សុខភាព

ម្ដាយឆ្លងកូវីដ-១៩ ពេលពពោះ កូនក្នុងផ្ទៃមានហានិភ័យអីខ្លះ?

បានផុស

៤ years មុន

នៅ

ថ្ងៃសុក្រ ៩ មេសា ២០២១

ដោយ

Sonya

យើងសង្កេតឃើញថា ក្នុងចំណោមអ្នកឆ្លងវីរុសកូវីដ-១៩ នៅកម្ពុជា មានស្ត្រីពពោះមួយចំនួនដែរ។ ម៉ាក់ៗឆ្លងកូវីដ-១៩ ពេលពពោះ កូនក្នុងផ្ទៃមានហានីភ័យអីខ្លះ? អាចឆ្លងកូវីដ ១៩ ដែរទេ?

Resource: A Woman's Guide to Pregnancy and the Postpartum Period During the COVID-19 Pandemic

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បកស្រាយបញ្ហាជុំវិញចម្ងល់នេះ អង្គការសុខភាពពិភពលោក (WHO) ឲ្យដឹងថា មិនទាន់មានភស្តុតាងច្បាស់លាស់មកបញ្ជាក់ថា ទារកក្នុងផ្ទៃអាចឆ្លងវីរុសកូវីដ-១៩ តាមម្ដាយអំឡុងពេលពពោះ ឬពេលសម្រាល ឬក៏អត់ទេ។ មកដល់ថ្ងៃនេះ វីរុសកូវីដ-១៩ មិនទាន់ត្រូវបានរកឃើញក្នុងទឹកភ្លោះ ឬក៏ទឹកដោះម្ដាយនៅឡើយ។

ដូចគ្នានេះដែរ មជ្ឈមណ្ឌលប្រយុទ្ធនឹងជំងឺឆ្លងអាមេរិក (CDC) ហានីភ័យទូទៅក្នុងការកើតជំងឺកូវីដ-១៩ លើស្ត្រីពពោះ មានភាគរយទាប ក៏ប៉ុន្តែការពពោះបង្កើនហានិភ័យខ្ពស់ក្នងការធ្លាក់ខ្លួនឈឺធ្ងន់ និងស្លាប់បើឆ្លងកូវីដ-១៩។ ស្ត្រីពពោះដែលឆ្លងវីរុសនេះច្រើនកើតបញ្ហាផ្លូវដង្ហើម ទាមទារការយកចិត្តទុកដាក់ខ្ពស់ជាងស្ត្រីមិនមានផ្ទៃពោះ។ អ្នកស្រាវជ្រាវក៏សង្កេតឃើញថា ក្រៅពីអាចកើតជំងឺផ្លូវដង្ហើម ស្រ្តីពពោះកើតកូវីដ-១៩ មិនមានចម្លង ឬបង្កបញ្ហាសុខភាពធ្ងន់ធ្ងរដល់ទារកទេ។

Coronavirus and pregnancy: Advice for expectant and breastfeeding mums - Baby & Child UAE Parenting Magazine

បន្ថែមពីលើនេះ ស្ត្រីពពោះដែលមានជំងឺប្រចាំកាយដូចជា ទឹកនោមផ្អែម កាន់តែប្រឈមខ្ពស់នឹងការធ្លាក់ខ្លួនឈឺធ្ងន់ បើឆ្លងជំងឺកូវីដ-១៩។ តាមការស្រាវជ្រាវមួយចំនួនអះអាងថា ស្ត្រីពពោះកើតកូវីដ-១៩ ប្រឈមនឹងការសម្រាលកូនមុនខែ និងសម្រាលដោយការវះកាត់ ហើយទារកត្រូវយកទៅពិនិត្យសុខភាព ស្វែងរកជំងឺផ្សេងៗ រូមទាំងកូវីដ-១៩ ដែរ។

យ៉ាងណាមិញ តាមការសិក្សាពីសាកលវិទ្យាល័យ California San Francisco បានរកឃើញថា ទារកភាគច្រើន ដែលមានម៉ាក់ៗកើតកូវីដ១៩ គឺមានសុខភាពល្អធម្មតា គិតត្រឹមពេលដែលអាអូនកើតបានចន្លោះអាយុ ៦ ទៅ៨សប្ដាហ៍។ ខណៈពេលដែលការស្រាវជ្រាវនេះកំពុងតែបន្ត ការរកឃើញនេះ ក៏អាចធ្វើឲ្យគ្រួសារដែលកើតកូវីដ១៩ មានក្តីសង្ឃឹមផងដែរ។

សម្រាប់ម៉ាក់ៗដែលកើតជំងឺកូវីដ-១៩ នៅតែអាចបំបៅដោះកូនធម្មតាបាន ដោយមានការប្រុងប្រយ័ត្នអនាម័យខ្ពស់ ដើម្បីធានាថា មិនចម្លងវីរុសទៅកូនជាមួយ៖

ពាក់ម៉ាសពេលបំបៅ
លាងសម្អាតដៃមុនកាន់កូន
ក្អក ឬកណ្ដាស់ត្រូវងាកមុខចេញ
ច្របាច់ទឹកដោះដាក់ដបឲ្យកូនបៅ (បើអាច)
ឬច្រមាច់ទឹកដោះដាក់ដប ទុកឲ្យអ្នកមានសុខភាពល្អបំបៅកូន (បើអាច)។ល។

Pregnant during the COVID-19 outbreak? What you need to know - Boston Children's Answers

ស្របគ្នានេះ លោកជំទាវ ឱ វណ្ណឌីន រដ្ឋលេខាធិការ និងអ្នកនាំពាក្យក្រសួងសុខាភិបាល បានឲ្យដឹងថា ក្រសួងនៅមិនទាន់ទទួលបានការណែនាំទាក់ទងនឹងការចាក់វ៉ាក់សាំងលើស្ត្រីមានផ្ទៃពោះពីអង្គការសុខភាពពិភពលោក(WHO) នៅឡើយទេ ដូចនេះស្ត្រីពពោះត្រូវមានការប្រុងប្រយ័ត្នជាបន្តទៀត។ តែបើស្ត្រីពពោះស្ថិតក្នុងហានិភ័យខ្ពស់ ដូចនេះគ្រូពេទ្យអាចសម្រេចចិត្តឲ្យស្ត្រីពពោះចាក់វ៉ាក់សាំងកូវីដ-១៩ ដើម្បីការពារសុខភាពដែរ ប៉ុន្តែត្រូវមានការតាមដានឲ្យបានច្បាស់លាស់។ ចំណែកការលើកឡើងថា ចាក់វ៉ាក់សាំងរួច អាចប៉ះពាល់ទៅដល់ទារកក្នុងផ្ទៃដែរ ឬអត់នោះ ទាមទារឲ្យមានការសិក្សាបន្ថែមទៀតពីអ្នកវិទ្យាសាស្ត្រ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ បកស្រាយ! តើអ្នកជាសះស្បើយពីកូវីដ-១៩ អាចលាប់ឡើងវិញដែរទេ?

ចុចអាន៖ ឪពុកម្តាយគួរប្រយ័ត្ន! កុមារ១ភាគ៣ មិនបង្ហាញរោគសញ្ញាទេពេលឆ្លងកូវីដ