KPT+
“ទោះស្នេហ៍ឆ្ងាយហួសជើងមេឃ” ប្រលោមលោកពេញនិយមខ្លាំងក្នុងចំណោមយុវវ័យ
ប្រលោមលោកមនោសញ្ចេតនារឿង “ទោះស្នេហ៍ឆ្ងាយហួសជើងមេឃ” ដែលជាស្នាដៃរបស់អ្នកនិពន្ធ ម៉ីសន សុធារី បានចេញផ្សាយតាំងខែកុម្ភៈ ឆ្នាំ២០២០ មកម្ល៉េះ ប៉ុន្តែមកទល់ពេលនេះ វានៅតែជាសៀវភៅមួយក្បាលមានការពេញនិយម និងលើកសរសើរមិនដាច់ពីមាត់ក្នុងចំណោមយុវវ័យដែលស្រឡាញ់ការអាន។

យុវជន ទី អ៊ូប៉ ជានិស្សិតសាកលវិទ្យាល័យភូមិន្ទភ្នំពេញ ក៏ជាសមាជិកនៃក្លិប MST រស់នៅខេត្តត្បូងឃ្មុំ លើកឡើងថា រឿង “ទោះស្នេហ៍ឆ្ងាយហួសជើងមេឃ” ជាសៀវភៅដែលរចនាក្របស្អាត មានភាពទាក់ទាញ ជំរុញអារម្មណ៍ឱ្យចង់ចាប់កាន់មកអានតាំងពីឃើញដំបូង។

រីឯ កញ្ញា មិត្ត រស្មី អ្នកនិពន្ធជំនាន់ថ្មីមួយរូប និងជាសមាជិកទសប៉ាកកា និយាយថា រឿងនេះផ្ដើមដំបូងបានល្អ ដោយបានបង្កើតចម្ងល់ឲ្យអ្នកអានចង់តាមដានសាច់រឿងបន្ត។ កញ្ញាបន្ថែមថា ខ្លួនស្គាល់ទឹកដៃរបស់អ្នកនិពន្ធ ម៉ីសន សុធារី ពីមួយរឿងទៅមួយរឿងមិនដែលធ្វើឱ្យអ្នកអានខកចិត្តឡើយ ពេលចាប់ផ្ដើមអានហើយ មិនចង់ដាក់សៀវភៅចុះពីដៃទេ។

ដោយឡែក លោក ថាវ ស៊ូម៉េង គ្រូបឋមសិក្សានៅខេត្តកំពង់ឆ្នាំង បានបញ្ចេញចំណាប់សរសើរដែរថា សាច់រឿងនេះពិតជាកម្សត់ អានហេីយចូលតួណាស់ ទឹកភ្នែកហូររហាមតែម្ដង។ ចំណែកខ្លឹមសាររឿងក៏រឹតតែពេញចិត្តខ្លាំង ជាពិសេសគឺចរិតតួឯកស្រី (សន្យា) ដែលលះបង់គ្រប់យ៉ាងដេីម្បីមនុស្សដែលខ្លួនស្រឡាញ់។ នាងជានារីមានភក្ដីភាពគួរឱ្យកោតសរសេីរ ចំណែកតួឯកប្រុសក៏ជាមនុស្សមានទំនួលខុសត្រូវខ្ពស់ និងស្មោះស្នេហ៍ខ្លាំងដូចគ្នា។

ចំពោះ កញ្ញា ជឿង ស្រីនិច បុគ្គលិកក្រុមហ៊ុនឯកជនមួយ ព្រមទាំងជាសមាជិកក្លិប MST ម្នាក់ដែរ មានទស្សនថា តួអង្គស្រីជាចំណុចទាក់ទាញសម្រាប់ខ្លួនជាងគេ ព្រោះនាងជាមនុស្សស្រីដែលបានចំណាយពេលរង់ចាំតួអង្គប្រុស រហូតដល់ ៦ ឆ្នាំ ដើម្បីបញ្ជាក់ការគោរពពាក្យសន្យា និងភាពស្មោះត្រង់របស់នាង។

អ្នកនាង គឹមហ៊ាង បុគ្គលិកក្រុមហ៊ុនឯកជន និងជាអ្នកគាំទ្រម្នាក់ទៀតរបស់ក្លិប MST បានសម្ដែងការពេញចិត្តចំពោះឃ្លាមួយក្នុងប្រលោមលោកនេះថា រឿងខ្លះកែវភ្នែកមើលមិនឃើញទេ ទាល់តែប្រើបេះដូងទើបអាចមើលឃើញ នេះជាឃ្លាដ៏មានន័យមួយបង្កប់អត្ថន័យចាក់ចំបេះដូង រហូតធ្វើឱ្យខ្លួននៅតែចងចាំ និងដក់ជាប់ក្នុងចិត្តក្រោយពេលអានចប់។

ចំពោះប្រិយមិត្តដែលមិនទាន់អានរឿង “ទោះស្នេហ៍ឆ្ងាយហួសជើងមេឃ” ឬចង់ទិញសៀវភៅនេះជាអំណោយសម្រាប់មនុស្សជាទីស្រឡាញ់ វាមានតម្តែលៃ ២៥០០០ រៀលប៉ុណ្ណោះ។ ឬអាចទាក់ទងជាវដុំនិងរាយតាមរយៈលេខទូរសព្ទ ០១៥ ២១ ៣១ ១១ ៕





អត្ថបទ៖ សន្យា
ចុចអាន៖ ទីបំផុតហ្វេនៗអាចអានប្រលោមលោកស្នេហាកក់ក្តៅបំផុតមួយហ្វ្រីហើយ!

-
ព័ត៌មានអន្ដរជាតិ១៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៣ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?