សុខភាព

ក្មេងក្តៅខ្លួន ឬផ្តាសាយ ចំថ្ងៃត្រូវចាក់វ៉ាក់សាំង អាចចាក់បានអត់?

បានផុស

៤ years មុន

នៅ

ថ្ងៃចន្ទ ២៩ មីនា ២០២១

ដោយ

Sonya

តាមគោលការណ៍ចាក់វ៉ាក់សាំង គឺត្រូវចាក់តាមថ្ងៃកំណត់ឲ្យគ្រប់ដូស្តទើបមានប្រសិទ្ធភាព ឯការចាក់មុន ឬពន្យារពេលចាក់វ៉ាក់សាំងមិនល្អនោះទេ។ ចុះបើកូនក្តៅខ្លួន ឬផ្តាសាយ ចំថ្ងៃត្រូវចាក់វ៉ាក់សាំង អាចចាក់វ៉ាក់សាំងបានអត់? ឬក៏ត្រូវពន្យារពេល?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបកស្រាយរបស់ មជ្ឈមណ្ឌលគ្រប់គ្រង និងបង្ការជំងឺឆ្លងរបស់អាមេរិក (CDC) ក្មេងៗនៅតែអាចចាក់វ៉ាក់សាំងបាន បើទោះបីជាមានអាការៈគ្រុនក្តៅ ឬឈឺល្មមៗ ព្រោះបញ្ហាទាំងនេះមិនប៉ះពាល់ដល់រាងកាយ ដើម្បីឆ្លើយតបទៅនឹងវ៉ាក់សាំងនោះទេ។

ក្នុងលក្ខខណ្ឌក្មេងៗមានឈឺជំងឺតិចតួចមួយចំនួនខាងក្រោមនេះ ម៉ាក់ប៉ាកុំពន្យារពេលអី ត្រូវនាំកូនទៅចាក់វ៉ាក់សាំងតាមពេលកំណត់។

– ក្តៅខ្លួនតិចៗ
– ផ្តាសាយ តឹងច្រមុះ ឬក្អក
– ឆ្លងរោគនៅត្រចៀក
– រាកល្មមៗ

CDC ពន្យល់ថា ការដែលរង់ចាំឲ្យកូនជាពីជំងឺតិចតួច ចាំនាំទៅចាក់វ៉ាក់សាំងនោះគ្មានប្រយោជន៍អីចំពោះសុខភាពទេ។ ការដែលសំខាន់ គឺយើងត្រូវនាំកូនទៅចាក់វ៉ាក់សាំងតាមថ្ងៃកំណត់ ទើបអាចការពារពួកគេពីជំងឺធ្ងន់ធ្ងរបាន ម្យ៉ាងវិញទៀត ការចាក់វ៉ាក់សាំងមិនធ្វើឲ្យស្ថានភាពជំងឺតិចតួចរបស់ក្មេងដែលកំពុងតែមានទៅជាធ្ងន់ធ្ងរឡើយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ វ៉ាក់សាំងសំខាន់ ៣ ប្រភេទ សមាជិកគ្រួសារគួរចាក់ឲ្យបានគ្រប់គ្នា

ចុចអាន៖ វេជ្ជបណ្ឌិតហាមផឹកស្រាដាច់ខាតមុនចាក់វ៉ាក់សាំង ហើយត្រូវទទួលទានអាហារជីវជាតិ និងទឹកឲ្យគ្រប់គ្រាន់

Related Topics: