថប្រយោជន៍ និងហានិភ័យដែលអាចកើតមាន ជាពិសេសទាក់ទងនឹងស្ថានភាពរ៉ាំរ៉ៃផ្ទាល់ខ្លួនយើង។

ផលប៉ះពាល់ដែលអាចកើតមាន៖ ថ្នាំសម្រកទំងន់ក៏អាចមានផលប៉ះពាល់ដូចជា ចង្អោរ ទល់លាមក រាគ ឈឺក្បាល វិលមុខ និងបង្កើនអត្រាបេះដូង។ ផលរំខានធ្ងន់ធ្ងរជាងនេះ អាចរួមមានបញ្ហាតម្រងនោម បញ្ហាក្រពេញទីរ៉ូអ៊ីត ជំងឺថង់ទឹកប្រមាត់ និងសូម្បីតែការគិតចង់ធ្វើអត្តឃាតក៏អាចកើតឡើងបានដែរ។

អន្តរកម្មជាមួយថ្នាំផ្សេងទៀត៖ ថ្នាំគ្រាប់សម្រកទម្ងន់អាចធ្វើអន្តរកម្មជាមួយថ្នាំដែលអ្នកប្រហែលជាកំពុងប្រើថ្នាំសម្រាប់ជំងឺរ៉ាំរ៉ៃរបស់អ្នក ដែលអាចបណ្តាលឲ្យមានផលប៉ះពាល់។ ដូច្នេះសូមពីគ្រោះត្រង់ចំណុចនេះឲ្យបានម៉ត់ចត់បំផុត ចៀសវាងមានបញ្ហានាំឲ្យគ្រោះថ្នាក់ទាក់ទិនអាយុជីវិត។

ការប្រើប្រាស់រយៈពេលវែង៖ ថ្នាំសម្រកទម្ងន់មួយចំនួនត្រូវបានបម្រុងទុកសម្រាប់ការប្រើប្រាស់រយៈពេលវែង ហើយអាចតម្រូវឲ្យមានការត្រួតពិនិត្យជាបន្តបន្ទាប់ ដោយអ្នកផ្តល់សេវាថែទាំសុខភាពផ្ទាល់ខ្លួន។

ការផ្លាស់ប្តូររបៀបរស់នៅ៖ ការរួមបញ្ចូលថ្នាំជាមួយនឹងការផ្លាស់ប្តូររបៀបរស់នៅដូចជារបបអាហារដែលមានសុខភាពល្អ និងការធ្វើលំហាត់ប្រាណទៀងទាត់ អាចធ្វើឲ្យប្រសើរឡើងនូវលទ្ធផល និងជួយគ្រប់គ្រងជំងឺរ៉ាំរ៉ៃរបស់អ្នកឲ្យកាន់តែមានប្រសិទ្ធភាព។

យ៉ាងណាក៏ដោយ បើទោះបីជាអ្នកមានមានជំងឺរ៉ាំរ៉ៃប្រចាំកាយក៏ពិតមែន ប៉ុន្តែអ្នកនៅតែអាចប្រើថ្នាំទាំងនោះបានដោយសុវត្ថិភាព។ វាអាស្រ័យលើស្ថានភាពសុខភាពបច្ចុប្បន្នរបស់យើងផ្ទាល់ ឬធ្វើការជជែកជាមួយគ្រូពេទ្យដែលមានជំនាញច្បាស់លាស់។ ជាពិសេសថ្នាំសម្រកមានប្រភពនិងការណែនាំច្បាស់លាស់មិនបានធ្វើឲ្យសុខភាពយើងចុះខ្សោយ ឬប៉ះពាល់ខ្លាំងទេ ឲ្យតែយើងសិក្សានិងស្វែងយល់ទើបមិនមានគ្រោះថ្នាក់ទៅថ្ងៃខាងមុខ៕