សុខភាព
គ្រូពេទ្យដាស់តឿនថា ចំពោះជំងឺខាន់លឿងលើស្បែក និងភ្នែក អាចជាជំងឺមហារីកលំពែងបាន
គ្រូពេទ្យនៅមន្ទីរពេទ្យកាល់ម៉ែត បានចេញការដាស់តឿននៅលើទំព័រហ្វេសប៊ុកផ្លូវការរបស់មន្ទីរពេទ្យ នៅថ្ងៃទី១៤ ខែតុលា ឆ្នាំ២០២៤ ឱ្យមានការប្រុងប្រយ័ត្នខ្ពស់ចំពោះជំងឺខាន់លឿងលើស្បែក និងភ្នែក (Ictère) ព្រោះអាចជាជំងឺមហារីកលំពែងបាន។
តាមសំណរលើហ្វេសប៊ុករបស់មន្ទីរពេទ្យបានឱ្យដឹងថា មហារីកលំពែង ជាជំងឺកំរ (rare) តែកាចសាហាវ (agressif) ហើយភាគច្រើនកើតលើមនុស្សប្រុសអាយុចាប់ពី ៤០ឆ្នាំឡើងទៅ។ ជាមួយគ្នានេះ ៨០%នៃជំងឺនេះ ភាគច្រើនកើតនៅក្បាលលំពែងជាងខ្លួន និងកន្ទុយលំពែង។ តាមប្រភពដដែល គេនៅមិនទាន់អាចកំណត់បានពីមូលហេតុនៃការកើតជំងឺមហារីកលំពែងនៅឡើយទេ ប៉ុន្តែមានកត្តារួមផ្សំច្រើនដែលអាចនាំឱ្យកើតមានជំងឺនេះបាន។ កត្តារួមផ្សំមានដូចជា ទឹកនោមផ្អែម រលាកលំពែងរ៉ាំរៃ ស្រា និងបារី អាហារសម្បូរដោយសារធាតុខ្លាញ់ និងសាច់សត្វ ជាមួយនឹងកត្តាដំណពូជផ្សេងទៀត។
ចំពោះជំងឺមហារីកលំពែងនេះ គេពិបាករកឃើញរោគសញ្ញាជាក់លាក់ណាស់ ព្រោះវាកើតឡើងដោយស្ងៀមស្ងាត់ ហើយអ្នកជំងឺអាចឈឺនៅចុងដង្ហើម ដែលធ្វើឱ្យមិនសូវឃ្លាន ឬខ្សោយចំណង់អាហារ។ រោគសញ្ញាអាចមានរាកមួល មានទឹកនោមផ្អែម ឡើងលឿងនៅលើស្បែក និងភ្នែក និងស្រកទម្ងន់ជាដើម។
ចំណែកការព្យាបាលវិញ គ្រូពេទ្យថាអាស្រ័យលើទីតាំងរបស់ដុំមហារីក និងពឹងផ្អែកលើការវះកាត់។ គ្រូពេទ្យវះកាត់ នឹងកាត់យកបំណែកណាមួយនៃលំពែងដែលមានដុំមហារីកនោះ។ បន្ទាប់ពីវះកាត់រួច អ្នកជំងឺអាចត្រូវព្យាបាលបន្ថែមដោយប្រើថ្នាំគីមី ឬបាញ់កាំរស្មី។ គ្រូពេទ្យ ក៏បានផ្តាំឱ្យពលរដ្ឋស្វែងរកការព្យាបាលឱ្យបានទាន់ពេលវេលា ដោយពិគ្រោះជាមួយគ្រូពេទ្យជំនាញផ្នែកមហារីក ដើម្បីទទួលបានការព្យាបាលដែលមានប្រសិទ្ធភាពខ្ពស់ផងដែរ៕
-
សន្តិសុខសង្គម១ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ១ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច៦ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ១ សប្តាហ៍ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ១ សប្តាហ៍ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ព័ត៌មានអន្ដរជាតិ២ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ១ សប្តាហ៍ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ជីវិតកម្សាន្ដ៥ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង