សុខភាព
រឿង ៤យ៉ាង គួរធ្វើពេលជួបបញ្ហាអាឡ័កស៊ី
អាឡ័កស៊ីច្រើនធ្វើឲ្យយើងធ្លាក់ខ្លួនឈឺ និងអាចបង្កឲ្យយើងជួបបញ្ហាភ្លាមៗ ដោយមិនមានសញ្ញា ព្រមានជាមុនច្រើននោះដែរ។ កត្តាជាច្រើនអាចបង្កឲ្យមនុស្សយើងជួបបញ្ហាអាឡ័កស៊ីបាន ដូចជាអាឡ័កស៊ីនឹងលម្អងផ្កា អាហារមួយចំនួន និងថ្នាំពេទ្យជាដើម។
ប្រតិកម្មអាឡ័កស៊ី កើតឡើនៅពេលកោសិកាក្នុងប្រព័ន្ធភាពស៊ាំយល់ថាសារធាតុមកពីក្រៅខ្លួន ឬសារធាតុបង្កអាឡ័កស៊ីមានគ្រោះថ្នាក់ចំពោះរាងកាយ។ ការណ៍នេះ ពេលខ្លះអាចធ្វើឲ្យប្រព័ន្ធភាពស៊ាំធ្វើការខ្លាំងជ្រុលក៏មាន។ ជាលទ្ធផលនឹងធ្វើឲ្យមានការផលិតសារធាតុគីមីបង្កឲ្យមានរោគសញ្ញាអាឡ័កស៊ីមួយឈ្មោះថា ហ៊ីស្តាមីនដែលធ្វើឲ្យមានការរលាក កណ្ដាស់ និងក្អក កើតឡើងបាន។
ប្រតិកម្មអាឡ័កស៊ីកម្រិតស្រាលយើងអាចគ្រប់គ្រងដោយវិធីព្យាបាលនៅផ្ទះ ឬប្រើថ្នាំមិនត្រូវការវេជ្ជបញ្ជាមួយចំនួន តែចំពោះបញ្ហាអាលែកហ្ស៊ីរ៉ាំរ៉ៃ ត្រូវទទួលការព្យាបាលពីគ្រូពេទ្យជំនាញ។
ខាងក្រោមនេះជាវិធីមួយចំនួន ដើម្បីជួយគ្នាយើងអាចគ្រប់គ្រងបញ្ហាអាឡ័កស៊ី៖
១. កាត់បន្ថយកត្តាបង្កអាឡ័កស៊ី
ចំពោះគ្នាយើងមានបញ្ហាអាឡ័កស៊ីតាមរដូវកាល ដូចជារដូវផ្ការីក ដែលផ្កាផលិតលម្អងច្រើន យើងត្រូវបិទបង្អួចកុំឲ្យលម្អងទាំងនោះហុយចូលក្នុងផ្ទះ និងមិនត្រូវហាលសម្លៀកបំពាក់ខាងក្រៅផ្ទះនោះដែរ ក្រែងលម្អផ្កាទាំងនោះតោងជាប់។
ដូចគ្នាដែរ អ្នកមានបញ្ហាអាឡ័កស៊ី គួរប្រយ័ត្នកន្លែងដែលមានធូលី ផ្សិត ដូចជានៅកន្លែងទុកដាក់អីវ៉ាន់ បន្ទប់ទឹក ឬកន្លែងបោកគក់ ដែលអាចមានមេរោគផ្សិតនៅទីនោះ។ យើងត្រូវសម្ងួតកន្លែងទាំងនោះឲ្យបានស្អាត និងលៃយ៉ាងណាឲ្យមានខ្យល់ចេញចូលបានត្រឹមត្រូវផងដែរ ពិសេសកន្លែងគេងរបស់យើងតែម្ដង។
បើយើងបានទៅកន្លែងទាំងនោះ ហើយគិតថាអាចមានបញ្ហាធ្វើឲ្យយើងកើតមានប្រតិកម្មអាឡ័កស៊ី យើងគួរតែលាងសម្អាតច្រមុះជាមួយទឹកអំបិល ដែលវាអាចជួយសម្អាតលម្អងផ្កា និងផ្សិតទាំងនោះបាន។
២. ប្រើថ្នាំ
យើងអាចប្រឹក្សាជាមួយគ្រូពេទ្យជំនាញ ដើម្បីទទួលបានថ្នាំដែលអាចជួយយើងពេលមានបញ្ហាប្រតិកម្មអាឡ័កស៊ីកើតឡើង។ ថ្នាំទាំងនោះមានពពួកបាញ់ច្រមុះ ឬថ្នាំបន្តក់ភ្នែក ដែលថ្នាំមានវេជ្ជបញ្ជាទាំងនេះ នឹងអាចជួយកាត់បន្ថយការហើមក្នុងច្រមុះ សម្អាតសារធាតុរំខានផ្សេងៗនៅក្នុងភ្នែក និងជួយកាត់បន្ថយអាការៈរមាស់ ជាដើម។ ការសិក្សាមួយចំនួន បញ្ជាក់ដែរថា សេរ៉ូមប្រៃក៏អាចជួយបន្ថយអាការៈតឹងច្រមុះ បង្កដោយបញ្ហាប្រតិកម្មអាឡ័កស៊ីនេះបានដែរ។
៣. អាឡ័កស៊ីស្បែក
បញ្ហាអាឡ័កស៊ីស្បែក ធ្វើឲ្យស្បែកឡើងរមាស់ និងរលាក ដែលអាចកើតចេញពីការប៉ះពាល់ធាតុបង្កអាឡ័កស៊ីមានក្នុងទឹកមាត់សត្វ រុក្ខជាតិពុល សារធាតុគីមី ឬលោហៈធាតុជាក់លាក់ណាមួយ។
ក្នុងស្ថានភាពបែបនេះ យើងអាចប្រើទឹកកកស្អុំពី១០ទៅ១៥នាទី ដើម្បីចៀសវាងការរលាក និងប្រើផលិតផលផ្ដល់សំណើមដល់ស្បែក ដើម្បីបញ្ឈប់បញ្ហារមាស់។ អ្វីដែលសំខាន់ យើងត្រូវសម្គាល់ថាសារធាតុមួយណាធ្វើឲ្យយើងមានប្រតិកម្មអាឡ័កស៊ី និងត្រូវចៀសឆ្ងាយពីសារធាតុទាំងនោះ។
៤. ទៅជួបគ្រូពេទ្យ
ប្រតិកម្មអាឡ័កស៊ីមួយចំនួនអាចធ្វើឲ្យយើងជួបបញ្ហាធ្ងន់ធ្ងរបាន។ ប្រតិកម្មទាំងនេះអាចកើតមានតែប៉ន្មាននាទីបន្ទាប់ពីយើងប៉ះពាល់សារធាតុបង្កអាឡ័កស៊ីទាំងនោះ ហើយបើយើងទុកមិនទទួលការព្យាបាលទាន់ពេល អាចនាំឲ្យអ្នកជំងឺបាត់បង់ស្មារតី ពិបាកដកដង្ហើម និងអាចឈានដល់គាំងបេះដូងក៏មាន។
តាមអ្វីដែលបានលើកឡើងនេះ បើយើងជួបបញ្ហាប្រតិកម្មអាឡ័កស៊ីបែបនេះត្រូវទៅរកគ្រូពេទ្យឲ្យបានឆាប់។
ប្រតិកម្មអាឡ័កស៊ី អាចថាជារឿងមិនសូវគ្រោះថ្នាក់ តែវាក៏ផ្ដល់ការរំខានខ្លាំងដែរ។ ដូចនេះ យើងត្រូវមានវិធានការទប់ស្កាត់ ឬទទួលការព្យាបាលឲ្យបានត្រឹមត្រូវមុនបញ្ហានេះបង្កទៅជាបញ្ហាធ្ងន់ធ្ងរ៕
អត្ថបទផ្ដល់ដោយ៖Hello Krupet
ចុចអាន៖អ្វីទៅជាការព្យាបាលឈឺជង្គង់ តាមបែបវិទ្យាសាស្ត្រដោយចលនា
ក្រោយនិយាយចប់ជាមួយពូទីន លោក ត្រាំ ក៏ភ្ជាប់ទូរស័ព្ទទៅលោកហ្សេលេនស្គីភ្លាម
ប្រើហ្វេសប៊ុកឱ្យមានប្រយោជន៍! ប៉ែន ចំរុង សួរយោបល់អ្នកគាំទ្រ គួរប្តឹងឬយ៉ាងណា ក្រោយមានអ្នកជេរប្រមាថដល់ម្តាយ
គណៈរដ្ឋមន្រ្តីថៃ អនុម័តលើជំនួយសម្រាប់កូនបំណុលក្រៅធនាគារ
ដំណើរទៅកាន់ឥណ្ឌូណេស៊ីខាងមុខ សម្ដេច ហ៊ុន សែន នឹងឆ្លៀតទស្សនកិច្ចនៅលេខាធិការដ្ឋានអាស៊ាន
ម្ចាស់សំណង់សង់រំលោភដីព្រែកនៅស្រុកស្រីសន្ធរ បានរុះរើចេញដោយខ្លួនឯង ក្រោយអាជ្ញាធរជូនដំណឹង
កវីនិពន្ធល្បីខាងកំណាព្យ បណ្ឌិត ជ័យ ចាប ធ្លាក់ខ្លួនឈឺធ្ងន់ចូលសង្គ្រោះបន្ទាន់
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ៣ ថ្ងៃ agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ