KPT+

ជំនាញទំនាក់ទំនង៖ ចំណេះដែលយើងអាចរៀនពីមនុស្សអំនួត

បានផុស

៤ years មុន

នៅ

ថ្ងៃព្រហស្បតិ៍ ១២ វិច្ឆិកា ២០២០

ដោយ

មោទនភាពគឺជាចំណុចខ្សោយមួយក្នុងចំណោមចំណុចខ្សោយនានាដែល បណ្ដាលឲ្យមនុស្សយើងបរាជ័យ។ អំនួតតែងបិទបាំង គំនិតភ្លឺស្វាងរបស់យើង ក្នុងការរៀនសូត្របន្ថែម ការផ្លាស់ប្ដូរ ការបង្កើតវិន័យ(អាងថាជោគជ័យស្រាប់ហើយ)ធ្វើឲ្យយើងអាត្មានិយម មិនទទួលស្គាល់បញ្ហា ខូចគុណតម្លៃ និងតួនាទីរបស់យើងក្នុងនាមជាអ្នកដឹកនាំ។

ម្ចាស់អាជីវកម្មដែលទទួលបានជោគជ័យដំបូងៗរមែងតែងដាក់មោទនភាពទៅចោលមួយឡែកសិន ពុំនោះទេលទ្ធផលបន្ទាប់គឺបរាជ័យ។

ទោះយ៉ាងណាពិតជានៅសេសសល់មនុស្សប្រភេទអំនួតច្រើននៅឡើយ ក្នុងការទំនាក់ទំនងប្រចាំថ្ងៃ ។ គន្លឹះខាងក្រោមអាចជួយយើងដោះស្រាយជាមួយពួកគេកាន់តែប្រសើរ៖

១ រៀនប្រយ័ត្ន

ខណៈពេលដែលមនុស្សពូកែមានមោទនភាពបង្ហាញថា គេឲ្យតម្លៃខ្លួនឯងនិងសមិទ្ធផលរបស់គេដល់កំពូលជាងគុណសម្បត្តិអ្នកផ្សេង យើងអាចរៀនពីចំណុចនេះ ធ្វើការឆ្ពោះទៅរកអ្វីដែលមានតថភាពជាងពួកគេ។

ជំហានដំបូងដើម្បីពិនិត្យមើលថា តើមោទនភាពរបស់យើងហួសហេតុពេកដូចពួកគេទេ? ត្រូវយកចិត្តទុកដាក់ចំពោះលទ្ធផលល្អៗ តែមិនខ្លាំងហួសពេកចំពោះខ្លួនឯងទើបយើងអាចស្ដាប់គំនិតរបស់អ្នកដទៃនឹងអាចប្រើការគ្រប់គ្រងបានល្អក្នុងគ្រប់អាជីព។

២ កុំយកគំនិតខ្លួនឯងពេក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចិត្តវិទ្យាថ្ងៃនេះពន្យល់ថា មោទនភាពកើតចេញពីការភ័យខ្លាចគេមិនទទួលស្គាល់ ខ្លាចគេមិនដឹង និងការខ្មាសអៀនមិនហ៊ានសារភាពថា ខ្លួនកំពុងតែមិនមានគំនិតថ្មីលើសពីលទ្ធផលចាស់ៗ។ គំនិតអំនួតនៅពេលចូលក្នុងខួរក្បាលមនុស្សយើង ការងារសំខាន់គឺនឹងរារាំងដល់ការលូតលាស់នៃការច្នៃប្រឌិតថ្មីៗ។

ខណៈពេលដែលទំនុកចិត្ត ការប្តេជ្ញាចិត្តនិងការគោរពគេឯង គឺជាគុណសម្បត្តិដឹកនាំដ៏សំខាន់មនុស្សនឹងមិនទទួលបានការកោតសរសើរពីអ្នកដទៃទេ ទោះគេពូកែយ៉ាងណាក្តី បើគេមានមោទនភាពខ្លាំងពេក។

៣ រៀនបើកចិត្តឲ្យទូលាយ

ទម្រង់នៃការគោរពដ៏ល្អបំផុត គឺការព្រមអត់ធ្មត់ស្ដាប់ នូវអ្វីដែលអ្នកផ្សេងទៀតកំពុងនិយាយ ។ ការស្ដាប់គឺជាការប្រឆាំងពេញទីនឹងមោទនភាព ពីព្រោះនៅពេលដែលយើងព្រមផ្ដល់ឲ្យអ្នកផ្សេងនូវឱកាស ដើម្បីបង្ហាញពីគំនិតរបស់ពួកគេ បង្ហាញពិតថាយើងកំពុងដាក់មោទនភាពចោលទៅមួយឡែកហើយ ផ្ដោតការយកចិត្តទុកដាក់លើគំនិតអ្នកផ្សេងទោះគេមិនទាន់ជោគជ័យដូចយើងក្ដី។

នៅពេលណាដែលមានអារម្មណ៍ថាខ្លួនឯងរឹងរូស ចចេស ឬការពារខ្លួន (វាជាសញ្ញាអំនួតឬមោទនភាព) សូមសួរខ្លួនឯងនូវសំណួរមួយនេះថា តើបែបនេះ នឹងជួយខ្ញុំឲ្យធ្វើបានល្អជាងមុន ដែរឬទេ?” ប្រសិនបើមិនមែន មោទនភាពបានតែនាំមុខក្នុងការឈ្លោះប្រកែកគ្នាហើយបញ្ចប់ដោយទំនាក់ទំនងសង្គមដ៏អន់ថយមួយ។

ប្រែសម្រួល៖ ហាណា

ចុចអាន៖ពីដៃគូពាណិជ្ជកម្មមកជាសត្រូវធំ រឿងពិតនៃបងប្អូនបង្កើតពីរនាក់ដែលសាង Adidas និង Puma

ចុចអាន៖តិចនិកចងចាំឈ្មោះអ្នកទើបបានជួបគ្នាថ្មីៗ

Related Topics:ចំណេះដឹងថ្មី