តើ​អ្វី​ទៅ​ជា​បទដ្ឋាន​ស្ដង់ដារ (STANDARDS)​ ?

ស្តង់ដារ (Standards) គឺជា​បោះពុម្ព​ផ្សាយ​សំណុំ​ឯកសារ​តាម​នីតិវិធី​ជាក់លាក់​មួយ​ដើម្បី​ធានា​នូវ​ភាព​ជឿជាក់​លើ​សម្ភារៈ ផលិតផល វិធីសាស្ត្រ ឬ​សេវាកម្ម​ដែល​មនុស្ស​ប្រើ​ជា​រៀងរាល់ថ្ងៃ។ វា​ធានា​លើ​មុខងារ​ផលិតផល​ឬ​ទំនិញ ដោយ​សម្រួល​អន្តរ​ប្រតិបត្តិការ និង​គាំទ្រ​ដល់​សុវត្ថិភាព​អ្នក​ប្រើប្រាស់​និង​សុខភាព​សាធារណៈ​ផងដែរ។

ហេតុអ្វីស្តង់ដារសំខាន់?

ស្តង់ដារបង្កើតគ្រឹះមូលដ្ឋានសម្រាប់ការអភិវឌ្ឍផលិតផល ដែលត្រូវបានយល់ព្រមនិងអនុម័តជាសកល។ វាជួយ​ឲ្យមានភាពស៊ីគ្នារវាងប្រតិបត្តិការជាអន្តរជាតិ និងជួយសម្រួលដល់ការអភិវឌ្ឍផលិតផលដោយបង្កើនពេលឲ្យទៅដល់ទីផ្សារកាន់តែលឿន។

ស្តង់ដារក៏ធ្វើ​ឲ្យវាកាន់តែងាយស្រួលក្នុងការប្រៀបធៀបផលិតផលប្រកួតប្រជែង។ ម្យ៉ាងទៀត ដោយសារស្តង់ដារត្រូវបានអនុម័តជាសកលនិងត្រូវបានអនុវត្តនៅលើទីផ្សារជាច្រើន វាក៏ជំរុញដល់ពាណិជ្ជកម្មអន្តរជាតិផងដែរ។

តាមរយៈការប្រើប្រាស់ស្តង់ដារ អន្តរទំនាក់ទំនងនិងអន្តរប្រតិបត្តិការត្រូវបានធានាជាសកល។ មានតែតាមរយៈការអនុវត្តស្តង់ដារប៉ុណ្ណោះទើបផលិតផលថ្មីអាចទទួលបានភាពជឿជាក់លើទីផ្សារ។

នរណាជាអ្នកកំណត់ស្ដង់ដារ?

វិទ្យាស្ថានស្តង់ដារវិស្វករអេឡិចត្រូនិក ឬ IEEE SA ជាស្ថាប័នកំណត់ស្ដង់ដារ។

IEEE SA ជួយសម្រួលដល់ការអភិវឌ្ឍស្តង់ដារ និងកិច្ចសហការដែលទាក់ទងនឹងបទដ្ឋាន។ រីឯសមាជិក IEEE SA ជាកម្លាំងជំរុញនៅពីក្រោយការអភិវឌ្ឍស្តង់ដារ ដោយផ្តល់នូវអ្នកជំនាញបច្ចេកទេសដើម្បីវាយតម្លៃផលិតផលបុគ្គលឬស្ថាប័ន៕

ប្រែសម្រួល៖ សន្យា

ប្រភព៖ beyondstandards

ចុចអាន៖កុំ​ធ្វើ​បី​យ៉ាង​នេះ​លើ​ហ្វេសប៊ុក ប្រសិន​មិន​ចង់​មាន​វិប្បដិសារី​ទៅ​ថ្ងៃ​ក្រោយ