KPT+
“ការស្រឡាញ់ភេទដូចគ្នា” មិនមែនជាជំងឺដែលត្រូវព្យាបាលឬជាបញ្ហាដែលត្រូវរិះគន់ឡើយ
“ការស្រឡាញ់ភេទដូចគ្នា” មិនមែនជាជំងឺដែលត្រូវព្យាបាលឬជាបញ្ហាដែលត្រូវរិះគន់ឡើយ ព្រោះវាពាក់ព័ន្ធនឹងមនោសញ្ចេតនាបេះដូង ឬ ជាអារម្មណ៍ស្នេហា មិនទាក់ទងនឹងវេជ្ជសាស្ត្រនោះទេ។ នេះបើតាមការលើកឡើងរបស់អ្នកនិពន្ធ ម៉ីសន សុធារី នៅក្នុងការ Live ផ្ទាល់ជាមួយហ្វេនកាលពីយប់មិញ។

ម្ចាស់ស្នាដៃសៀវភៅ ពេលវេលា រូបនេះ បានឆ្លើយនឹងសំណួរទៅនឹងអ្នកគាំទ្រដែលសួរថា តើអ្នកស្រឡាញ់ភេទដូចគ្នា អាចព្យាបាលដែរទេ? ដោយអ្នកស្រីមានប្រសាសន៍ថា ទាំងការស្រឡាញ់ភេទដូចគ្នា ឬភេទផ្ទុយគ្នា ឬមានទំនោរស្នេហាជាមួយអ្នកវ័យខុសគ្នាឆ្ងាយក៏ដោយ សុទ្ធតែមិនពាក់ព័ន្ធនឹងជំងឺឡើយ។ ការស្រឡាញ់ ពាក់ព័ន្ធតែនឹងរឿងមនោសញ្ចេតនាប៉ុណ្ណោះ ដូច្នេះទោះបីពួកគេស្រឡាញ់ភេទអ្វី អាយុប៉ុនណា ឥតត្រូវការការព្យាបាលផ្នែកវេជ្ជសាស្ត្រទេ។
អ្នកស្រី ក៏បានបន្ថែមថា តាមពិតមនុស្សស្រឡាញ់ភេទដូចគ្នា ក៏មិនគួរណាត្រូវរងការរិះគន់បំបាក់ទឹកចិត្តនោះដែរ។ ពួកគេគួរតែបានការគាំទ្រពីគ្រួសារឱ្យបានច្រើន ព្រោះពួកគេត្រូវសង្គមមិនសូវផ្ដល់តម្លៃស្រាប់ហើយ ជាពិសេសជំទង់ៗ ពួកគេត្រួវការឪពុកម្ដាយខ្លាំងណាស់ រាល់ពេលពេលពួកគេជួបបញ្ហា។ ប្រសិនបើអាណាព្យាបាលមិនអើពើទៀត មុខតែក្មេងទាំងប្រឈមនឹងជំងឺបាក់ទឹកចិត្តមិនខាន។ រីឯទំនោរផ្លូវភេទ និងអត្តសញ្ញាណយេនឌ័រ ឱ្យតែពួកគេមានភាពស្មោះត្រង់ក្នុងទំនាក់ទំនង វាជារឿងស្នេហាធម្មតា មិនថាភេទណា គួរតែមិនខុសឆ្គងទេ។

ស្ថាបនិកគេហទំព័រអានប្រលោមលោក Meysansotheary.com បញ្ជាក់ទៀតថា ប្រសិនបើមាននរណាម្នាក់ ចូលមកនៅក្នុងជីវិតរបស់យើង ព្រោះតែឃើញយើងល្អ យើងពូកែ យើងស្អាត នោះជាមនោសញ្ចេតនាធម្មតាប៉ុណ្ណោះ ។ ដែលអាចហៅបានថា «ស្រឡាញ់គ្នា» គឺស្រឡាញ់ទាំងចំណុចមិនល្អរបស់យើងទៀត។ ហេតុនេះ សូមនឹងពិចារណាអំពីតម្លៃនៃការពិតរបស់បេះដូងយើងជាអទិភាព ចំណែកការទទួលស្គាល់ឬមិនយល់ព្រមពីអ្នកដទៃ ជារឿងបន្ទាប់បន្សំ។
មួយវិញទៀត ធ្វើឱ្យមនុស្សដែលយើងស្រឡាញ់រងការលំបាក ឬធ្វើឱ្យគេបានក្ដីសុខ! នោះទើបជាបញ្ហាចម្បង! ប្រសិនយើងមិនបានបង្កបញ្ហាដល់សង្គមទេ យើងជាមនុស្សមានសិទ្ធិស្រលាញ់ដូចគេឯង។
ទាំងនេះ ជាការបកស្រាយនូវទស្សនរបស់អ្នកនិពន្ធល្បីឈ្មោះរូបនេះ នៅក្នុងការ Live និយាយពីប្រលោមលោកប្រភេទ BL ដំបូងរបស់ខ្លួនដែលត្រៀមចេញផ្សាយនាពេលខាងមុខគឺរឿង “ថ្ងៃណាមួយ”៕

អត្ថបទ៖ សន្យា
ចុចអាន៖ អ្នកនិពន្ធឆ្លើយតបរឿងដែលថា អ្នកស្រុកខ្មែរចូលចិត្តរិះគន់ (មានវីដេអូ)
ចុចអាន៖ បាត់អផ្សុកហើយ! រឿងស៊ើបអង្កេត៤ខ្សែពី “សុភាប្រុស” អានហ្វ្រីលើវេបសាយអ្នកនិពន្ធ ម៉ីសន សុធារី

-
សន្តិសុខសង្គម២ ថ្ងៃ ago
ម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៤ ថ្ងៃ ago
មេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ២ ថ្ងៃ ago
សម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
សន្តិសុខសង្គម៣ ថ្ងៃ ago
ភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
សន្តិសុខសង្គម១៩ ម៉ោង ago
Breaking News៖ អគ្គិភ័យកំពុងឆេះឃ្លាំងស្តុកអេតចាយ(មានវីដេអូ)
-
ព័ត៌មានជាតិ២ ថ្ងៃ ago
អាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
-
សន្តិសុខសង្គម១ ថ្ងៃ ago
នគរបាលរាជធានី ចាប់ខ្លួនបុរសម្នាក់ដែលប្រៀបធៀបការចាប់ខ្លួនប្រធានាធិបតីហ្វីលីពីនជាមួយសម្ដេចតេជោ ហ៊ុន សែន