វេជ្ជបណ្ឌិត៖ គេងមិនគ្រប់ក្រោយចាក់វ៉ាក់សាំង ​អាចបន្ថយប្រសិទ្ធភាពរបស់ថ្នាំ

ការគេងឱ្យបានគ្រប់គ្រាន់មានសារៈសំខាន់សម្រាប់ប្រព័ន្ធភាពស៊ាំ។ ក្នុងនោះការស្រាវជ្រាវអំពីដំណេកនិងវ៉ាក់សាំងកូវីដ-១៩ បានរកឃើញថា គេងមិនគ្រប់គ្រាន់អាចកាត់បន្ថយប្រសិទ្ធភាពរបស់ថ្នាំបង្ការ។

គេងមិនឆ្អែតបង្កផលប៉ះពាល់ដល់កត្តាភាពស៊ាំផ្សេងៗគ្នានៃរាងកាយ ផ្ទុយទៅវិញ ​បើសិនគេងបានគ្រប់គ្រាន់នឹងធ្វើឱ្យហានិភ័យនៃការឆ្លងមេរោគមានការថយចុះ ហើយការឆ្លើយតបរបស់វ៉ាក់សាំងកាន់តែប្រសើរ។

ដោយឡែក កង្វះការគេងមិនត្រឹមតតែជះឥទ្ធិពលដល់ភាពស៊ាំចុះខ្សោយប៉ុណ្ណោះទេ ប៉ុន្តែប្រសិទ្ធភាពនៃថ្នាំបង្ការក៏នឹងថយចុះ ហើយវានឹងនាំងាយឆ្លងមេរោគ ក៏ដូចជាធ្វើឱ្យកោសិកាឈាមសចុះទាបទៀតផង។

បើយោងសម្ដីតាមវេជ្ជបណ្ឌិត Michael Thorpy សាស្រ្តាចារ្យផ្នែកសរសៃប្រសាទមកពីមហាវិទ្យាល័យវេជ្ជសាស្ត្រ Albert Einstein នៅញូយ៉ក បាននិយាយថា “ មិនមានភ័ស្តុតាងណាមួយដែលបង្ហាញថា​វ៉ាក់សាំងអាចធ្វើឱ្យប៉ះពាល់ដល់ដំណេកទេ ប៉ុន្តែក្រោយទទួលវ៉ាក់សាំងត្រូវតែដេកឱ្យបានយ៉ាងហោច ៧ ម៉ោង ។ ការអត់ងងុយឬខំធ្វើការខ្លាំងបន្ទាប់ពីចាក់វ៉ាក់សាំងរួច នឹងមិនផ្ដល់ផលល្អដល់ការបណ្ដុះអង់ទីគ័រឡើយ”។

វេជ្ជបណ្ឌិតរូបនេះបានរំឭកបន្ថែមថា ក្រោយចាក់វ៉ាក់សាំង មិនត្រឹមតែត្រូវគេងឱ្យគ្រប់នោះទេ តែក៏ត្រូវសម្រាកឱ្យបានច្រើនផងដែរ៕

ប្រែសម្រួល៖ សន្យា

ប្រភព៖ wellandgood

ចុចអាន៖ តើភាពស៊ាំវ៉ាក់សាំងការពារ​កូវីដ -​​១៩​ នៅយូរ​បាន​​​កម្រិតណា?

ចុចអាន៖ ហេតុផលធំៗទាំង ៥ ដែលគ្រប់គ្នាគួរពាក់ម៉ាស មិនអាចអាក់ខាន