KPT+

កុំភ័យ!៥ យ៉ាងនេះយុវវ័យអាចទទួលបានក្នុងពេលដែលសាលានៅបិទទ្វារ

បានផុស

៤ years មុន

នៅ

ថ្ងៃសៅរ៍ ១៧ មេសា ២០២១

ដោយ

មហាវិទ្យាល័យនិងសាកលវិទ្យាល័យជាច្រើន នៅតែសម្រេចចិត្តថា តើពេលណានឹងត្រូវបើកសាលាពួកគេឡើងវិញ។ បន្ទាប់ពីបានបិទទ្វារដោយសារវីរុសរាតត្បាត ហើយនិស្សិតជាច្រើន កំពុងខ្វល់ខ្វាយនៃចន្លោះឆ្នាំសិក្សារបស់ពួកគេ។

អ្នកសម្របសម្រួលក្រុមស្រាវជ្រាវ ដែលពិនិត្យមើលផលប៉ះពាល់នៃការគំលាតឆ្នាំ បានបង្ហាញពីវិធី ៥ យ៉ាង ដែលនិស្សិតអាចទទួលបានអត្ថប្រយោជន៍ ពីបទពិសោធន៍នៃគំលាតឆ្នាំសិក្សានេះ ៖

១. ឆ្លៀតពេលកាត់បន្ថយសម្ពាធពីសាលាបង្វឹកផ្លូវចិត្ត

អ្វីដែលសំខាន់ គឺដោយសារសម្ពាធនៅក្នុងសាលាឬវិទ្យាល័យជាច្រើន ដែលមានចន្លោះប្រហោងបានផ្ដល់ឲ្យសិស្សនូវអ្វីដែលខុសគ្នាទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅសាលាអាចមានសម្ពាធច្រើន ទាំងកិច្ចការសាលា និងកិច្ចការផ្សេងទៀត ដូច្នេះបើរៀននៅផ្ទះ សិស្សអាចបន្ថយអារម្មណ៍តានតឹង ទាំងនោះបានមួយកម្រិតចូរឆ្លៀតពេលនេះបង្វឹកការធ្វើសមាធិ និងពត់លត់ដំសុខុមាលភាពផ្លូវចិត្តឡើងវិញទៀត។

២. កសាងភាពចាស់ទុំជាងមុន

ការឈប់សម្រាកពីការអប់រំជាផ្លូវការ អាចជួយឲ្យសិស្សមានការយល់ដឹងកាន់តែច្រើនពីសង្គមសព្វថ្ងៃ ឬអ្វីដែលជាគោលបំណងរបស់សាលា។ ជាលទ្ធផល អាចឲ្យនិស្សិតចាប់ផ្ដើមមានផ្នត់គំនិតជាមួយនឹងភាពចាស់ទុំជាងមុន និងផ្ដោតអារម្មណ៍បានល្អពេលស្នាក់នៅផ្ទះ។

ឆ្នាំដែលមានគម្លាតនេះ អាចផ្ដល់នូវឱកាសដើម្បីឲ្យសិស្សរកឲ្យឃើញនូវចំណាប់អារម្មណ៍ថ្មី និងអាចបានធូរស្បើយបានខ្លះ។ ឧទាហរណ៍មួយ គឺនិស្សិតដែលបានចំណាយពេលគម្លាតមួយឆ្នាំរបស់គាត់ ធ្វើការជាមគ្គុទ្ទេសក៍ដ៏ពូកែ បទពិសោធន៍នោះនាំឱ្យគាត់ក្លាយជាអ្នកជំនាញផ្នែកគ្រប់គ្រងធនធានបរិស្ថាន។

៣. ជំរុញអនុវត្តការសិក្សាដោយវិន័យផ្ទាល់ខ្លួន

តើការឈប់សម្រាក អាចបន្ថយល្បឿននៃការសិក្សារបស់សិស្សដែរឬទេ? តាមពិតការស្រាវជ្រាវដែលធ្វើឡើងដោយសេដ្ឋវិទូនៅមហាវិទ្យាល័យ Middlebury និងសាកលវិទ្យាល័យ North Carolina នៅ Chapel Hill បានរកឃើញថា វាផ្ទុយពីការពិត។

ការសិក្សាបានរកឃើញថា និស្សិតដែលបានចំណាយពេលនៃចន្លោះឆ្នាំនេះ អាចទទួលបានពិន្ទុ ១៥ ដល់ ២៥ ពិន្ទុខ្ពស់ជាងការព្យាករណ៍។ ប្រសិនបើពួកគេស្នាក់នៅផ្ទះ ហើយខំសិក្សា ពួកគេនឹងមានពេលវេលាសម្រាប់ស្រាវជ្រាវបន្ថែមទៀត ជាងនៅសាលាដែលចូលចិត្តចំណាយការកម្សាន្ត ជាមួយក្រុមមិត្តពួកគេ។

៤. ស្វែងរកឥណទានសិក្សា

យ៉ាងហោចណាស់កម្មវិធីគំលាតឆ្នាំសិក្សា ក៏ផ្ដល់ឱកាសៀឲ្យសិស្សទទួលបានឥណទានសិក្សានៅមហាវិទ្យាល័យផ្សេងៗគ្នាបានដែរ។ សាលាផ្សេងទៀត ក៏បានកំណត់កម្មវិធីដែលរួមបញ្ចូល ជំនួយហិរញ្ញវត្ថុនៅពេលណាដែលចាំបាច់សម្រាប់សិស្ស។

៥. រៀនប្រើឯករាជ្យភាព

វាមិនចាំបាច់សិស្ស ត្រូវនៅជាប់នឹងកម្មវិធីសិក្សាជាផ្លូវការ ឬកំណត់ខ្លួនឯងឲ្យមានសកម្មភាពតែមួយ រហូតនោះទេ។

ក្នុងចន្លោះពេលនេះ ត្រូវចេះស្វែងរកបទពិសោធន៍ការងារ នៅក្នុងអាជីពដែលយើងបានរៀន ដូចជាធ្វើសេវាកម្មសហគមន៍ យល់ដឹងអំពីបរិស្ថាន ឬស្វែងយល់ពីវប្បធម៌ផ្សេងទៀតកាន់តែប្រសើរ ។

ទោះយ៉ាងណា ការព្យួរការសិក្សានៅមហាវិទ្យាល័យក្នុងកំឡុងពេលមានរោគរាតត្បាត អាចជួយឲ្យពួកគេទទួលបានបទពិសោធន៍នៅក្រៅសាលា ដូចដែលពួកគេចង់បាននាឆ្នាំ ២០២១ ៕

ប្រែសម្រួល៖ សាង ស្រីល័ក្ខ

ចុចអាន៖គន្លឹះ៤ យ៉ាងសម្រាប់យុវវ័យដែលចង់បានការងារដំបូង

ចុចអាន៖៦យ៉ាងនេះ យុវវ័យអឺរ៉ុបគិតខុសពីយើងអាស៊ី

Related Topics:យុវវ័យ