KPT+

នៅម្នាក់ឯងបង្រៀនឲ្យចេះដោះស្រាយបញ្ហាប្រឈមនានាដោយឯករាជ្យ

បានផុស

៤ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

ការរស់នៅម្នាក់ឯងមិនមែនសុទ្ធតែជាជម្រើសអាក្រក់ឯណា មានហេតុផលខ្លះវាមានចំណុចល្អច្រើនរហូតយើងមិនដឹង តែអ្នកបែជាគិតថា នៅម្នាក់ឯងគឺមិនល្អ ខ្លាចខ្លួនឯងគិតច្រើន។ រស់ម្នាក់ឯងតែងតែបង្រៀនយើងឲ្យពូកែដោះស្រាយបញ្ហាប្រឈមដោយគ្មាននរណាម្នាក់នៅក្បែរ។

អានអត្ថបទខាងក្រោម អ្នកនឹងដឹងពីផលល្អនៃការនៅម្នាក់ឯង ៖

១. គិតថានៅម្នាក់ឯងជាដំណើរផ្សងព្រេង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះគឺជារឿងធំមួយនិងអស្ចារ្យ ហើយអ្នកបានធ្វើដំណើរទូទាំងពិភពលោកតែម្នាក់ឯង។ មនុស្សគ្រប់គ្នាសួរអ្នកថា តើហត់អត់ ដែលទៅដើរផ្លូវវែងឆ្ងាយតែឯងចឹង? ឬរីករាយជាងមុនអត់ ដែលមិនមានអ្នកផ្សេងរួមដំណើរជាមួយ។

កុំខ្វល់ពីអ្នកណាមកស្កាត់ផ្លូវ ហើយសួរសំណួរដែលអ្នកមិនចង់ឆ្លើយ ត្រូវដឹងថា ការធ្វើដំណើរម្នាក់ឯងបានធ្វើឲ្យអ្នកក្លាយជាស្ត្រីឬបុរសរឹងមាំនិងឯករាជ្យម្នាក់ ។ អ្នកក៏បានស្វែងយល់ពីវិធីរៀនការពារខ្លួន និងធនធានថវិកាដែលមិនចាំបាច់ចំណាយច្រើនពេលមានគ្នា។

២. បានស្វែងយល់ពីចំណុចខ្លាំងនិងចំណុចខ្សោយរបស់ខ្លួនឯង

ដើម្បីក្លាយជាមនុស្សឯករាជ្យម្នាក់ អ្នកត្រូវអនុវត្តការស្រឡាញ់និងទទួលយកការពិតចេញពីខ្លួនឯង ( មានទាំងអាក្រក់និងល្អ ) ។ មនុស្សជាច្រើនភ័យខ្លាចការនៅម្នាក់ឯង ព្រោះពួកគេមិនបានគិតថានៅម្នាក់ឯងគឺជាជម្រើសមួយ ឲ្យយើងរៀនស្វែងយល់ពីខ្លួនឯងឡើយ។

ម្នាក់ឯងក្នុងផ្លូវដ៏វែងឆ្ងាយនេះ អាចយកឈ្នះជំងឺធ្លាក់ទឹកចិត្តដ៏ធំ។ តែអ្នកក៏មិនអាចនៅតែម្នាក់ឯង ក្នុងបន្ទប់មួយបិទជិតបានទេ ព្រោះខួរក្បាលអាចនឹងបង្វែរតែរឿងអវិជ្ជមាន។

ចូរបើកបង្អួចនិងវាំងននឲ្យពន្លឺថ្ងៃចាំងចូលមក ហើយដកដង្ហើមវែងៗ ត្រៀមខ្លួនរៀបគម្រោងដើរលេងពេលណាគ្រប់យ៉ាងក្នុងប្រទេសដំណើរការធម្មតាវិញ។ ចាប់ផ្ដើមអនុវត្តរៀនស្រឡាញ់ខ្លួនឯងឡើងវិញ ដោយគ្មានអ្នកណាផ្សេងទៀត ចូលមកក្នុងជីវិតយើង។

៣. ចូលទៅក្នុងការច្នៃប្រឌិតជាមនុស្សផ្សេង

ឯកោមានទំនោរទៅរកភាពច្នៃប្រឌិត? ជាការពិត ពេលដែលអ្នកបំបែកខ្លួនចេញពីមនុស្សព័ទ្ធជុំវិញ អារម្មណ៍និងគំនិតអាចឲ្យអ្នកស្រមើស្រមៃបានភ្លាម។ ការស្រមើស្រមៃតែឯង គឺជាសភាពដែលមានការផ្លាស់ប្ដូរនៃផ្នែកស្មារតី។ ការស្រមើស្រមៃជាការបន្ថែមភាពស្រស់ស្អាត ដល់គ្រប់សរសៃសសូងនៃជីវិត។ ឥលូវចង់ស្រម៉ៃទៅកន្លែងណាក៏បាន សំខាន់ឲ្យតែយើងខ្លួនឯងសប្បាយចិត្តបាន។

៤. ក្លាយជាអ្នកសង្កេតការណ៍

អ្នកដែលចំណាយពេលតែឯង នឹងបានរៀនពីមេរៀនមួយ គឺមើលឃើញពិភពលោកតាមរយៈកញ្ចក់ជាច្រើន ដែលមានមនុស្សគ្រប់គ្នានៅក្នុងហ្វូងមនុស្សដែលយើងស្គាល់ខ្លះនិងមិនស្គាល់ខ្លះ។

នៅពេលអ្នកទៅកន្លែងណាមួយតែម្នាក់ឯង អ្នកនឹងមានឱកាសមើលពីរបៀបដែលអ្នកដទៃដើរតួជុំវិញអ្នក របៀបដែលពួកគេនិយាយ ឥរិយាបថនិងការផ្លាស់ប្ដូរគ្រប់យ៉ាងដែលអ្នកមិនដែលដឹង។ ជាពិសេសមនុស្សណាសម្ដែងមនុស្សណារាបអានយើងចង់បានផល ឬពពួកមនុស្សញញឹមចុងមាត់ជាដើម។

៥. រីករាយនិងភាពស្ងៀមស្ងាត់

ម្នាក់ឯងគឺជាសមត្ថភាពមួយក្នុងការដោះស្រាយបញ្ហា ដែលនៅជុំវិញអ្នក ហើយបានរៀនពីខ្លួនឯងបានច្រើនជាងមុន។ វាក៏មិនមែនជារឿងគួរឲ្យភ័យខ្លាចឡើយ តែវាបានបង្ហាញអ្នក ឲ្យស្វែងរកសន្តិភាព ភាពរីករាយនៅក្នុងខ្លួន ហើយមិនមានអ្វី ដែលអ្នកមិនអាចដោះស្រាយតែម្នាក់ឯងបានទេ។ ចំណាយពេលជាមួយខ្លួនឯង បង្រៀននូវមេរៀនដែលគ្មាននរណាម្នាក់ នៅលើពិភពលោកនេះ អាចពន្យល់បាន៕

ប្រែសម្រួល៖ សាង ស្រីល័ក្ខ

ចុចអាន៖វិធីការពារអារម្មណ៍ខ្លួនឯង នៅពេលមានគេបំពានទឹកចិត្តមាក់ងាយមកលើយើង

ចុចអាន៖ហេតុអ្វីតន្ត្រី ត្រូវទុកថាជាឱសថព្យាបាលមនុស្សបាក់ទឹកចិត្តបាន

Related Topics:បញ្ហាប្រឈម