ដឹងទេ! អ្នកកើតខែតុលាមានបុគ្គលិកលក្ខណៈបែបណា?

មនុស្សកើតខែតុលាមានធាតុខ្យល់ តំណាងដោយជញ្ជីង ដែលមានន័យថា តុល្យភាព និងសេចក្តីចុះសម្រុងគ្នា។ ពួកគេចូលចិត្តដោះស្រាយបញ្ហាដើម្បីស្វែងរកចំណុចប្រសព្វមួយ និងបង្កើតលំនឹងចំពោះគ្រប់ផ្នែកនៃជីវិត។

ជាមនុស្សមានទំនាក់ទំនងល្អជាមួយអ្នកដទៃ មិនលម្អៀង និងចុះសម្រុងជាមួយគេច្រើន នេះជាភាពខ្លាំងរបស់គេហើយ។ ចូលចិត្តស្វែងរកសេចក្តីសុខ សន្តិភាព ពូកែរាប់អាន និយាយសន្ទនា ដែលនេះជាលក្ខណៈពិសេសរបស់ខែតុលា។ មិនចូលចិត្តកុហក និង​អត់​ចេះ​ច្រណែន​គេ​ឯង​ផ្ដេសផ្ដាស​ឡើយ ។

រឿងដែលមនុស្សជំពូកនេះមិនអាចនៅស្ងៀមបានគឺ រឿងអយុត្តិធម៌។ នៅពេលដែលមានរឿងអយុត្តិធម៌គេតែងតែចូលខ្លួនទៅជួយតវ៉ាទាមទាររកភាពយុត្តិធម៌ឲ្យបុគ្គលនោះវិញ ហើយគេរមែងជឿជាក់នូវអ្វីដែលគេធ្វើ គឺត្រឹមត្រូវ ។

ជាមនុស្សចូលចិត្ក្តធ្វើការ មានទំនួលខុសត្រូវ តែងតែកំណត់គោលដៅរបស់ខ្លួន ហើយព្យាយាមសម្រេចគោលដៅ។ តែពេលខឹងម្ដងៗ គួរឱ្យខ្លាចណាស់ ពោលគឺស្ងប់ដូចសមុទ្រគ្មានខ្យល់ បើហ៊ានតែជះដាក់យើង យើងមុខតែឈ្លក់យ៉ាងវេទនា។

ទោះយ៉ាងនោះក្ដី បើរឿងស្នេហាវិញ គេជាមនុស្សរ៉ូមែនទិក ងាយលង់ស្រឡាញ់ យកចិត្តទុកដាក់ជាមួយគូស្នេហ៍ មិនចេះគុំបានយូរ ឈ្លោះគ្នាតែមួយភ្លែតត្រូវគ្នាវិញបាត់ និយាយរួមទៅគេមានមនោសញ្ចេតនាជ្រាលជ្រៅណាស់ និងមិនងាយបំភ្លេចនោះទេ។ គេក៏​ជា​មនុស្ស​ស្មោះជាមួយស្នេហ៍ លើក​តែ​មាន​មនុស្ស​ធ្វើ​បាបចិត្ត គេ​នឹង​ក្លាយ​ជា​មនុស្ស​សោះកក្រោះហៅ​លែង​ឮ។ មួយទៀត អាចជាប្រភេទមនុស្សដែលមានការប្រចណ្ឌច្រើនផងដែរ។

ផ្ទុយនឹងភាពវិជ្ជមាន អ្នកកើតខែតុលា និយមតាមចិត្តអ្នកដទៃ ហើយខ្លាចគេអន់ចិត្ត និងខ្លាចគេមិនសុខសប្បាយ។ ចុងក្រោយខ្លួនឯងរែកពន់ទុក្ខតែឯង ព្រោះផ្គាប់ចិត្តគេយ៉ាងណាក៏ផ្គាប់មិនចេះត្រូវ។ ហើយអ្វីដែលជាគុណវិបត្តិធំបំផុតនោះគឺ តែងតែស្ទាក់ស្ទើរ ងាយនឹងប្រើគំនិតខ្លួនឯងផ្តោតទៅលើអ្នកដទៃ នេះហើយគឺជាចំណុចគួរឲ្យប្រុងប្រយ័ត្ន៕

ប្រែសម្រួល៖ សន្យា

ប្រភព៖ Bestie

ចុចអាន៖ ចរិតលក្ខណៈវិជ្ជមាននិងអវិជ្ជមាននៃមនុស្សកើតខែកញ្ញា

ចុចអាន៖ មកដឹងចំណុចខ្លាំងនិងខ្សោយរបស់មនុស្សកើតខែមិថុនា