KPT+

ហេតុផល ៥ យ៉ាងដែលគួរតែប្រារព្ធខួបអាពាហ៍ពិពាហ៍ក្នុងនាមជីវិតគូ

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

ជីវិតប្ដីប្រពន្ធមិនមែនរស់នៅជាមួយគ្នាតែមួយថ្ងៃឡើយ តែអ្នកទាំងពីរត្រូវរស់នៅជាមួយគ្នាអស់ពេលមួយជីវិត។ ក្នុងនាមជាគូស្វាមី ត្រូវចេះបង្ហាញភាពផ្អែមល្ហែមដាក់គ្នា ទោះអ្នកទាំងពីររវល់រកពេលដកឃ្លាមិនរួចយ៉ាងណាក៏ដោយ។

នេះជាហេតុផល ៥ យ៉ាង ដែលគួរតែប្រារព្ធខួបអាពាហ៍ពិពាហ៍របស់យើង ទោះបីមិនមានអារម្មណ៍ចង់ធ្វើក៏ដោយ៖

១. ជាព្រឹត្តិការណ៍នៃការចងចាំដ៏សំខាន់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលែងលះគឺកើតឡើងនៅជុំវិញពិភពលោក ព្រោះតែមិនបានចងចាំថ្ងៃសំខាន់របស់គ្នាទៅវិញទៅមក។ នៅពេលជីវិតប្ដីប្រពន្ធឈានដល់ដំណាក់កាលដ៏សំខាន់មួយ នៅក្នុងអាពាហ៍ពិពាហ៍ យើងគួរតែចាប់ផ្ដើមប្រារព្ធពិធីនេះ។ ទោះបីជាមិនល្អឥតខ្ចោះ តែការប្រារព្ធពិធីគឺជាការចងចំណងនៃរយៈពេលដែលអ្នកទាំងពីរសម្រេចចិត្តប្រើជីវិតរួមគ្នា។

២. ជាឱកាសដើម្បីភ្ជាប់ទំនាក់ទំនងស្នេហា

អបអរសាទរខួបរបស់យើង ក៏អាចជាឱកាសដ៏អស្ចារ្យក្នុងការភ្ជាប់ទំនាក់ទំនងជីវិតគូឡើងវិញដែរ។ បើជីវិតគូមានភាពរកាំរកូស យើងត្រូវចំណាយពេលដើម្បីអបអរសាទរ ឲ្យប្ដីប្រពន្ធបានភ្ជាប់និងទំនាក់ទំនងមនោសញ្ចេតនាគ្នាឡើងវិញ។

៣. ជាឱកាសឆ្លុះបញ្ចាំងគ្នាទៅវិញទៅមក

រឿងមួយដែលគូជីវិតគ្រប់គ្នាត្រូវឧស្សាហ៍ធ្វើ គឺថ្ងៃគម្រប់ខួបរបស់ខ្លួនឯង នេះជាការឆ្លុះបញ្ចាំងពីឆ្នាំកន្លងទៅ ឬប៉ុន្មានឆ្នាំកន្លងមក រវាងអ្នកទាំងពីរ។ តាមរយៈការក្រឡេកមើលទៅក្រោយ យើងអាចដឹងថា យើងបានមកដល់ទីណាជាមួយគ្នា។

ការឆ្លុះបញ្ចាំង ផ្ដល់ឲ្យយើងនូវក្ដីសង្ឃឹម ការចងចាំ ភាពខ្លាំងដែលយើងមានក្នុងជីវីតអាពាហ៍ពិពាហ៍
និងលើកទឹកចិត្តយើងឲ្យបន្តទៅមុខទៀត សម្រាប់ពេលអនាគត និងជម្នះឧបសគ្គមួយចំនួនក្នុងនាមជាគូជិវិត។

៤. ជាលេសមួយចងចំណងអាពាហ៍ពិពាហ៍យូរអង្វែង

អនុស្សាវរីយ៍មួយក្នុងចំណោមអនុស្សាវរីយដែលល្អបំផុតក្នុងនាមជាជីវិតជាប្ដីប្រពន្ធ គឺនៅពេលដែលអ្នកទាំងពីរបានធ្វើខួប ១០ ឆ្នាំរួមគ្នា។

ខួបអាពាហ៍ពិពាហ៍មិនមែនអត់ប្រយោជន៍ឡើយ វាជាការក្រើនរំលឹកចងចាំ និងរឹតចំណងស្នេហាគូស្វាមីឲ្យកាន់តែផ្អែមល្ហែមជាងមុន។

៥. ជាពេលវេលាដើម្បីមើលទៅអនាគតរួមគ្នា

ឆ្លៀតឱកាសធ្វើ យ៉ាងហោចណាស់ម្ដងក្នុង១ឆ្នាំ ដើម្បីពិភាក្សាពីរឿងល្អៗជាមួយគ្នា ជាពិសេសគឺការធ្វើពិធីជាមួយគ្នា។

នេះជាការពិត ជាពិសេសបើអ្នកទាំងពីរកំពុងតែស្ថិតនៅក្នុងស្ថានភាពលំបាក ក្នុងជីវិតអាពាហ៍ពិពាហ៍ ឬបញ្ហាប្រឈមខាងឪពុកម្ដាយមិនពេញចិត្ត សូមចំណាយពេលគិតពីរឿងដែលចង់ឲ្យទំនាក់ទំនងរបស់គ្រួសារអាចត្រលប់មកល្អប្រសើរវិញ៕

ប្រែសម្រួល៖ សាង ស្រីល័ក្ខ

ចុចអាន៖មុនសម្រេចចិត្តរៀបការប្រើគូជីវិតរួមគ្នា មកឆ្លើយសំណួរទាំងនេះសិន

ចុចអាន៖៣ ចំណុចលើកកម្ពស់ជីវិតអាពាហ៍ពិពាហ៍ឲ្យរឹងមាំជាងមុនទ្វេដង