KPT+
កំហុស៦នេះ ដែលមនុស្សភាគច្រើនបានចំណាយក្នុងជីវិតយុវវ័យរបស់គេ
មនុស្សវ័យជំទង់និងមនុស្សពេញវ័យដែលនិយមប្រើជីវិតទៅតាមអារម្មណ៍រំភើប មិនគួរឲ្យឆ្ងល់ទេថា ហេតុអ្វីពួកគេតែងតែស្ដាយក្រោយ។
ដោយហេតុថា វ័យក្មេងជាដំណាក់កាលសម្រាប់ការលូតលាស់និងការអភិវឌ្ឍបណ្ដុះស្លាប រកកន្លែងណាសមរម្យល្អនឹងចាក់ឫសអាជីពនិងគ្រួសារ ដើម្បីឲ្យមានយុថ្ការឹងមាំ។
ដោយសារវ័យក្មេងជាវ័យពោរពេញទៅដោយថាមពលដែលចូលមកកំណត់កម្រិតដុះដាលខ្ពស់បង្អស់នៃអាជីពរបស់យើងការខ្ជះខ្ជាយទៅលើស្នេហា ទំនាក់ទំនងនិងការវាយប្រហារគ្នា ជាបន្ទុកធ្ងន់មកលើយើងបើឲ្យខាតបង់ចិត្តនិងប្រើធនធានថាមពលខុស។
នៅក្នុងអត្ថបទនេះ យើងនឹងបង្ហាញពីកំហុសមួយចំនួននៃយុវភាពម្នាក់ៗព្រមទាំងវិធីសាស្ត្រដែលជំនាន់ក្រោយអាចចៀសវាងបាន។
១ យុវវ័យចំណាយលុយលើរឿងឥតចាំបាច់
នេះគឺជាកំហុសមួយក្នុងចំណោមកំហុសឆ្គងបំផុតដែលធ្វើឡើងដោយយុវជន៨៨ភាគរយនៅចិន មនុស្សវ័យក្មេងភាគច្រើនចង់មានភាពសប្បាយរីករាយ ចង់រីករាយនឹងជីវិតឡូយឆាយ និងមានអារម្មណ៍ចូលជំនុំចំណោម ចង់ធ្វើដូចអ្នកដទៃហើយរស់នៅតាមរបៀបដែលនិន្នាការសង្គមដើរទៅ។ មនុស្សវ័យក្មេងទំនង រត់តាមពីម៉ូដទាន់សម័យ រត់រកភាពសប្បាយរីករាយ និងយកលុយទៅទិញស្ទីល មិនមែនបង្កើតស្ទិលទេព្រោះពួកគេមិនយល់និងមិនឲ្យតម្លៃរបៀបរស់នៅដ៏ពិសេសដែលមិនប្រណីតនិងមិនភ្លើតភ្លើន។
មិនមានអ្វីខុសទេក្នុងការដេញម៉ូដនិងទិញទូរស័ព្ទទំនើបចុងក្រោយបង្អស់មកកាន់ តែ ក្នុងនាមជាយុវជន គោលដៅរយៈពេលវែងគួរតែជាវិធីដើម្បីកសាងគោលដៅហិរញ្ញវត្ថុដែលស្ថិតស្ថេរ ទម្លាប់សន្សំសំចៃ និងរៀនអំពីការវិនិយោគដោយឈ្លាសវៃ។ យើងអាចមានឬមិនមានរបស់អ្វីដែលយើងចង់បានប៉ុន្តែសាងសង់អ្វីមួយមកសម្រាប់ចំណាយលើវាឲ្យបានសិន។
មនុស្សជោគជ័យសព្វថ្ងៃនេះដែលរកលុយបានពិតប្រាកដ អាចបញ្ជាក់អំពីការពិតនេះថា គេបានយកលុយទៅវិនិយោគសិន ហើយពេលក្រោយមក គេក៏យកបានអ្វីគ្រប់យ៉ាងដែលគេចង់បាន។
កុំដើរជាមួយមិត្តភក្តិដែលពូកែល្បូងជាមួយនិងម៉ូតទើបនឹងចេញ នៅពេលដែលផ្នែកហិរញ្ញវត្ថុយើងនៅស្ថិតក្នុងកម្រិតមួយដែលមានន័យថាបើយើងចាយអស់យើងនឹងគ្មានអ្វីយកទៅវិនិយោគ មិនវិនិយោគតើសង្ឃឹមអ្វី? មានការរកស៊ីមួយ ល្អមើលជាងមានIphoneមួយឆ្ងាយណាស់។
២. យុវវ័យគិតថាការសិក្សាគឺដើម្បីក្លាយជាអ្នកមានចាំរៀន
នេះជាការពិតប៉ុន្តែមិនមែនជាកំហុសរបស់ពួកគេទាំងស្រុងទេ ពេលខ្លះយើងគួរតែស្ដីបន្ទោសដល់ប្រព័ន្ធអប់រំសាកលដែល សាលារៀនមិនអាចផ្ដល់ឲ្យនូវវិធីសាស្ត្រឈ្នះលុយច្រើនឬក្លាយជាសេដ្ឋីទ្រព្យសម្បត្តិវាល់លានដែលគ្រប់គ្នាចង់បាននោះទេ។
គួរឲ្យស្តាយយើងមិនដែលត្រូវបានបង្រៀនពីរបៀបធ្វើឲ្យមានទ្រព្យសម្បត្ដិនៅសាលារៀនដាច់ខាត។ យើងត្រូវតែដឹងថាការសិក្សាពិតប្រាកដចាប់ផ្ដើមនៅខាងក្រៅជញ្ជាំងនៃថ្នាក់រៀនឬសាកលវិទ្យាល័យ។ វាជាដំណើរការសិក្សាដែលមិនធ្លាប់មានយើងត្រូវតែបន្តការសិក្សាជារៀងរាល់ថ្ងៃ។ “ ពិភពពិត” គឺខុសគ្នាពីប្រព័ន្ធសាកលវិទ្យាល័យ។ មនុស្សជោគជ័យបន្តការរៀនសូត្រសូម្បីតែរាប់ទសវត្សបន្ទាប់ពីពួកគេបានចាកចេញពីសាលារៀន ប៉ុន្តែគួរឲ្យឈឺចាប់ណាស់ យុវជនជាច្រើនសព្វថ្ងៃនេះឈប់រៀនពីថ្ងៃដែលពួកគេបញ្ចប់ការសិក្សាតែម្តង ហើយស្ពាយបរិញ្ញាប័ត្រអួតអាងដែលនាំទៅរកភាពក្រីក្រ ការខកចិត្តនិងជីវិតដែល Depression ។
ចូរអានសៀវភៅល្អ ៗ ស្តាប់ដានកម្មវិធីតាមអ៊ិនធើណេត និងរៀនសូត្រពីមនុស្សពិតៗ យោងទៅតាមគោលដៅណាមួយដែលយើងចង់សម្រេចបាននៅក្នុងជីវិតដូចនរណាម្នាក់ធ្លាប់មានពីមុនមករៀនពីមនុស្សបែបនេះជាជាងទ្រឹស្ដី។ អភិវឌ្ឍខ្លួនមិនត្រឹមតែនៅក្នុងការសិក្សាប៉ុណ្ណោះទេ ប៉ុន្តែនៅក្នុងវិស័យផ្សេងៗទៀតនៃជីវិតរស់នៅ។
៣. យុវវ័យមានទំនោរបោះបង់ចោលហើយចុះចាញ់ងាយៗ
មនុស្សវ័យក្មេងភាគច្រើនបង្កើតទម្លាប់ឈប់ជក់បារីបានយ៉ាងងាយស្រួល តែមិនដឹងធ្វើម៉េចផ្តាច់វិញបានទេ។ គ្មាននរណាម្នាក់ក្លាយជាអ្នកមានទ្រព្យសម្បត្តិត្រឹមតែអត់ងងុយ ហើយតស៊ូពេញមួយយប់ក៏បានទៅហើយនោះទេប្អូន។ គ្រប់គ្នាបានដាក់ខ្លួនគេទៅក្នុងដំណើរជីវិតមួយដែលប្រើគំនិត ភ្នែក ត្រចៀក និងដៃមកសាងសង់កន្លែងទីតាំងមកបង្កើត យានសម្រាប់ធ្វើដំណើរទៅមុខដោយខ្លួនឯង ទាំងដោលផងចែវផង តាមកាលៈទេសៈដែលប្រឈមរបួសផងគ្រិចផង មុនពេលអាចក្លាយជានរណាម្នាក់។ គួរឱ្យស្តាយដែលយុវវ័យភាគច្រើនខកខានមិនបានមើលឃើញរូបភាពនេះ ហើយចង់ធ្វើពហិការបង្កើតរបៀបធ្វើដំណើររហ័ស ផ្លូវវាង ផ្លូវថ្មីដែលឃើញមានគេដើរច្រើន បង្កើតទ្រព្យសម្បត្តិនឹងអាលមានបានភ្លាមៗ ដែលបណ្តាលឱ្យមនុស្សជាច្រើន ធ្លាក់ចូលទៅក្នុងគន្លងបញ្ហាថ្មី ភាគច្រើនជារឿងអាក្រក់អាចបំផ្លាញជីវិត ឬអនាគតទាំងស្រុងបាន ខុសពីមនុស្សជំនាន់មុន។ ជាការងាយស្រួលណាស់ក្នុងការចាកចោលអ្វីមួយដែលពិបាកហើយយើងមិនជឿថាបានជោគជ័យ។
ការឈប់សម្រាក ដើរលេងសប្បាយ ហ៊ោកញ្ច្រៀវ ហាក់ដូចជាជម្រើសលឿនបំផុតនិងងាយស្រួលបំផុតដែរ តែប្រសិនទម្លាប់បោះបង់នៅពេលដែលអ្វីៗតឹងណែនមិនទម្លាប់ប្រើសិល្បៈសម្រុះសម្រួល រកឱកាសផ្លាស់ប្តូរ ឬប្រឹងឱ្យអស់ពីលទ្ធភាព ក៏កុំភ្ញាក់ផ្អើលនៅពេលដែលមិនដែលស្គាល់ពាក្យថា មានអារម្មណ៍ល្អ។ អារម្មណ៍ល្អគឺបានឆ្លងកាត់ការលំបាក ជោគជ័យ មិនមែនការបោះបង់កណ្តាលទីនោះទេ។
៤ យុវវ័យទទួលយកអ្វីទាំងអស់ដែលស្របគំនិតខ្លួន
យើងត្រូវតែទទួលស្គាល់ថា មិនមានច្បាប់តឹងរឹងពេកឬធូរស្រាលពេកសម្រាប់ជីវិតមនុស្សនោះទេ។ មនុស្សវ័យក្មេងងាយនឹងចាញ់បោក បានជាមនុស្សចាស់ចង់មានវិន័យច្រើនមកការពារពួកគេ។ ព្រោះយុវវ័យតែងយល់ថាងាយស្រួលជឿលើអ្វីដែលពួកគេត្រូវបានគេប្រាប់ដោយអ្នកដែលគេទុកចិត្ត ហើយមនុស្សវ័យក្មេងគឺងាយទុកចិត្តរូបភាពពណ៌សម្បុរល្អ។ ពួកគេជាវ័យដែលពោរពេញទៅដោយការគិត ប៉ុន្តែតែងគិតថាគេគិតបានប្រសើរជាងមនុស្សជំនាន់មុនដូច្នេះគេមិនសូវស្តាប់ពិសោធន៍ទេ គេចង់ធ្វើវា ម៉្លោះហើយ ពេលខ្លះគេសង្ឃឹមខ្ពស់ពេក ខុសពីការពិតពេកគេធ្លាក់ទឹកចិត្តមកវិញធ្ងន់។
៥ យុវវ័យចូលចិត្តគិតលើអ្វីដែលគ្មានការស្រាវជ្រាវ
មនុស្សវ័យក្មេងចូលចិត្តចាប់អារម្មណ៍ទៅក្នុងរឿងរ៉ាវខ្លះទាំងដែលពួកគេមិនមានតម្រុយអំពីវាសោះ ពីព្រោះពួកគេឃើញមិត្តភក្តិពូកែជាងឬអ្នកណាផ្សេងជោគជ័យមុន។ ពួកគេខកខានមិនបានវិនិយោគពេលវេលានិងស្វែងរកឱ្យបានយល់ពីអ្វីដែលពួកគេត្រៀមនឹងចូលទៅប្រលូកនោះនៅឡើយ ព្រោះនេះជាវ័យរំភើប អន្ទះសារដែលតែងតែចង់បានការបំពេញចិត្តភ្លាមៗ។មនុស្សវ័យក្មេងតែងតែនៅក្រោមសម្ពាធយ៉ាងខ្លាំងក្នុងការបង្កើតអាជីពជោគជ័យឱ្យបានឆាប់ រកលុយបានលឿននិងស្វែងរកដៃគូដ៏ល្អឥតខ្ចោះ ល្បីល្បាញលើសគេ ហើយមិនដឹងថារួចពីនោះជីវិតនឹងវិវត្តិទៅបែបណាឡើយ។
ចូរជៀសវាងការចោលជំនាញស្រវាល្បិច ព្រោះដែលមនុស្សគ្រប់រូបប្រាថ្នាចង់ទទួលជោគជ័យត្រូវតែធ្វើជាម្ចាស់លើអាជីពខ្លួនបានមិនមែនទៅរកខ្នងបង្អែកទាំងដែលខ្លួនមិនមានអ្វីសោះនោះទេ ។
៦ យុវវ័យគិតថាស្នេហាគ្រប់គ្រាន់ដើម្បីទ្រទ្រង់ទំនាក់ទំនងក្នុងជីវិត
ទំនាក់ទំនងយូរអង្វែងមិនត្រឹមតែទាក់ទងនឹងស្នេហាប៉ុណ្ណោះទេ។ ដៃគូរបស់យើងត្រូវចែករំលែកតម្លៃសំខាន់ៗនៃគោលបំណង គោលដៅ សេចក្តីសុបិន្តនិងសេចក្តីប្រាថ្នាផ្សេងទៀតនៃជីវិតយើងទាំងទ្វេបានទៀត។ សេចក្ដីស្រឡាញ់ពិតជាមានគ្រឿងផ្សំសំខាន់ក្នុងការបង្កើតទំនាក់ទំនងតែទោះយ៉ាងណាក៏ដោយមិនគ្រប់គ្រាន់ទេប្រសិនបើនៅជាមួយគ្នាខុសគ្នាពេក ម្នាក់ល្ងង់ម្នាក់ចេះ ម្នាក់យល់ម្នាក់មិនយល់ ជីវិតនឹងមិនរលូនបានព្រោះក្តីស្រលាញ់មួយមុខឡើយ ពេលជីវិតមិនរលូនស្នេហាក៏ពិបាករក្សាបានដែរ៕
ប្រែសម្រួល៖សុភា
ប្រភព medium
ចុចអាន៖តួអង្គភ័យរន្ធត់នៅក្នុងសៀវភៅប្រឌិត ដែលធ្លាប់មានពិតមែនលើផែនដីនេះ
អាជ្ញាធរក្រុងបាងកក ប្រកាសថា ខុនដូចំនួន៦គ្មានសុវត្ថិភាពទៀតឡើយបន្ទាប់ពីរញ្ជួយដី
សំណុំរឿងឃាតកម្ម សម្លាប់ក្មេងស្រីនៅស្រុកអង្គរជុំ នគរបាលខេត្តសៀមរាប បង្ក្រាបបានហើយ
ខេត្តកំពង់ចាមជាខេត្តដំបូងគេ បញ្ចប់ការងារវាស់វែងដីធ្លីជូនពលរដ្ឋ
បងប្រុស Sulli សុំ Kim Soo Hyun ពន្យល់ពីមូលហេតុ បង្ខំបងស្រីសម្ដែងក្នុងឈុតស្រាត
ប្រមុខ UN ច្រានចោលសំណើអភិបាលកិច្ច«បណ្តោះអាសន្ន» របស់ពូទីន នៅអ៊ុយក្រែន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៨ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?