KPT+

អនុវត្តវិធី ៦ យ៉ាងនេះ ដើម្បីបន្ធូរអារម្មណ៍តានតឹង ទោះមានពេលតែ ១០ នាទីក៏ដោយ

បានផុស

៤ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

មានពេលតែ១០នាទី តើសម្រាកកើតដែរ?

ជីវិតយើងគ្រប់គ្នាគឺរវល់ ហើយពោរពេញទៅដោយព្រឹត្តិការណ៍ ស្ថានភាព និងភារកិច្ចដែលបន្ថែម ហើយបង្កើតបរិយាកាសរស់នៅដែលមានភាពតានតឹង ដែលមិនអាចនឹកស្មានដល់។

នេះជាវិធីសាស្ត្រទាំង ៦ នៃការសម្រាកលំហែ ហើយធ្វើឲ្យយើងមានអារម្មណ៍ស្រស់ស្រាយ និងមិនងាយនឹងស្ត្រេស។

១. ស្ដាប់ចម្រៀងសម្រាកពីរបីនាទី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការសិក្សាចិត្តសាស្ត្របានបញ្ជាក់ថា ការស្ដាប់តន្ត្រីបន្ថយសម្ពាធឈាមរបស់យើង និងជាមធ្យោបាយដែលអាចទុកចិត្តបាន ដើម្បីបន្ថយស្ត្រេស។

២. ដើរចេញទៅក្រៅ

ការសិក្សារបស់APA (សមាគមចិត្តសាស្ត្រអាមេរិក) បានបង្ហាញជាច្រើនដងថា មានតែ ១០ នាទីនៃការហាត់ប្រាណក្នុងមួយថ្ងៃ អាចជួយបង្កើនសុភមង្គលជួយក្នុងការព្យាបាលអារម្មណ៍ស្រងាកចិត្ត និងធ្វើឲ្យអារម្មណ៍ទាំងមូលមានភាពប្រសើរឡើង។

ការចេញទៅខាងក្រៅប្រហែលជាវិធីល្អបំផុត ដូចនេះសូមដើរចុះតាមចិញ្ចើមផ្លូវ ហើយដកដង្ហើមស្រូបយកខ្យល់ស្រស់ៗ។ រាងកាយចិត្តនិងអារម្មណ៍របស់យើង នឹងអរគុណយើងមិនខាន។

៣. ប្រើវិធីព្យាបាល

ពេលខ្លះនៅពេលដែលយើងមានភាពតានតឹងខ្លាំង (ឬជារឿងដ៏គួរឲ្យភ័យខ្លាច) អ្វីដែលល្អបំផុតដែលត្រូវធ្វើគឺចាប់យកអ្វីដែលយើងចូលចិត្ត នោះនឹងមានអារម្មណ៍ល្អប្រសើរ បន្ទាប់ពីបានធ្វើអ្វីមួយដែលយើងស្រលាញ់។

៤. ទូរស័ព្ទទៅមិត្តភ័ក្ដិឬសមាជិកគ្រួសារដើម្បីជជែកកម្សាន្ត

ការលឺសំឡេងរបស់នរណាម្នាក់ដែលយើងចិត្តទុកដាក់ ធ្វើឲ្យតំបន់ខួរក្បាលរបស់យើងសកម្មភ្លាមៗ ដែលបង្កើតអារម្មណ៍នៃសុភមង្គល ។

៥. សរសេររឿង

ការសរសេររឿងរ៉ាវអាចជួយបន្ថយភាពតានតឹង ប៉ុន្តែវិធីសាស្ត្រមួយដែលល្អបំផុតដើម្បីមានអារម្មណ៍ធូរស្បើយ គឺការសរសេរអំពីអ្វីដែលយើងមានអំណរគុណ។ នេះអាចជាអ្វីទាំងអស់ ពីការសរសេរនូវអ្វីដែលល្អ ៗ ដែលបានកើតឡើងនៅក្នុង “ ថ្ងៃដ៏គួរឲ្យខ្លាច” ឬកត់បញ្ជីនៃអ្វីដែលយើងចូលចិត្តអំពីពេលវេលាបុណ្យណាមួយ។

៦. ដុតបំភ្លឺទៀន

សម្រាប់មនុស្សជាច្រើន ទៀនតំណាងឲ្យអារម្មណ៍ស្ងប់ស្ងាត់និងសម្រាក។ ការរើសយកក្លិនក្រអូបដែលយើងចូលចិត្ត (ស្ងប់ស្ងាត់) ក្លិនក្រអូបភ្លាមៗអាចធ្វើឲ្យសរសៃប្រសាទរបស់យើងស្ងប់។

ក្នុងពេលសម្រាកក្នុងរយៈពេល ១០ នាទី សូមទទួលការព្យាបាលដោយក្លិនក្រអូបនោះ ដកដង្ហើមវែងៗនិងបន្ធូរអារម្មណ៍។

សូមចងចាំផងថា ភាពតានតឹងនៅចុងបញ្ចប់នៃថ្ងៃ មិនមែនជាផ្នែកធំបំផុតនៃជីវិតរបស់យើងទេ។ អ្វីៗនឹងប្រសើរឡើងជានិច្ច៕

ប្រែសម្រួល៖ សាង ស្រីល័ក្ខ

ប្រភព៖careergirldaily

ចុចអាន៖ទៀនក្រអូបជួយបន្ធូរបន្ថយអារម្មណ៍តានតឹង និងភាពនឿយហត់

ចុចអាន៖មូលហេតុដែលការរិះគន់តែង បណ្តាលឲ្យប៉ះពាល់ដល់ផ្លូវចិត្តធ្ងន់ធ្ងរ