សុខភាព
ក្រសួងសុខាភិបាល អំពាវនាវដល់អាណាព្យាបាលត្រូវយកចិត្តទុកដាក់ខ្ពស់ចំពោះសុខភាពភ្នែករបស់កុមារ
ក្រសួងសុខាភិបាលកម្ពុជា បានអំពាវនាវដល់ និងណែនាំវិធានការ៣ចំណុច ដល់មាតាបិតា អាណាព្យាបាល និងគ្រូបង្រៀនគ្រប់រូប ត្រូវយកចិត្តទុកដាក់ចំពោះសុខភាពភ្នែករបស់កុមារ ក្នុងចំណោមបញ្ហាសុខភាពអទិភាពសំខាន់ៗដទៃទៀត ដើម្បីអាចជួយកុមារពីបញ្ហាភ្នែកបានទាន់ពេលវេលា។

ក្រសួងចេញការអំពាវនាវនេះ នៅព្រឹកថ្ងៃទី១០ ខែតុលា ឆ្នាំ២០២៤ ក្នុងឱកាសអបអរសាទរទិវាសុខភាពភ្នែកពិភពលោក ក្រោមប្រធានបទ “ស្រឡាញ់សុខភាពភ្នែកកូនអ្នក”។ ស្របពេលជាមួយគ្នានឹងទិវាសុខភាពភ្នែកពិភពលោកនេះ ក្រសួងសុខាភិបាលបានចេញការអំពាវនាវ៣ចំណុចគឺ ទី១ ក្រសួងស្នើដល់ម្តាយឪពុក អាណាព្យាបាល និងគ្រូបង្រៀនគ្រប់រូប ត្រូវយកចិត្តទុកដាក់ផ្តល់អាទិភាពដល់សុខភាពកុមារ នៅក្នុងចំណោមបញ្ហាសុខភាពអទិភាពសំខាន់ៗដទៃទៀត។ ដូច្នេះ បញ្ហាគំហើញថយចុះរបស់កុមារត្រូវធ្វើរោគវិនិច្ឆ័យ និងព្យាបាលទាន់ពេលវេលា។ ទី២ ក្រសួងស្នើដល់មាតាបិតា អាណាព្យាបាលគ្រប់រូបត្រូវប្រញាប់រួសរាន់នាំកូនប្រុសស្រីដែលសង្ស័យមានបញ្ហាភ្នែក ទៅពិនិត្យព្យាបាលជាមួយគ្រូពេទ្យជំនាញនៅតាមមណ្ឌលថែទាំភ្នែក ឬមន្ទីរពេទ្យឱ្យបានទាន់ពេលវេលា។ ទី៣ ក្រសួងសុខាភិបាល ថាប្រសិនជាស្រឡាញ់កូនៗ មាតាបិតាត្រូវនាំកូនៗទៅធ្វើតេស្តភ្នែកជាមួយគ្រូពេទ្យជំនាញ ដើម្បីបង្ហាញពីការចូលរួមរបស់មាតាបិតា អាណាព្យាបាល ជំវិញពិភពលោកដែលកំពុងផ្តល់អទិភាពដល់សុខភាពភ្នែកកូនពួកគេ។

សូមជម្រាបថា តាំងពីឆ្នាំ២០០០មក អង្គការសុខភាពពិភពលោក សហការជាមួយទីភ្នាក់ងារអន្តរជាតិសម្រាប់បង្ការភាពពិការភ្នែក បានរៀបចំទិវាសុខភាពភ្នែកពិភពលោក នៅថ្ងៃព្រហស្បតិ៍សប្តាហ៍ទី២ នៃខែតុលា ជារៀងរាល់ឆ្នាំ។ ក្នុងឱកាសនេះ ក្រសួងសុខាភិបាលកម្ពុជាក៏តែងតែចូលរួមអបអរសាទរទិវានេះជារៀងរាល់ឆ្នាំដូចគ្នា។ សម្រាប់ឆ្នាំ២០២៤នេះ ក្រសួងចូលរួមសារអបអរសាទរក្នុងគោលបំណង យកចិត្តទុកដាក់ផ្តល់អាទិភាពដល់សុខភាពភ្នែករបស់កុមារ នៅទូទាំងប្រទេសកម្ពុជា។ លើកកម្ពស់ការយល់ដឹង ដោយបញ្ជ្រាបការថែទាំសុខភាពភ្នែក ក្នុងការថែទាំសុខភាពទូទៅរបស់កុមារ។ យើងទាំងអស់គ្នាដឹងហើយថា ការចុះខ្សោយគំហើញចំពោះកុមារដែលមិនបានកែតម្រូវឱ្យបានទាន់ពេលវេលា អាចនាំឱ្យមានផលប៉ះពាល់យ៉ាងធ្ងន់ធ្ងរដល់ការសិក្សារបស់ពួកគេ។ បើយោងតាមការសិក្សា ស្រាវជ្រាវរបស់អង្គការសុខភាពពិភពលោក និងទីភ្នាក់អន្តរជាតិសម្រាប់បង្ការភាពពិការភ្នែកកុមារ ដែលបានផ្តល់វ៉ែនតាកែតម្រូវគំហើញ អាចកាត់បន្ថយភាពបរាជ័យក្នុងការសិក្សាបានរហូតដល់ ៤៤%។
ដើម្បីចូលរួមក្នុងទិវានេះ ក្រសួងសុខាភិបាលស្នើឱ្យអាណាព្យបាល មាតាបិតា និងសាធារណជនយកចិត្តទុកដាក់ចំពោះភ្នែកកុមារដើម្បីភាពជោគជ័យ និងអនាគតរបស់ពួកគេ៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ