KPT+
អនុវត្តក្បួនជប៉ុន ក្នុងជីវិត ធានាថានឹងស្រស់ស្រាយជាងមុន
ការបង្កើតនិងប៉ុនប៉ងសម្រេចគោលដៅធំៗក្នុងជីវិតដោយគំហុគពេក អាចជារឿងបង្កើតសម្ពាធ មិនថាការព្យាយាមកែលំអខ្លួនឯងយ៉ាងសន្ធាប់ ឬរៀនជំនាញថ្មីៗនានា ប្រញាប់ប្រញាល់តាមនិន្នាការសង្គម ក៏ដូចជាមហិច្ឆតាហួសហេតុ ចង់ឈ្នះខ្លាំង សុទ្ធតែអាចធ្វើឲ្យជីវិតយើងមានបញ្ហា។
ប៉ុន្តែការចាប់ផ្តើមតាមរបៀបតូចៗ បន្តិចៗក្នុងមួយថ្ងៃៗ គឺជាវិធីល្អបំផុតដើម្បីសម្រេចបានសមិទ្ធិផលច្រើននៅចុងបញ្ចប់ទៅវិញ។
វិធីសាស្ត្រនេះត្រូវបានគេហៅថាក្បួន Kaizen ហើយវាជាការអនុវត្តរបស់ជប៉ុនក្នុងការធ្វើឲ្យប្រសើរឡើងជាបន្តបន្ទាប់។ វាជាទ្រឹស្ដីមួយដែលត្រូវបានបង្កើតឡើងដំបូងនៅសហរដ្ឋអាមេរិក និងត្រូវបានអនុវត្តនៅក្នុងពិភពធុរកិច្ចដែលល្បីល្បាញបំផុតនៅក្រុមហ៊ុនតូយ៉ូតា ប៉ុន្តែវាក៏អាចអនុវត្តបាននៅគ្រប់វិស័យផងដែរ។

- ដើរមួយជំហានម្តងៗ
អ្វីដែលអស្ចារ្យនៃការបង្កើននិងការកែលំអ គឺមិនចាំបាច់កំណត់គោលដៅខ្ពស់ពេកទេ។ គោលដៅដែលមានមហិច្ឆតា ហួសហេតុ អាចជាការបំភិតបំភ័យដែលនាំឲ្យមានការពន្យារពេលឬជៀសវាង។ នៅពេលគោលដៅតូច វាធ្វើឲ្យការបរាជ័យមានហានិភ័យតូចវិញដែរ។

នោះហើយជាមូលហេតុដែលវិធី Kaizen ទទួលជោគជ័យ៖ យើងគ្រាន់តែផ្ដោតលើជំហានតូចៗក្នុងមួយថ្ងៃៗ។ បើយើងសុបិនចង់ធ្វើជាម្ចាស់ហ្គីតា ប៉ុន្តែមិនអាចលេងវាបានល្អ ចាប់ផ្ដើមរៀនដោយគ្រាន់តែកត់ចំណាំ Chord នៃការលេងពីរបីដងក្នុងមួយថ្ងៃ។ នៅពេលដែលយើងអាចលេង Chord ព្យាយាមរៀន Chord ថ្មីរាល់ថ្ងៃបន្ថែម ក្នុងពេលវេលាជាក់លាក់ណាមួយ។ នៅចុងខែ យើងនឹងបានរៀនពីរបៀបលេងបទចម្រៀងមិនខាន។
- ទម្លាប់លម្អិតការងារតែកុំតឹងរ៉ឹង
ការតម្រង់ជួរឆ្ពោះទៅរកភាពជោគជ័យ គឺជាអ្វីដែលក្បួន Kaizen ផ្ដោតលើ។ អ្វីដែលរឹតតែពិសេសទៅទៀតនោះគឺ ការអភិវឌ្ឍទម្លាប់ ដោយផ្អែកលើការផ្ដោតអារម្មណ៍ ផ្ដោតលើគោលដៅជាក់ស្ដែង និងអាចសម្រេចបាន គោលដៅដែលអ្នកបានកំណត់តាមល្បឿនផ្ទាល់ខ្លួនដែលកំពុងតែដំណើរការល្អបំផុតសម្រាប់យើង។
យើងមិនចាំបាច់ចាប់ផ្ដើមទម្លាប់តឹងរ៉ឹងពីមួយថ្ងៃទៅមួយថ្ងៃទេ។ ប៉ុន្តែអ្វីដែលយើងធ្វើជាមួយ Kaizen គឺកសាងជំហានជាប្រចាំ ហើយយើងអាចរក្សាទម្លាប់នោះបាន។

តាមរយៈការឆ្ពោះទៅរកគោលដៅ យើងក៏អាចកែសម្រួលនៅពេលដែលយើងទៅដល់ក្នុងពេលដំណាលគ្នា ដោយបង្កើតផែនការលម្អិតបន្ថែមទៀត។ នៅពេលយើងមានផែនការលម្អិត វាធ្វើឲ្យការសម្រេចគោលដៅកាន់តែងាយស្រួល។
ដូចគ្នានេះផងដែរ Kaizen ផ្ដល់ឲ្យយើងនូវកន្លែងដកដង្ហើមបានស្រួល តាមផែនការរបស់យើង ហើយវាក៏អនុញ្ញាតឲ្យមានការច្នៃប្រឌិតមួយចំនួន។ ជារឿយៗនៅពេលយើងរៀបចំផែនការ ប្រសិនបើជំហានមួយខុស យើងនឹងវាយដំខ្លួនឯងហើយឈប់។ ប៉ុន្តែក្បួន Kaizen ពឹងផ្អែកលើការកែសម្រួលផ្ទៃក្នុងតូចៗជាច្រើន នៅពេលដែលយើងឆ្លងកាត់ ពីព្រោះមនុស្សនឹងដឹងពីរបៀបផ្លាស់ប្ដូរអ្វីមួយមិនខាន។
គ្រាន់តែសាកល្បងវិធីសាស្ត្រដែលជាជំហានតូចមួយនៅក្នុងខ្លួន យើងនឹងទទួលបានរសជាតិជីវិតថ្មី ហើយលទ្ធផលក៏ទទួលបានប្រសើរជាងមុន៕
ចាំអីទៀត សាកល្បងអនុវត្តក្បួន Kaizen ឥលូវនេះ!
ប្រែសម្រួល៖ សាង ស្រីល័ក្ខ
ចុចអាន៖បញ្ចប់ទំនាក់ទំនងជាមួយមនុស្សអាត្មានិយម ដោយសន្តិវិធីប្រើវិធីនេះ
ចុចអាន៖វិធីជម្នះនូវភាពភ័យខ្លាចដើម្បីជីវិតរស់នៅពេញដោយមានសេរីភាព

-
ព័ត៌មានអន្ដរជាតិ១៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២៤ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?