ព័ត៌មានជាតិ

មិនមានតែកម្ពុជា ប្រទេសចំនួន ៦០ ទៀត កំពុងប្រើប្រាស់វ៉ាក់សាំងរបស់ចិន

បានផុស

៤ years មុន

នៅ

ថ្ងៃសុក្រ ២៦ មីនា ២០២១

ដោយ

Dy Bunnara

លោក វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជាថ្លែងថា គិតមកដល់ពេលនេះមានប្រទេសចំនួន ៦០ បានប្រើប្រាស់វ៉ាក់សាំងរបស់ចិន។

លោកឯកអគ្គរដ្ឋទូតបានបញ្ជាក់ថា វ៉ាក់សាំងជាទំនិញសាធារណៈ ដែលត្រូវការចាំបាច់សម្រាប់ប្រើប្រាស់បង្ការមេរោគជំងឺកូវីដ ១៩។ ប្រទេសមួយចំនួន បានគ្រប់គ្រងការចែកចាយវ៉ាក់សាំង ដែលនាំឲ្យប្រទេសក្រីក្រត្រូវប្រឈមមុខការរាលដាលនៃជំងឺឆ្លងតាមផ្លូវដង្ហើមនេះ។

លោកឯកអគ្គរដ្ឋទូតបានបន្តថា ចិនក៏បានផ្តល់វ៉ាក់សាំងដល់អង្គការអន្តរជាតិចំនួន ៣ ដើម្បីប្រើប្រាស់ប្រយុទ្ធប្រឆាំងកូវីដ ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាបានទទួលវ៉ាក់សាំងស៊ីណូវ៉ាក់ចំនួន ១.៥ លានដូសនៅព្រឹកនេះដែលជាការបញ្ជាទិញផ្ទាល់ពីប្រទេសចិន។ វ៉ាក់សាំងស៊ីណូវ៉ាក់ចំនួន ១.៥ លានដូស រដ្ឋាភិបាលកម្ពុជាបានចំណាយថវិកាចំនួន ១៥ លានដុល្លារ។

លោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុថ្លែងថា កម្ពុជាគ្រោងចាក់ចាក់វ៉ាក់សាំងដល់ប្រជាពលរដ្ឋឱ្យបាន ១០លាននាក់។ គិតត្រឹមថ្ងៃទី២៤ ខែមីនា កម្ពុជាចាក់វ៉ាក់សាំងជូនប្រជាពលរដ្ឋបានសរុបជាង ៣៤ម៉ឺននាក់។

នៅថ្ងៃ ៣១ កម្ពុជានឹងទទួលបានវ៉ាក់សាំង ៧០ ម៉ឺនដូសទៀតពីប្រទេសចិន និងការទទួលបានបន្ថែមពីគម្រោងកូវ៉ាក់នៅអំឡុងពាក់កណ្តាលខែមេសាខាងមុខ៕