KPT+

ចង់បានទំនាក់ទំនងល្អ ចៀសបានកុំនិយាយរឿងនេះ ទៅកាន់បុរសជាដៃគូ

បានផុស

៣ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

ពាក្យសម្ដីអាចបំផ្លាញទំនាក់ទំនងណាមួយ ក្នុងរយៈពេលតែប៉ុន្មាននាទីប៉ុណ្ណោះ។ បុរសខ្លះមានចរិតដូចជាកូនក្មេង វាពិបាកក្នុងការកសាងទំនាក់ទំនងជាមួយគេឡើងវិញណាស់។

ប៉ុន្តែបើអ្នកបានស្រលាញ់បុរសបែបនេះទៅហើយ គួរតែចៀសវាង និយាយរឿងខ្លះៗ ខាងក្រោមនេះ ទៅកាន់បុរសជាដៃគូ ៖

១. ជាកូនប្រុសរបស់សំណព្វចិត្តម៉ាក់

ស្រលាញ់មនុស្សប្រុសដែលចូលចិត្តរំអួយ នៅនែបនិត្យជាមួយម៉ាក់ គឺពិបាកណាស់ ហើយអ្នកមិនគួរនិយាយទៅកាន់គេថា ជាក្មេងប្រុសសំណព្វចិត្តម៉ាក់ឡើយ។ ទទួលយកការពិតនេះ ហើយកុំព្យាយាមផ្លាស់ប្ដូរគាត់។ ទោះយ៉ាងណា តើអ្នកត្រៀមខ្លួនសម្រាប់ទទួលយកគេហើយឬនៅ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. បង្ខំគេឲ្យនិយាយបន្ថែមពីអតីតកាលពីមុន

កុំបង្ខំមិត្តប្រុសឲ្យនិយាយពីទំនាក់ទំនងពីអតីតកាល ព្រោះវាជាការចង់ដឹងព័ត៌មានលំអិតបន្ថែមពីអតីតរបស់គេ។ រឿងអតិតអ្នកណាក៏មាន តែបើយើងចង់ដឹងជ្រុលពេកក៏មិនល្អដែរ ជាពិសេសទើបស្រលាញ់គ្នាថ្មីៗសោះ ដឹងរឿងខាងប្រុសអស់រលីញ។ ជៀសវាងនិយាយរឿងទាំងនេះ ជាពិសេសព័ត៌មានលម្អិតពីមនុស្សគេធ្លាប់ជិតស្និទ្ធ។

អ្នកមិនអាចយកឈ្នះបេះដូងរបស់គាត់ជាមួយសំណួរនេះឡើយ វាកាន់តែធ្វើឲ្យទំនាក់ទំនងរបស់អ្នកយ៉ាប់ជាងមុនទៅទៀត។ ភាពស្មោះត្រង់ ស្នាមញ្ឹមឥតកន្លែងបន្លំ ការស្រលាញ់ផ្ដល់ដោយឲ្យមិនមែនចង់ឈ្មះ នោះគឺក្ដីស្រលាញ់ដែលបុរសងាយចុះចាញ់។

៣. សួរសំណួរប្រៀបធៀប

ការដែលអ្នកសួរសំណួរឲ្យដៃគូវិនិច្ឆ័យទៅកាន់នារីណាម្នាក់ វាគឺជាការបំផ្លាញទំនាក់ទំនងជាច្រើន។ ខណៈពេលដែលមើលទៅហាក់ដូចជាសាមញ្ញ តែវាបានបង្កប់ទៅភាពច្រណែនក្នុងចិត្ត។ សំណួរទាំងនោះមាន “តើនាងស្អាតជាងខ្ញុំទេ?” ឬ “តើចង់ណាត់ជួបនាងទេ” ?

និយាយទៅគ្រប់មនុស្សស្រី គ្រាន់តែចង់ដឹងពីគំនិតរបស់ដៃគូ។ ប៉ុន្តែបើគាត់និយាយថា “ មែន” វានឹងដល់ទីបញ្ចប់។ បើគាត់និយាយថា “ ទេ” អ្នកនឹងគិតថាគាត់កំពុងព្យាយាមលាក់ការពិតពីអ្នក ហើយវាក៏ជាចុងបញ្ចប់នៃទំនាក់ទំនងដូចគ្នា។

៤. តើខ្ញុំគួរឲ្យស្រឡាញ់អត់?

គ្រប់ស្ត្រីតែងចង់បង្កើនទំនុកចិត្តនិងចង់ឲ្យខ្លួនឯងមានអារម្មណ៍ល្អ ក៏ងាកទៅសួរបុរសពីរូបរាងរបស់ពួកគេថា “ខ្ញុំស្អាតទេ? ឬ រូបរាងខ្ញុំយ៉ាងម៉េចដែរ” ? ជាច្រើនដងសាំញាំ។

ប្រសិនបើគាត់ពិតជាស្រឡាញ់អ្នក គាត់នឹងប្រាប់អ្នកពីរឿងទាំងអស់នោះ ដោយគ្មានសំណួររបស់អ្នកមកសួរ។

៥. ស្លៀកពាក់មិនសមរម្យ

បើអ្នកមិនចូលចិត្តរបៀបដែលបុរសជាដៃគូស្លៀកពាក់ កុំប្រាប់គាត់ពីវា។ អ្នកអាចដកសំលៀកបំពាក់ចាស់ៗគាត់ចេញ ហើយទិញរបស់ថ្មី ប្រសិនបើអ្នកទាំងពីររស់នៅជាមួយគ្នា។

បើមិនដូច្នោះទេ សូមព្យាយាមដើរផ្សារជាមួយគ្នារាល់ពេល ដែលគាត់ចង់ទិញសំលៀកបំពាក់។ ប៉ុន្តែបើអ្នកប្រាប់គាត់ថា គាត់មានរសនិយមម៉ូដមិនទាន់ទាន់សម័យ វាគឺគួរឲ្យខ្លាច ដែលអាចបំផ្លាញទំនាក់ទំនងរបស់អ្នកមិនខាន។ នេះក៏បង្ហាញថា អ្នកស្រលាញ់មនុស្សប្រុស លើការស្លៀកពាក់ហៃសូតែប៉ុណ្ណោះ។

៦. កុំនិយាយថាគេគ្មានថ្ងៃទទួលជោគជ័យ

កុំនិយាយថា “អ្នកជាបុរស អ្នកគួរតែក្លាហានមានទំនុកចិត្ត និងទទួលបានជោគជ័យ។ ឬ ” អ្នកគ្មានថ្ងៃដែលជោគជ័យទេ ព្រោះអ្នកកើតមកមិនមានសំណាង ” ។

ពាក្យជាន់ពន្លិចនេះ វាមិនត្រឹមតែធ្វើឲ្យខូចទំនាក់ទំនងប៉ុណ្ណោះទេ ប៉ុន្តែក៏ធ្វើឲ្យគាត់ជឿជាក់ថា គាត់ពិតជាគ្មានសំណាងពិតមែន។ គាំទ្រ លើកទឹកចិត្ត បំផុសគំនិត និងជួយគាត់ ប៉ុន្តែកុំបន្ទោសបន្ថែម។

៧. តើពេលណាទើបចាប់ផ្ដើមរកប្រាក់បានច្រើនជាងនេះ?

នេះគឺជាសំណួរដែលអ្នកគួរសួរខ្លួនឯងសិន។ ប្រសិនបើដៃគូឬប្ដីរបស់អ្នកមានប្រាក់ឈ្នួលទាប វាមិនមានន័យថា អ្នកមិនអាចស្រឡាញ់គាត់បានទេ។ យើងអាចបង្កើនប្រាក់ចំណូលរួមគ្នាបាន។ ការដែលយើងឈ្លោះគ្នារឿងប្រាក់ វានឹងនាំអ្នកទាំងពីរទៅកន្លែងមួយដែលគ្មានគ្នា។

ការកសាងទំនាក់ទំនងរឹងមាំ គឺមិនងាយស្រួលទេ។ វាសំខាន់ណាស់ ក្នុងការស្វែងយល់ពីដៃគូ គាំទ្រគាត់ ស្រឡាញ់គាត់ និងជួយគាត់ឲ្យមានសុភមង្គល។ស្នេហាមានទៅមានមកអត់មានអ្នកណាធ្វើតែម្ខាងបានឡើយកុំចង់កេងចំណេញអាងតែគេជាប្រុសខ្លួនជាស្រី។ បើស្រលាញ់គ្នាខំជាមួយគ្នា កុំរំពឹងតែខាងប្រុសរហូតភ្លេចខ្លួនខ្លួន តាំងគេទៅចោលយំរហេមរហាមបន្ទោសគេហើយ៕

ប្រែសម្រួល៖ សាង ស្រីល័ក្ខ

ចុចអាន៖អ្វីដែលនារីៗចង់បានពីបុរសជាដៃគូ មិនមែនស្នេហាមួយមុខតែជាមនុស្សម្នាក់…

ចុចអាន៖តើមានន័យយ៉ាងណានៅពេលខាងបុរសចាប់ផ្ដើមព្រងើយកន្តើយនឹងស្នេហា?