KPT+

ដឹងហើយថាស្រឡាញ់កូនណាស់ តែបើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ

បានផុស

៤ years មុន

នៅ

ថ្ងៃសុក្រ ២១ ឧសភា ២០២១

ដោយ

Sonya

ម្ដាយឪពុកណាមិនស្រឡាញ់កូន? ប៉ុន្តែប្ដីប្រពន្ធ ទើបមានកូនថ្មីថ្មោង ស្រឡាញ់ ថ្នាក់ថ្នម បណ្ដែតបណ្ដោយតាមចិត្តគេច្រើនពេក រហូតបានចិត្ត ឬហៅថា ទម្រើស។ គេតែងនិយាយថា ស្រឡាញ់កុំឲ្យដឹងចិត្ត ទើបកូនខ្លាច មិនចេះតែទារតាមហ៊ាន ឬធ្វើតាមចង់។ បញ្ហានេះ ប្រហែលសំខាន់ ដែលប៉ាម៉ាក់មានកូនតូចៗ ពូកែងរង៉ក់ គួរស្វែងយល់ ដើម្បីទប់ទល់ជាមួយលោកកូន។ ពិចារណាប៉ុន្មានចំណុចនេះទាំងអស់គ្នា៖

I Won't Raise My Daughter The Same Way My Chinese Parents Raised Me | HuffPost Canada Life

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- វិន័យ៖ ទម្លាប់បង្កើតវិន័យ ដើម្បីណែនាំកូន ជារឿងល្អមែនទែន ដែលឪពុកម្ដាយគ្រប់រូបគួរមាន ឬបង្កើតជាស្ទីលសម្រាប់ខ្លួនឯង។ បង្កើតហើយត្រូវតែអនុវត្ត ទោះបីជាពេលខ្លះគេ(កូន) មិនសប្បាយចិត្ត យំ ងរង៉ក់ក៏ដោយ ក៏មិនគួររំលងច្បាប់ទម្លាប់ដែរ។ កូនអាចមានអារម្មណ៍ អត់សប្បាយចិត្ត តែដំបូងៗ ប៉ុន្តែទម្លាប់យូរបន្តិចទៅ គេអាចខ្លាចយើងជាឪពុកម្ដាយ ហើយព្យាយាមឲ្យកូនយល់ពីមូលហេតុ និងការសន្យាជាមួយយើង។ ឧទាហរណ៍ ប្រសិនជាយើងចង់ឲ្យនំតែមួយទៅកូន អ្នកគួរនិយាយថា “កូនអាចញ៉ាំនំតែមួយទេណា៎ កុំសុំម៉ាក់មួយទៀត យើងបានសន្យាគ្នាហើយៗណា”។ ឬ បើកូនទារទូរសព្ទ មើលវីដេអូ មើលយ៉ូធូប ឬលេងហ្គេមអីជាដើម យើងគួរបញ្ជាក់ជាមួយគេ មុនឲ្យទូរសព្ទ (ឬ Tablet) ដូចជា ម៉ាក់/ប៉ា ឲ្យអូន (កូន) ឯងលេង ឬមើលតែ ១វីដេអូ ឬ ៣-៥នាទី។ អ៊ីចឹងបើដល់ពេលវេលាកំណត់ ត្រូវដកទូរសព្ទ/Tablet មកវិញ ទោះគេយំក៏ដោយ។ អ្វីដែលត្រូវធ្វើគឺ ប្រកាន់វិន័យឲ្យជាប់។ ចរិតក្មេង ប្រែជាល្អ ឬខូច អាស្រ័យដោយការអប់រំ ឬបន្ធូរបន្ថយរបស់យើងជាឪពុកម្ដាយហ្នឹងឯង។

Parent child interaction intervention - Starlight Psychology

២- ហេតុផល៖ ក្មេងៗចង់បានរបស់ ឬចង់ធ្វើអីមួយ ងាយណាស់ ឬក៏ឆាប់ធុញ លែងចង់ ក៏លឿនណាស់ដែរ។ ដូច្នេះ សូមកុំឲ្យអ្វីទៅគេងាយៗពេក។ ព្យាយាមលើកទឹកចិត្ត និងពន្យល់គេ ពីហេតុផល ថាតើហេតុអ្វីបានគេ គេ(កូន) អាចលេងរបស់ហ្នឹងបាន? ហេតុអ្វីបានជា កូនញ៉ាំរបស់ហ្នឹង អត់បាន ជាដើម។ នៅពេលដែលគេចាប់ផ្ដើមយល់ ហើយទាមទារចង់បានអ្វីដែលចង់បាន អ្នកអាចសួរ ឬទាមទារហេតុផល គេអាចនឹងបង្ហាញសមត្ថភាព ពន្យល់ ចេញពីចិត្ត។

How to Talk to Kids About Anti-Asian Violence | Parents

៣- អាទិភាព៖ មិនខុសអីពីមនុស្សធំទេ មុនសម្រេចចិត្តធ្វើអ្វីមួយ គឺត្រូវស្វែងយល់ ត្រូវមានហេតុផល និងផ្ដល់អាទិភាព ថាតើគួរធ្វើអីមុនល្អ ឬចាំបាច់។ បង្រៀនកូនឲ្យធ្វើកិច្ចការឲ្យចប់មុន ទៅលេង។ ចូរចាំថាអ្នកគួរតឹងរ៉ឹងចំពោះរឿងនេះ តែកុំតឹងតែងហួសហេតុពេក។

Premium Photo | Happy mom whispering a something secret to her little daughter ear.

៤- អន់ចិត្ត៖ ធម្មតាទេ ក្មេងអាចអន់ចិត្តច្រើន ងរច្រើនបើគេ អត់បានសប្បាយ ឬយើងអត់ឲ្យអ្វីដែលគេចង់បាន។ ចំណុចនេះ យើងជាឪពុកម្ដាយ គួរប្រើទ្រឹស្ដី “ស្រឡាញ់កុំឲ្យដឹងចិត្ត” ព្រោះថាគ្មានឪពុកម្ដាយណាចង់ឲ្យកូនមិនសប្បាយចិត្តទេ។ ក្មេងទោះបីខឹង ក៏អត់យូរប៉ុន្មានដែរ ដូច្នេះបើធ្វើឲ្យគេអន់ចិត្តខ្លះ អាចជារឿងល្អ។ អមដោយហេតុផល ៣ចំណុចខាងលើ ពេលអង្កេតមើលចរិតតួឯករបស់លោកកូន ថយចុះបន្តិចហើយ គួរឆ្លៀតពេល ទៅលួងគេវិញ ដោយពន្យល់ហេតុផល ឲ្យកូនយល់ ថាហេតុអី បានជាយើងមិនឲ្យគេធ្វើចឹង។ ទៅថ្ងៃមុខទៀត គេអាចទទួលខុសត្រូវ និងដោះស្រាយបញ្ហាបានដោយខ្លួនឯង។

How to Celebrate Asian American and Pacific Islander Heritage Month with Kids | Parents

៥- ទម្លាប់ឲ្យកូនចង់ចេះចង់ដឹងដោយខ្លួនឯង៖ បង្កើតទម្លាប់បណ្ដុះការគិត ការពន្យល់ ដោយផ្ដើមសំណួរថា ហេតុអ្វី? ឧទាហរណ៍សួរគេលេងៗថា “ធំឡើងកូនចង់ធ្វើអី? ម៉េចបានកូនចង់ក្លាយជាគ្រូពេទ្យ…?” ឬ “បើកូនចង់បានអីមួយ កុំបានតែស្រមៃ ត្រូវដឹងពីរបៀបរៀបចំខ្លួន ធ្វើឲ្យការស្រមៃ សម្រេចពិតប្រាកដ”។
មានវិធីមួយចំនួនដើម្បីជំរុញទឹកចិត្តគេឲ្យខិតខំ ដូចជាបើកូនអ្នកចង់បានឡានជ័រថ្មី ឬរបស់អីមួយក៏ដោយ យើងអាចបង្កើតទម្លាប់គេ ឲ្យរៀនសន្សំលុយទៅទិញដោយខ្លួនឯង។

8,015 Asian Mom Talking To Kid Stock Photos, Pictures & Royalty-Free Images

ម្យ៉ាងទៀតផែនការឲ្យរង្វាន់ក៏ជាគំនិតល្អមួយដែរ។ យើងអាចធ្វើតារាងមួយ ហើយរាល់ពេលដែលកូនមានអាកប្បកិរិយាល្អ អ្នកបិទរូបផ្កាយឲ្យគេមួយ។ ប្រាប់កូនថា ចំនួនផ្កាយទាំងនេះមានន័យថាពួកគេនឹងទទួលបានរង្វាន់។ នៅពេលកូនបានរង្វាន់ នោះគេនឹងមានអារម្មណ៍ថាជោគជ័យហើយរៀនស្រឡាញ់អ្វីដែលបានមកពីការខំប្រឹងប្រែង។

ចុះវិធីសាស្ត្ររបស់ម៉ាក់ប៉ាមានផ្សេងពីនេះអីខ្លះ? អ្នកណាខ្លះបានអនុវត្ត ប៉ុន្មានចំណុចខាងលើនេះរួចហើយ?

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ នៅផ្ទះយូរ កូនៗកើតរោគធុញទ្រាន់ ម៉ាក់ប៉ាអាចបង្កើតភាពរីករាយពីសកម្មភាពទាំងនេះ

ចុចអាន៖ បញ្ហាចាំបាច់ដែលឪពុកម្ដាយដោះស្រាយ មុនពេលបង្កជាវិបត្តិធ្ងន់ដល់កូនៗ

Related Topics:ការអប់រំកូន