សុខភាព
អ្វីជាការវះកាត់រលាកខ្នែងពោះវៀនដោយវិធីចោះ!
ខ្នែងពោះវៀន គឺជាបំពង់តូចមួយដែលចុងបិទជិតស្ថិតនៅផ្នែកទីមួយនៃពោះវៀនធំក្បែរចំណុចប្រសព្វនៃពោះវៀនធំនិងពោះវៀនតូច។ ជាធម្មតាវាស្ថិតនៅផ្នែកខាងស្តាំ ក្រោមផ្ចិតមានប្រវែងប្រហែលជា៥-៧សង់ទីម៉ែត។
ការរលាកខ្នែងពោះវៀនត្រូវព្យាបាលដោយវះកាត់យកចេញដោយវិធីវះបើក និងវះចោះ។
ក) គុណសម្បត្តិៈនៃការវះកាត់រលាកខ្នែងពោះវៀនដោយវិធីចោះ
– ការឈឺចាប់តិចក្រោយវះកាត់
– សម្រាកពេទ្យរយៈពេលខ្លី
– ចលនាពោះវៀនមានឡើងវិញលឿន
– អាចធ្វើការងារបានវិញឆាប់រហ័ស
– ស្លាកស្នាមតូចក្រោយវះកាត់
* លទ្ធផលនៃការវះកាត់អាស្រ័យទៅនឹងកត្តារបស់អ្នកជំងឺផងដែរ ។
ខ) អ្នកជំងឺណាខ្លះដែលអាចវះកាត់ដោយចោះបាន ?
គេអាចធ្វើការវះចោះបានក្នុងគ្រប់ករណី(ទាំងជំងឺរោគស្ត្រី) អាស្រ័យទៅលើភាពស្ទាត់ជំនាញរបស់គ្រូពេទ្យ និងមានឧបករណ៍គ្រប់គ្រាន់ទៅតាមតម្រូវការ។
គ) តើការវះកាត់ដោយចោះត្រូវធ្វើដូចម្តេច ?
ពាក្យថាវះចោះ និងវះបើកគឺជាពាក្យបច្ចេកទេសដែលវេជ្ជបណ្ឌិតវះកាត់ប្រើប្រាស់សម្រាប់ធ្វើការវះកាត់ ។ ការវះកាត់ដោយចោះ ដោយមើលតាមកាមេរ៉ាវីដេអូ ដែលមានស្នាមប្រហោងវះបីតូចៗគឺ៖
– ទី១ នៅលើផ្ចិត
– ទី២ នៅផ្នែកក្រោមផ្ចិតខាងឆ្វេង
– ទី៣ នៅលើថ្ងាសពោះផ្នែកខាងក្រោមផ្ចិត ។
ឃ) តើធ្វើដូចម្តេច ប្រសិនបើការវះកាត់ដោយចោះពុំអាចធ្វើទៅបាន ?
មួយចំនួនតូចនៃអ្នកជំងឺ ប្រសិនបើមិនអាចធ្វើការវះកាត់ដោយចោះបាន ដោយសារតែយើងមិនអាចមើលឃើញខ្នែងច្បាស់ ហើយវារលាកខ្លាំងពុំអាចបេះបាន។ ដូច្នេះដើម្បីឲ្យងាយស្រួលយើងត្រូវប្តូរពីការវះកាត់ដោយចោះ មកវះកាត់ដោយបើកវិញ។ កត្តាដែលអាចប្តូរពីការវះកាត់ដោយចោះទៅការវះកាត់ដោយបើក៖
– ការបង្ករោគរាលដាលខ្លាំង និងអាប់សែ
– ខ្នែងពោះវៀនបែក ហើយស្អិតខ្លាំង
– ធ្លាប់មានការវះកាត់ពីមុនមក
– មានបញ្ហាហូរឈាមអត់ឈប់ពេលវះកាត់។
ង) ផលវិបាកអ្វីខ្លះដែលអាចកើតមានក្រោយការវះចោះ?
– ការហូរឈាមអត់ឈប់
– ការបង្ករោគ
– ធ្លាយលាមកក្នុងពោះតាមគល់ខ្នែងពោះវៀនដែលយើងកាត់
– អាចធ្លាយពោះវៀន ឬប៉ះពាល់ដល់ផ្នែកផ្សេងៗ នៃសរីរាង្គក្នុងពោះ
ច) រោគសញ្ញាអ្វីខ្លះដែលត្រូវទៅពេទ្យក្រោយវះចោះ?
– ក្តៅខ្លួនខ្លាំងលើសពី ៣៩អង្សាសេជាប់រហូត
– ឈឺពោះលេបថ្នាំមិនបាត់
– ចង្អោរ និងក្អួត
– ស្រាវស្រាញ
– ក្អករហូត និងហត់
– មានខ្ទុះនៅតាមកន្លែងវះ
– មានចេញក្រហមស្បែកនៅតាមរន្ធវះកាត់
– មិនអាចហូប និងផឹកបាន
“ប្រសិនបើលោកអ្នកមានបញ្ហាដែលទាក់ទងទៅនឹងពោះវៀន សូមមេត្តាប្រញាប់មកពិគ្រោះជាមួយក្រុមសាស្ត្រាចារ្យ វេជ្ជបណ្ឌិតឯកទេសនៃមន្ទីរពេទ្យកាល់ម៉ែត ដើម្បីទទួលបាននូវរោគវិនិច្ឆ័យ និងវិធីសាស្ត្រព្យាបាល ទាន់ពេលវេលា និងប្រកបដោយប្រសិទ្ធភាពខ្ពស់”៕
អត្ថបទ៖ រស្មី
សូមចុចអាន៖ គេងមិនលក់កម្រិតណា ទើបត្រូវប្រើថ្នាំងងុយ?
រដ្ឋមន្ត្រី៖ក្រសួងព័ត៌មានប្រឹងពង្រឹងសមត្ថភាពអ្នកកាសែត ដើម្បីឱ្យឈប់យកលុយជនខិលខូចជាថ្នូរនឹងការមិនផ្សាយ
លេងបាន២ប្រកួត ដារ៉ាពេជ្រ ស៊ុតចូល១៩គ្រាប់ ជា Top Scorer ស្វាយរៀងខាប់
Update៖ ករណីឆេះរោងចក្រនៅស្រុកអង្គស្នួល ខូចខាតរោងចក្រពីរអគារ ជារោងចក្រផលិតជាតិ ស្នោ និងជ័រ
អាជ្ញាធរ រៀបចំ ចំណតយានយន្តបន្ថែមនៅខាងត្បូងខ្លោងទ្វារទន្លេអុំ ដើម្បីសម្រួលដល់ភ្ញៀវទេសចរ
គ.ជ.ប ប្រកាសរើសសមាសភាពក្រុមចុះឈ្មោះបោះឆ្នោតឆ្នាំ២០២៥ ក្នុងខេត្តរតនគិរី
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
អ្នកស្លាប់ព្រោះរញ្ជួយដីនៅមីយ៉ាន់ម៉ា មានលើសពី ៣ ០០០នាក់ហើយ
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៧ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី